Gehlot government prepares : ਕੋਰੋਨਾ ਦੀ ਦੂਜੀ ਲਹਿਰ ਦੀ ਚੇਨ ਨੂੰ ਤੋੜਨ ਲਈ ਜਿਥੇ ਗਹਿਲੋਤ ਸਰਕਾਰਨੇ ਲੋਕਡਾਊਨ ਵਰਗੇ ਸਖਤ ਕਦਮ ਚੁੱਕੇ ਹਨ, ਨਾਲ ਹੀ ਹੁਣ ਵੈਕਸੀਨੇਸ਼ਨ ਮੁਹਿੰਮ ‘ਚ ਕਿਸੇ ਤਰ੍ਹਾਂ ਦੀ ਕੋਈ ਕਮੀ ਨਾ ਆਵੇ, ਇਸ ਲਈ ਗਲੋਬਲ ਟੈਂਡਰ ‘ਤੇ ਮੋਹਰ ਲਗਾ ਦਿੱਤੀ ਗਈ ਹੈ। 3 ਘੰਟੇ ਚੱਲੀ ਇਸ ਬੈਠਕ ‘ਚ ਇਹ ਫੈਸਲਾ ਲਿਆ ਗਿਆ।
ਗਹਿਲੋਤ ਸਰਕਾਰ ਨੇ ਇਸ ਦੀ ਖਰੀਦ ਦੀ ਤਿਆਰੀ ਕਰ ਲਈ ਹੈ। ਵੈਕਸੀਨ ਨੂੰ ਲੈ ਕੇ ਅੱਜ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਦੀ ਪ੍ਰਧਾਨਗੀ ਵਿਚ ਕੈਬਨਿਟ ਦੀ ਬੈਠਕ ਹੋਈ ਜਿਸ ਵਿਚ ਕਈ ਮਹੱਤਵਪੂਰਨ ਫੈਸਲੇ ਲਏ ਗਏ। ਇਸ ਦੌਰਾਨ ਕੈਬਨਿਟ ਨੇ ਗਲੋਬਲ ਟੈਂਡਰ ਕੱਢਣ ‘ਤੇ ਵਿਚਾਰ ਕੀਤਾ ਜਿਸ ‘ਚ ਫੈਸਲਾ ਲਿਆ ਗਿਆ ਕਿ ਜਲਦ ਹੀ ਗਲੋਬਲ ਟੈਂਡਰ ਕੱਢਣ ਦੇ ਨਾਲ ਹੀ ਵੈਕਸੀਨ ਖਰੀਦੀ ਜਾਵੇਗੀ, ਜਿਸ ਨਾਲ ਲੋਕਾਂ ਨੂੰ ਵੈਕਸੀਨ ਉਪਲਬਧ ਕਰਵਾ ਕੇ ਇਸ ਮਹਾਮਾਰੀ ਤੋਂ ਮੁਕਤ ਕਰਵਾਇਆ ਜਾਵੇਗਾ।
ਗਹਿਲੋਤ ਸਰਕਾਰ ਨੇ ਇੰਟਰਨੈਸ਼ਨਲ ਨਰਸ ਦਿਵਸ ਦੇ ਮੌਕੇ ਸੂਬੇ ਭਰ ਦੀਆਂ ਨਰਸਾਂ ਨੂੰ ਵੱਡਾ ਤੋਹਫਾ ਦਿੱਤਾ ਹੈ। ਲੰਬੇ ਸਮੇਂ ਤੋਂ ਨਰਸਾਂ ਵੱਲੋਂ ਕੀਤੀ ਜਾ ਰਹੀ ਪਦਨਾਮ ਦੀ ਮੰਗ ‘ਤੇ ਗਹਿਲੋਤ ਸਰਕਾਰ ਨੇ ਫੈਸਲਾ ਲੈਂਦੇ ਹੋਏ ਮੋਹਰ ਲਗਾ ਦਿੱਤੀ ਹੈ। ਇਸ ਤੋਂ ਬਾਅਦ ਸੂਬੇ ਭਰ ਦੀਆਂ ਨਰਸਾਂ ਦਾ ਅਹੁਦਾ ਬਦਲਿਆ ਜਾ ਸਕੇਗਾ। ਨਰਸਾਂ ਵੱਲੋਂ ਮੰਗ ਕੀਤੀ ਜਾ ਰਹੀ ਸੀ ਕਿ ਉਸ ਦਾ ਅਹੁਦਾ ਬਦਲਦੇ ਹੋਏ ਨਰਸ ਗ੍ਰੇਡ ਦੂਜੀ ਲਈ ਨਰਸਿੰਗ ਆਫਿਸਰ ਤੇ ਨਰਸ ਗ੍ਰੇਡ ਪ੍ਰਥਮ ਨੂੰ ਸੀਨੀਅਰ ਨਰਸਿੰਗ ਅਫਸਰ ਕੀਤਾ ਜਾਵੇ। ਗਲੋਬਲ ਟੈਂਡਰ ਅਸਲ ‘ਚ ਦੁਨੀਆ ਭਰ ਦੇ ਦੇਸ਼ਾਂ ਦੀਆਂ ਕੰਪਨੀਆਂ ਲਈ ਜਾਰੀ ਕੀਤਾ ਗਿਆ ਟੈਂਡਰ ਹੁੰਦਾ ਹੈ। ਇਹ ਸਬੰਧਤ ਵਿਭਾਗ ਆਪਣੀ ਵੈੱਬਸਾਈਟ ‘ਤੇ ਰਾਸ਼ਟਰੀ-ਅੰਤਰਰਾਸ਼ਟਰੀ ਮੀਡੀਆ ਵੱਲੋਂ ਜਾਰੀ ਕਰਦਾ ਹੈ। ਇਸ ਨੂੰ ਵੈਸ਼ਵਿਕ ਟੈਂਡਰ ਨਾਲ ਸਬੰਧਤ ਕਈ ਵੈੱਬਸਾਈਟਾਂ ‘ਤੇ ਵੀ ਜਾਰੀ ਕੀਤਾ ਜਾਂਦਾ ਹੈ।
