ਪਾਕਿਸਤਾਨ ਵਿੱਚ ਇਮਰਾਨ ਖਾਨ ਦੀਆਂ ਮੁਸ਼ਕਲਾਂ ਲਗਾਤਾਰ ਵਧ ਰਹੀਆਂ ਹਨ। ਹਾਲਾਂਕਿ ਉਹ ਅਸਤੀਫਾ ਦੇਣ ਦੀ ਬਜਾਏ ਬੇਭਰੋਸਗੀ ਮਤੇ ਦਾ ਸਾਹਮਣਾ ਕਰਨ ਦਾ ਐਲਾਨ ਕਰ ਚੁੱਕੇ ਹਨ। ਹਾਲਾਂਕਿ ਵਿਰੋਧੀਆਂ ਵੱਲੋਂ ਕਿਹਾ ਜਾ ਰਿਹਾ ਹੈ ਕਿ ਇਮਰਾਨ ਸਰਕਾਰ ਦਾ ਡਿੱਗਣਾ ਤੈਅ ਹੈ ਤੇ ਉਨ੍ਹਾਂ ਦੀ ਸਰਕਾਰ ਦੇ ਗ੍ਰਹਿ ਮੰਤਰੀ ਸ਼ੇਖ ਰਾਸ਼ਿਦ ਨੇ ਕਿਹਾ ਕਿ ਪੀ.ਐੱਮ. ਖਾਨ ਆਖਰੀ ਗੇਂਦ ਤੱਕ ਖੇਡਣਗੇ।
ਇਸੇ ਵਿਚਾਲੇ ਉਨ੍ਹਾਂ ਦੀ ਸਾਬਕਾ ਪਤਨੀ ਰੇਹਾਮ ਖਾ ਨੇ ਇਮਰਾਨ ਖਾਨ ਦੀ ਨਵਜੋਤ ਸਿੱਧੂ ਨਾਲ ਇੱਕ ਤਸਵੀਰ ਟਵੀਟ ਕਰ ਦਿੱਤੀ ਤੇ ਕਿਹਾ ਕਿ ‘ਸਿਆਸਤ ਉਨ੍ਹਾਂ ਦੇ ਵੱਸ ਦੀ ਗੱਲ ਨਹੀਂ, ਲੱਗਦੈ ਕਪਿਲ ਸ਼ਰਮਾ ਸ਼ੋਅ ਇਨ੍ਹਾਂ ਲਈ ਬਿਹਤਰ ਹੈ!’
ਇਸ ਤੋਂ ਪਹਿਲਾਂ ਇੱਕ ਨਿਊਜ਼ ਚੈਨਲ ਨਾਲ ਗੱਲ ਕਰਦਿਆਂ ਰੇਹਮ ਖਾਨ ਨੇ ਕਿਹਾ ਕਿ ‘ਇਮਰਾਨ ਖਾਨ ਨੂੰ ਸਾਡੇ ਤੋਂ ਬਿਹਤਰ ਭਾਰਤ ਦੇ ਲੋਕ ਜਾਣਦੇ ਨੇ। ਉਨ੍ਹਾਂ ਨੂੰ ਇਥੇ ਤੱਕ ਪਹੁੰਚਾਉਣ ਵਿੱਚ ਭਾਰਤ ਦੀ ਅਹਿਮ ਭੂਮਿਕਾ ਰਹੀ ਹੈ। ਇਮਰਾਨ ਖਾਨ ਚਾਹੁੰਦੇ ਤਾਂ ਇੱਜ਼ਤ ਨਾਲ ਆਪਣਾ ਅਹੁਦਾ ਛੱਡ ਸਕਦੇ ਸਨ। ਪਾਕਿਸਤਾਨ ਦੀ ਜਨਤਾ ਨੇ ਇਨ੍ਹਾਂ ਨੂੰ ਪਤਾ ਨਹੀਂ ਕਿਵੇਂ ਚਾਰ ਸਾਲ ਝੱਲ ਰਿਹਾ, ਉਹ ਹੁਣ ਅੱਗੇ ਨਹੀਂ ਝੱਲ ਸਕਦੀ।’
ਵੀਡੀਓ ਲਈ ਕਲਿੱਕ ਕਰੋ -:
“ਐਂਟੀ ਕਰੱਪਸ਼ਨ ਨੰਬਰ ‘ਤੇ ਪਹਿਲੀ ਸ਼ਿਕਾਇਤ, ਹੁਣ ਆਊ ਨਾਇਬ ਤਹਿਸੀਲਦਾਰ ਦੀ ਸ਼ਾਮਤ, ਦੇਖੋ ਕਿਵੇਂ ਲਈ ਰਿਸ਼ਵਤ”
ਰੇਹਮ ਨੇ ਅੱਗੇ ਕਿਹਾ ਕਿ ਇਮਰਾਨ ਖਾਨ ਸਾਬਕਾ ਪ੍ਰਧਾਨ ਮੰਤਰੀ ਜ਼ੁਲਫਿਕਾਰ ਅਲੀ ਭੁੱਟੋ ਬਣਨ ਦੀ ਨਾਕਾਮ ਕੋਸ਼ਿਸ਼ ਕਰ ਰਹੇ ਹਨ। ਜ਼ੁਲਫਿਕਾਰ ਅਲੀ ਭੁੱਟੋ ਸਾਹਿਬ ਦੇ ਕਿਤੇ ਵੀ ਨੇੜੇ ਨਹੀਂ ਪਹੁੰਚ ਸਕਦੇ। ਉਹ ਇਹ ਸੋਚਮ ਵੀ ਨਾ ਤੇ ਨਾ ਹੀ ਮੁਲਕ ਇਨ੍ਹਾਂ ਨੂੰ ਜ਼ੁਲਫ਼ਿਕਾਰ ਅਲੀ ਭੁੱਟੋ ਸਮਝਦਾ ਹੈ।
ਖਾਨ ਦੀ ਸਾਬਕਾ ਪਤਨੀ ਨੇ ਕਿਹਾ ਕਿ ਇਨ੍ਹਾਂ ਨੂੰ ਫਿਲਮਾਂ ਬਣਾਉਣ ਦਾ ਬੜਾ ਸ਼ੌਂਕ ਹੈ। ਹੁਣ ਮੈਂ ਉਮੀਦ ਕਰ ਰਹੀ ਹਾਂ ਕਿ ਇਹ ਕ੍ਰਿਕਟ ਤਾਂ ਨਹੀਂ ਖੇਡ ਸਕਦੇ, ਪਰ ਸਟੈਂਡ-ਅਪ ਕਾਮੇਡੀ ਜਾਂ ਬਾਲੀਵੁਡ ਦਾ ਕੋਈ ਆਫਰ ਜੋ ਪਹਿਲਾਂ ਤੁਸੀਂ ਲੋਕ ਇਨ੍ਹਾਂ ਨੂੰ ਮੁਹੱਬਤ ਲਈ ਦਿੰਦੇ ਸੀ, ਤੁਸੀਂ ਦੇ ਸਕਦੇ ਹੋ।
