ਇਸ ਸਮੇਂ ਦਿੱਲੀ ਸਣੇ ਪੂਰੇ ਉੱਤਰ ਭਾਰਤ ਵਿਚ ਭਿਆਨਕ ਗਰਮੀ ਪੈ ਰਹੀ ਹੈ। ਤਾਪਮਾਨ 47 ਤੋਂ 48 ਡਿਗਰੀ ਤੱਕ ਪਹੁੰਚ ਗਿਆ ਹੈ। ਅਜਿਹੇ ਵਿਚ ਹਰ ਕਿਸੇ ਲਈ ਪਾਣੀ ਵਰਦਾਨ ਹੈ। ਸ਼ਹਿਰੀਕਰਨ ਤੇ ਭੱਜ-ਦੌੜ ਦੀ ਜ਼ਿੰਦਗੀ ਵਿਚ ਪਾਣੀ ਨੂੰ ਠੰਡਾ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ ਫਰਿਜ ਹੈ ਪਰ ਅੱਜ ਵੀ ਵੱਡੀ ਗਿਣਤੀ ਵਿਚ ਲੋਕ ਘੜੇ ਦਾ ਪਾਣੀ ਪੀਣਾ ਪਸੰਦ ਕਰਦੇ ਹਨ। ਅਜਿਹੇ ਵਿਚ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਘੜੇ ਦਾ ਜਾਂ ਫ੍ਰਿਜ ਦਾ ਪਾਣੀ ਕਿਹੜਾ ਤੁਹਾਡੇ ਲਈ ਜ਼ਿਆਦਾ ਫਾਇਦੇਮੰਦ ਹੈ।
ਘੜਾ ਸਾਡੀ ਸੰਸਕ੍ਰਿਤੀ ਦਾ ਹਿੱਸਾ ਹੈ। ਜਦੋਂ ਦੁਨੀਆ ਵਿਚ ਬਿਜਲੀ ਨਹੀਂ ਸੀ ਤੇ ਫ੍ਰਿਜ ਦੀ ਖੋਜ ਨਹੀਂ ਹੋਈ ਸੀ ਤਾਂ ਭਿਆਨਕ ਗਰਮੀ ਵਿਚ ਪਾਣੀ ਨੂੰ ਠੰਡਾ ਕਰਨ ਦਾ ਇਕ ਹੀ ਬਦਲ ਦੀ ਘੜਾ ਪਰ ਵਿਕਾਸ ਦੀ ਦੌੜ ਵਿਚ ਬਿਜਲੀ ਤੇ ਘਰ-ਘਰ ਫ੍ਰਿਜ ਪਹੁੰਚਣ ਦੀ ਵਜ੍ਹਾ ਨਾਲ ਘੜੇ ਦੀ ਮੰਗ ਘੱਟ ਹੋ ਗਈ। ਲੋਕ ਠੰਡੇ ਪਾਣੀ ਲਈ ਫ੍ਰਿਜ ‘ਤੇ ਨਿਰਭਰ ਹੋ ਗਏ ਪਰ ਸਾਨੂੰ ਸਾਰਿਆਂ ਨੂੰ ਪਤਾ ਹੈ ਕਿ ਸਾਡੀ ਪ੍ਰਪੰਰਾ ਕਾਫੀ ਖੁਸ਼ਹਾਲ ਰਹੀ ਹੈ। ਨੈਚੁਰਲ ਚੀਜ਼ਾਂ ਦੀ ਗੱਲ ਵੱਖ ਹੈ। ਅਜਿਹੇ ਵਿਚ ਨਿਸ਼ਚਿਤ ਤੌਰ ‘ਤੇ ਘੜੇ ਦਾ ਪਾਣੀ ਫ੍ਰਿਜ ਦੀ ਤੁਲਨਾ ਵਿਚ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ।
ਕਿਸੇ ਵੀ ਚੀਜ਼ ਵਿਚ ਜਦੋਂ ਨੈਚੁਰਲ ਸ਼ਬਦ ਜੁੜ ਜਾਂਦਾ ਹੈ ਤਾਂ ਫਿਰ ਉਸ ਤੋਂ ਬੇਹਤਰ ਕੁਝ ਨਹੀਂ ਹੁੰਦਾ। ਘੜੇ ਵਿਚ ਪਾਣੀ ਨੈਚੁਰਲ ਤਰੀਕੇ ਨਾਲ ਠੰਡ ਹੁੰਦਾ ਹੈ। ਦਰਅਸਲ ਘੜੇ ਵਿਚ ਪਾਣੀ ਠੰਡਾ ਹੋਣਦੀ ਜੋ ਪ੍ਰਕਿਰਿਆ ਹੈ ਉਸ ਦੇ ਪਿੱਛੇ ਸਾਇੰਸ ਦੇ ਵਾਸ਼ਪੀਕਰਨ ਦਾ ਸਿਧਾਂਤ ਕੰਮ ਕਰਦਾ ਹੈ। ਇਸ ਦੇ ਨਾਲ ਹੀ ਘੜੇ ਦੇ ਪਾਣੀ ਦਾ ਸੁਆਦ ਵੀ ਬਦਲ ਜਾਂਦਾ ਹੈ। ਅਜਿਹਾ ਇਸ ਲਈ ਹੁੰਦਾ ਹੈ ਕਿਉਂਕਿ ਮਿੱਟੀ ਵਿਚ ਮੌਜੂਦ ਮਿਨਰਲ ਦੇ ਅੰਸ਼ ਪਾਣੀ ਵਿਚ ਘੁਲ ਜਾਂਦੇ ਹਨ।
ਇਹ ਵੀ ਪੜ੍ਹੋ : ਖਤਮ ਨਹੀਂ ਹੋਈ Paytm ਦੀ ਮੁਸ਼ਕਲ, RBI ਦੇ ਐਕਸ਼ਨ ਦੇ ਬਾਅਦ 3 ਮਹੀਨਿਆਂ ‘ਚ 550 ਕਰੋੜ ਦੇ ਘਾਟੇ ਵਿਚ ਗਈ ਕੰਪਨੀ
ਘੜੇ ਦੀ ਇਕ ਖਾਸੀਅਤ ਇਹ ਹੈ ਕਿ ਇਸ ਵਿਚ ਪਾਣੀ ਆਪਣੇ ਆਪ ਅਲਕਾਲਾਈਨ ਪਾਣੀ ਹੋ ਜਾਂਦਾ ਹੈ। ਮਿੱਟੀ ਵਿਚ ਮੌਜੂਦ ਕੈਲਸ਼ੀਅਮ, ਮੈਗਨੀਸ਼ੀਅਮ ਤੇ ਪੌਟਾਸ਼ੀਅਮ ਦੇ ਅੰਸ਼ ਪਾਣੀ ਵਿਚ ਘੁਲਣ ਦੀ ਵਜ੍ਹਾ ਨਾਲ ਅਜਿਹਾ ਹੁੰਦਾ ਹੈ। ਆਯੁਰਵੇਦ ਵਿਚ ਅਲਕਾਲਾਈਨ ਵਾਟਰ ਨੂੰ ਪੇਟ ਲਈ ਕਾਫੀ ਕਾਰਗਰ ਦੱਸਿਆ ਗਿਆ ਹੈ। ਇਸ ਨੂੰ ਲੀਵਰ ਤੇ ਕਿਡਨੀ ਲਈ ਕਾਫੀ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਇਸ ਨਾਲ ਕਬਜ਼ ਨਹੀਂ ਬਣਦਾ ਤੇ ਪਾਚਣ ਬੇਹਤਰ ਹੁੰਦਾ ਹੈ। ਮਿੱਟੀ ਦੇ ਭਾਂਡੇ ਵਿਚ ਪਾਣੀ pH ਦਾ ਬੈਲੇਂਸ ਵੀ ਬਣਿਆ ਰਹਿੰਦਾ ਹੈ ਜਿਸ ਨਾਲ ਬਾਡੀ ਵਿਚ ਨੈਚੁਰਲ ਤਰੀਕੇ ਨਾਲ ਡਿਟਾਕਿਸਫਿਕੇਸ਼ਨ ਦੀ ਪ੍ਰਕਿਰਿਆ ਹੁੰਦੀ ਹੈ।
ਮਿੱਟੀ ਦੇ ਭਾਂਡੇ ਦੀ ਵਜ੍ਹਾ ਨਾਲ ਪਾਣੀ ਵਿਚ ਪੋਸ਼ਕ ਤੱਤ ਬਣਿਆ ਰਹਿੰਦਾ ਹੈ। ਇਨਾ ਹੀ ਨਹੀਂ ਪਲਾਸਟਿਕ ਜਾਂ ਮੈਟਲ ਦੇ ਭਾਂਡੇ ਦੀ ਤਰ੍ਹਾਂ ਘਟੇ ਤੋਂ ਕੋਈ ਹਾਨੀਕਾਰਕ ਤੱਤ ਰਿਲੀਜ਼ ਨਹੀਂ ਹੁੰਦਾ। ਇਸ ਕਾਰਨ ਘੜੇ ਦੇ ਪਾਣੀ ਦੀ ਕੁਦਰਤੀ ਸ਼ੁੱਧਤਾ ਬਣੀ ਰਹਿੰਦੀ ਹੈ। ਅਜਿਹੇ ਵਿਚ ਜਦੋਂ ਤੁਸੀਂ ਘੜੇ ਦਾ ਪਾਣੀ ਪੀਂਦੇ ਹੋ ਤਾਂ ਤੁਸੀਂ 100 ਫੀਸਦੀ ਕੁਦਰਤੀ ਲਾਭ ਲੈਂਦੇ ਹੋ। ਘੜਾ ਪਾਣੀ ਠੰਡਾ ਕਰਨ ਦਾ ਕੁਦਰਤੀ ਤਰੀਕਾ ਹੈ। ਪਲਾਸਟਿਕ ਜਾਂ ਮੈਟਲ ਦੀ ਬੋਤਲ ਦੀ ਤੁਲਨਾ ਵਿਚ ਇਹ ਪੂਰੀ ਤਰ੍ਹਾਂ ਈਕੋ-ਫ੍ਰੈਂਡਲੀ ਹੈ। ਇਸ ਨਾਲ ਕੁਦਰਤ ਨੂੰ ਨੁਕਸਾਨ ਨਹੀਂ ਹੁੰਦਾ। ਦੂਜੇ ਪਾਸੇ ਪਲਾਸਟਿਕ ਤੇ ਸਟੀਲ ਦੇ ਭਾਂਡੇ ਨਾਲ ਸਿੱਧੇ ਤੌਰ ‘ਤੇ ਵਾਤਾਵਰਣ ਨੂੰ ਨੁਕਸਾਨ ਪਹੁੰਚਦਾ ਹੈ।
