ਉੱਤਰ ਪ੍ਰਦੇਸ਼ ਦੇ ਗੌਤਮ ਬੁੱਧ ਨਗਰ ਜ਼ਿਲ੍ਹੇ ਦੇ ਨਿਠਾਰੀ ਪਿੰਡ ਦੇ ਰਹਿਣ ਵਾਲੇ ਕੁਝ ਲੋਕ ਵੀਰਵਾਰ ਸ਼ਾਮ ਨੂੰ ਭਗਵਾਨ ਗਣੇਸ਼ ਦੀ ਮੂਰਤੀ ਦਾ ਵਿਸਰਜਨ ਕਰਨ ਲਈ ਦਿੱਲੀ ਦੇ ਮਯੂਰ ਵਿਹਾਰ ਨੇੜੇ ਪਹੁੰਚੇ ਸਨ। ਯਮੁਨਾ ਨਦੀ ‘ਚ ਮੂਰਤੀ ਵਿਸਰਜਨ ਦੌਰਾਨ ਡੁੱਬਣ ਕਾਰਨ ਦੋ ਭਰਾਵਾਂ ਦੀ ਮੌਤ ਹੋ ਗਈ। ਦਿੱਲੀ ਪੁਲਿਸ ਨੇ ਦੱਸਿਆ ਕਿ ਦੋਵਾਂ ਦੇ ਪਰਿਵਾਰਕ ਮੈਂਬਰ ਉਨ੍ਹਾਂ ਨੂੰ ਨੋਇਡਾ ਦੇ ਸੈਕਟਰ 30 ਸਥਿਤ ਚਾਈਲਡ ਪੀਜੀਆਈ ਹਸਪਤਾਲ ਲੈ ਕੇ ਆਏ, ਜਿੱਥੇ ਦੋਵਾਂ ਦੀ ਮੌਤ ਹੋ ਗਈ। ਜਦਕਿ ਦੋ ਹੋਰਾਂ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।
2brothers died yamuna visarjan
ਇਸ ਘਟਨਾ ਤੋਂ ਬਾਅਦ ਪਿੰਡ ਨਿਠਾਰੀ ਵਿੱਚ ਸੋਗ ਦਾ ਮਾਹੌਲ ਹੈ। ਪੁਲਸ ਜ਼ੋਨ-1 ਦੇ ਡਿਪਟੀ ਕਮਿਸ਼ਨਰ ਹਰੀਸ਼ ਚੰਦਰ ਨੇ ਦੱਸਿਆ ਕਿ ਪੁਲਸ ਥਾਣਾ ਸੈਕਟਰ-20 ਖੇਤਰ ਦੇ ਪਿੰਡ ਨਿਠਾਰੀ ਦਾ ਰਹਿਣ ਵਾਲਾ ਧੀਰਜ ਦਿੱਲੀ ਦੇ ਮਯੂਰ ਵਿਹਾਰ ਨੇੜੇ ਯਮੁਨਾ ਨਦੀ ‘ਚ ਮੂਰਤੀ ਵਿਸਰਜਨ ਕਰਨ ਗਿਆ ਸੀ। ਉਸ ਨੇ ਦੱਸਿਆ ਕਿ ਇਹ ਲੋਕ ਯਮੁਨਾ ਦੇ ਕਿਨਾਰੇ ਜਾ ਕੇ ਮੂਰਤੀ ਦਾ ਵਿਸਰਜਨ ਕਰਨ ਲੱਗੇ ਤਾਂ ਇਹ ਚਾਰੇ ਜਣੇ ਇਸ਼ਨਾਨ ਕਰਨ ਲਈ ਨਦੀ ਵਿੱਚ ਵੜ ਗਏ ਅਤੇ ਡੁੱਬਣ ਲੱਗੇ। ਚੰਦਰ ਨੇ ਦੱਸਿਆ ਕਿ ਪਰਿਵਾਰਕ ਮੈਂਬਰਾਂ ਨੇ ਚਾਰਾਂ ਨੂੰ ਬਾਹਰ ਕੱਢ ਕੇ ਨੋਇਡਾ ਦੇ ਪੀਜੀਆਈ ਹਸਪਤਾਲ ਵਿੱਚ ਦਾਖਲ ਕਰਵਾਇਆ, ਜਿੱਥੇ ਇਲਾਜ ਦੌਰਾਨ ਧੀਰਜ ਦੇ ਪੁੱਤਰਾਂ ਨੀਰਜ (15) ਅਤੇ ਕ੍ਰਿਸ਼ਨ (5) ਦੀ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਸਚਿਨ ਪੁੱਤਰ ਧੀਰਜ ਉਮਰ 17 ਸਾਲ ਅਤੇ ਅਭਿਸ਼ੇਕ ਪੁੱਤਰ ਨੇਤਰਮ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
ਦਿੱਲੀ ਦੇ ਨਾਲ ਲੱਗਦੇ ਨੋਇਡਾ ਸੈਕਟਰ 20 ਥਾਣਾ ਪੁਲਸ ਨੇ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ। ਡੀਸੀਪੀ ਨੇ ਦੱਸਿਆ ਕਿ ਇਹ ਘਟਨਾ ਦਿੱਲੀ ਦੇ ਮਯੂਰ ਵਿਹਾਰ ਥਾਣਾ ਖੇਤਰ ਵਿੱਚ ਵਾਪਰੀ। ਇਹ ਘਟਨਾ ਵੀਰਵਾਰ ਯਾਨੀ 28 ਜੁਲਾਈ ਸ਼ਾਮ ਕਰੀਬ 5 ਵਜੇ ਦੀ ਦੱਸੀ ਜਾਂਦੀ ਹੈ। ਏਸੀਪੀ ਨੋਇਡਾ ਰਜਨੀਸ਼ ਅਨੁਸਾਰ 28 ਜੁਲਾਈ ਨੂੰ ਲੋਕ ਡੇਢ ਫੁੱਟ ਉੱਚੀ ਗਣੇਸ਼ ਮੂਰਤੀ ਨੂੰ ਪਿੰਡ ਨਿਠਾਰੀ ਗਲੀ ਨੰਬਰ 2 ਤੋਂ ਦਿੱਲੀ ਦੇ ਮਯੂਰ ਵਿਹਾਰ ਵਿੱਚ ਵਿਸਰਜਨ ਲਈ ਲੈ ਗਏ ਸਨ। ਡੁੱਬਣ ਸਮੇਂ ਚਾਰ ਬੱਚੇ ਦਲਦਲ ਵਿੱਚ ਫਸ ਗਏ ਅਤੇ ਡੁੱਬ ਗਏ। ਬੇਹੋਸ਼ੀ ਦੀ ਹਾਲਤ ਵਿੱਚ ਸਾਰਿਆਂ ਨੂੰ ਬਾਲ ਪੀਜੀਆਈ ਹਸਪਤਾਲ ਸੈਕਟਰ-30 ਵਿੱਚ ਦਾਖਲ ਕਰਵਾਇਆ ਗਿਆ, ਜਿੱਥੇ 15 ਸਾਲਾ ਨੀਰਜ ਪੁੱਤਰ ਧੀਰਜ ਅਤੇ ਪੰਜ ਸਾਲਾ ਕ੍ਰਿਸ਼ਨ ਪੁੱਤਰ ਧੀਰਜ ਦੀ ਇਲਾਜ ਦੌਰਾਨ ਮੌਤ ਹੋ ਗਈ। 17 ਸਾਲਾ ਸਚਿਨ ਪੁੱਤਰ ਧੀਰਜ ਦਾ ਇਲਾਜ ਚੱਲ ਰਿਹਾ ਹੈ।
