ਕੀ ਤੁਹਾਨੂੰ ਇੰਸਟਾਗ੍ਰਾਮ ਰੀਲਸ ਜਾਂ ਫਿਰ ਯੂਟਿਊਬ ਵੀਡੀਓਜ਼ ਵਿਚ ਇਹ ਸੁਣਨ ਨੂੰ ਮਿਲਿਆ ਕਿ 14 ਜੂਨ ਦੇ ਬਾਅਦ ਤੁਹਾਡਾ ਪੁਰਾਣਾ ਆਧਾਰ ਕਾਰਡ ਕਿਸੇ ਕੰਮ ਦਾ ਨਹੀਂ ਰਹਿ ਜਾਵੇਗਾ ਤਾਂ ਤੁਸੀਂ ਇਕੱਲੇ ਨਹੀਂ ਹੈ। ਇਹ ਗੱਲ ਤੇਜ਼ੀ ਨਾਲ ਫੈਲ ਰਹੀ ਸੀ ਕਿ ਜੋ ਆਧਾਰ ਕਾਰਡ ਬੀਤੇ 10 ਸਾਲ ਤੋਂ ਅਪਡੇਟ ਨਹੀਂ ਕੀਤੇ ਗਏ, ਉਨ੍ਹਾਂ ਨੂੰ ਅਪਡੇਟ ਕਰਵਾਉਣ ਦਾ ਆਖਰੀ ਮੌਕਾ ਸਿਰਫ 14 ਜੂਨ ਤੱਕ ਮਿਲ ਰਿਹਾ ਹੈ। ਹਾਲਾਂਕਿ ਇਸ ਦੇ ਪਿੱਛੇ ਦਾ ਪੂਰਾ ਸੱਚ ਕੁਝ ਹੋਰ ਹੈ।
ਆਧਾਰ ਕਾਰਡ ਜਾਰੀ ਕਰਨ ਵਾਲੀ ਏਜੰਸੀ ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ ਇੰਡੀਆ (UIDAI) ਨੇ ਕਿਹਾ ਕਿ ਭਾਰਤ ਦੇ ਉਨ੍ਹਾਂ ਨਾਗਰਿਕਾਂ ਆਧਾਰ ਕਾਰਡ ‘ਤੇ ਆਪਣੀ ਜਾਣਕਾਰੀ ਅਪਡੇਟ ਕਰਵਾ ਲੈਣੀ ਚਾਹੀਦੀ ਹੈ ਜਿਨ੍ਹਾਂ ਦੇ ਆਧਾਰ ਕਾਰਡ ਬੀਤੇ 10 ਸਾਲ ਤੋਂ ਅਪਡੇਟ ਨਹੀਂ ਕੀਤੇ ਗਏ। ਇਹੀ ਵਜ੍ਹਾ ਹੈ ਕਿ ਏਜੰਸੀ ਨੇ 14 ਜੂਨ ਤੱਕ ਆਪਣਾ ਪੂਰਾਣਾ ਆਧਾਰ ਕਾਰਡ ਆਨਲਾਈਨ ਫ੍ਰੀ ਵਿਚ ਅਪਡੇਟ ਕਰਨ ਦਾ ਬਦਲ ਦਿੱਤਾ ਹੈ।
UIDAI ਨੇ ਸਾਫ ਕੀਤਾ ਹੈ ਕਿ 14 ਜੂਨ ਸਿਰਫ ਆਧਾਰ ਕਾਰਡ ਫ੍ਰੀ ਵਿਚ ਅਪਡੇਟ ਕਰਵਾਉਣ ਦੀ ਆਖਰੀ ਤਰੀਕ ਹੈ ਅਤੇ ਇਸ ਦੇ ਬਾਅਦ ਪੁਰਾਣੇ ਆਧਾਰ ਕਾਰਡ ਬੇਕਾਰ ਨਹੀਂ ਹੋਣਗੇ। ਗੱਲ ਸਿਰਫ ਇੰਨੀ ਹੈ ਕਿ ਇਸ ਡੇਟ ਦੇ ਬਾਅਦ ਆਧਾਰ ਕਾਰਡ ਫ੍ਰੀ ਵਿਚ ਨਹੀਂ ਅਪਡੇਟ ਕਰਵਾਇਆ ਜਾ ਸਕੇਗਾ। ਕਾਰਡ ਧਾਰਕ ਆਨਲਾਈਨ ਜਾਂ ਫਿਰ ਨਜ਼ਦੀਕੀ ਆਧਾਰ ਕੇਂਦਰ ‘ਤੇ ਜਾ ਕੇ ਉਸ ਨੂੰ ਅਪਡੇਟ ਕਰਵਾ ਸਕਣਗੇ।
ਇਹ ਵੀ ਪੜ੍ਹੋ : ਸਿਰਫ 4 ਦਿਨ ‘ਚ ਕੇਦਾਰਨਾਥ ਪਹੁੰਚੇ 1.26 ਲੱਖ ਸ਼ਰਧਾਲੂ, ਹਰ ਸਾਲ ਬਣ ਰਹੇ ਨਵੇਂ ਰਿਕਾਰਡ
ਬੇਸ਼ੱਕ ਤੁਹਾਡਾ ਪੁਰਾਣਾ ਆਧਾਰ ਕਾਰਡ ਬੇਕਾਰ ਨਹੀਂ ਹੋਇਆ ਤੇ ਤੁਸੀਂ ਪਛਾਣ ਵਜੋਂ ਉਸ ਨੂੰ ਹੁਣ ਵੀ ਇਸਤੇਮਾਲ ਕਰ ਸਕਦੇ ਹਨ, ਫਿਰ ਵੀ ਪੁਰਾਣਾ ਆਧਾਰ ਕਾਰਡ ਅਪਡੇਟ ਜ਼ਰੂਰ ਕਰ ਲੈਣਾ ਚਾਹੀਦਾ। 10 ਸਾਲ ਤੋਂ ਪਹਿਲਾਂ ਆਪਣਾ ਆਧਾਰ ਬਣਵਾਇਆ ਸੀ ਤਾਂ ਡੇਮੋਗ੍ਰਾਫਿਕ ਤੋਂ ਲੈ ਕੇ ਬਾਇਓਮੀਟਰਕ ਤੱਕ ਜਾਣਕਾਰੀ ਅਪਡੇਟ ਕਰਵਾਉਣ ਦਾ ਬਦਲ ਮਿਲ ਰਿਹਾ ਹੈ। ਤੁਸੀਂ ਜ਼ਰੂਰੀ ਡਾਕੂਮੈਂਟਸ ਦੇ ਨਾਲ ਅਜਿਹਾ ਕਰ ਸਕਦੇ ਹਨ। ਆਧਾਰ ਕਾਰਡ ਅਪਡੇਟ ਕਰਵਾਉਣ ਲਈ ਤੁਸੀਂ ਕਈ ਹੋਰ ਡਾਕੂਮੈਂਟਸ ਦੀ ਮਦਦ ਲੈ ਸਕਦੇ ਹੋ। ਇਨ੍ਹਾਂ ਦਸਤਾਵੇਜ਼ਾਂ ਲਿਸਟ ਵਿਚ ਪਛਾਣ ਪੱਤਰ ਤੋਂ ਲੈ ਕੇ ਐਡ੍ਰੈਸ ਪਰੂਫ ਸ਼ਾਮਲ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
