allwe imagine light cannes: ਇਸ ਵਾਰ 77ਵੇਂ ਕਾਨਸ ਫਿਲਮ ਫੈਸਟੀਵਲ ‘ਚ ਬਾਲੀਵੁੱਡ ਤੋਂ ਲੈ ਕੇ ਹਾਲੀਵੁੱਡ ਤੱਕ ਦੇ ਕਈ ਸੈਲੇਬਸ ਨਜ਼ਰ ਆਏ। ਐਸ਼ਵਰਿਆ ਰਾਏ ਬੱਚਨ, ਅਦਿਤੀ ਰਾਓ ਹੈਦਰੀ ਅਤੇ ਅਵਨੀਤ ਕੌਰ ਸਮੇਤ ਬੀ-ਟਾਊਨ ਦੀਆਂ ਅਭਿਨੇਤਰੀਆਂ ਨੇ ਆਪਣੇ ਅੰਦਾਜ਼ ਨਾਲ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਇਸ ਦੇ ਨਾਲ ਹੀ ਭਾਰਤੀ ਫਿਲਮ ਨਿਰਮਾਤਾ ਪਾਇਲ ਕਪਾਡੀਆ ਵੀ ਲਾਈਮਲਾਈਟ ‘ਚ ਬਣੀ ਹੋਈ ਹੈ।
![allwe imagine light cannes](https://c.ndtvimg.com/2024-05/ujv9rbm8_payal-kapadia-afp_625x300_25_May_24.jpg)
allwe imagine light cannes
ਦਰਅਸਲ, ਪਾਇਲ ਕਪਾਡੀਆ ਨਿਰਦੇਸ਼ਿਤ ਫਿਲਮ ‘ਆਲ ਵੀ ਇਮੇਜਿਨ ਐਜ਼ ਲਾਈਟ’ ਨੇ ਕਾਨਸ 2024 ਵਿੱਚ ਗ੍ਰਾਂ ਪ੍ਰੀ ਅਵਾਰਡ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ । ਇੰਨਾ ਹੀ ਨਹੀਂ ਲੋਕ ਇਸ ਫਿਲਮ ਦੇ ਦੀਵਾਨੇ ਹੋ ਗਏ। ਫਿਲਮ ਨੂੰ ਇਸਦੇ ਪ੍ਰੀਮੀਅਰ ਦੌਰਾਨ 8 ਮਿੰਟ ਦਾ ਸਟੈਂਡਿੰਗ ਓਵੇਸ਼ਨ ਮਿਲਿਆ। ਤੁਹਾਨੂੰ ਦੱਸ ਦੇਈਏ ਕਿ ਪਾਇਲ ਕਪਾਡੀਆ ਦੁਆਰਾ ਨਿਰਦੇਸ਼ਤ ‘ਆਲ ਵੀ ਇਮੇਜਿਨ ਐਜ਼ ਲਾਈਟ’ 30 ਸਾਲਾਂ ਬਾਅਦ ਮੁਕਾਬਲੇ ਦੇ ਭਾਗ ਵਿੱਚ ਦਿਖਾਈ ਜਾਣ ਵਾਲੀ ਭਾਰਤੀ ਫਿਲਮ ਹੈ। ਇਸਦਾ ਪ੍ਰੀਮੀਅਰ 23 ਮਈ ਨੂੰ ਕਾਨਸ ਵਿੱਚ ਹੋਇਆ। ਇਸ ਦੌਰਾਨ ਲੋਕਾਂ ਨੇ ਇਸ ਨੂੰ ਦੇਖਿਆ ਅਤੇ ਇਸ ਫਿਲਮ ਨੂੰ ਇੰਨਾ ਪਸੰਦ ਕੀਤਾ ਕਿ ਇਸ ਨੂੰ ਖੜ੍ਹੇ ਹੋ ਕੇ ਤਾੜੀਆਂ ਮਾਰੀਆਂ ਗਈਆਂ। ਫਿਲਮ ਖਤਮ ਹੋਣ ਤੋਂ ਬਾਅਦ ਲੋਕਾਂ ਨੇ ਖੜ੍ਹੇ ਹੋ ਕੇ 8 ਮਿੰਟ ਤੱਕ ਤਾੜੀਆਂ ਵਜਾਈਆਂ। ਪਾਇਲ ਕਪਾਡੀਆ ਇੱਕ ਭਾਰਤੀ ਨਿਰਦੇਸ਼ਕ ਹੈ, ਜਿਸਦੀ ਫ਼ਿਲਮ ਕਾਨਸ ਵਿੱਚ ਮੁਕਾਬਲੇ ਵਿੱਚ ਪਹੁੰਚੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਪਾਇਲ ਦਾ ਜਨਮ ਮੁੰਬਈ ਵਿੱਚ ਹੋਇਆ ਸੀ ਪਰ ਉਸਨੇ ਆਪਣੀ ਪੜਾਈ ਆਂਧਰਾ ਪ੍ਰਦੇਸ਼ ਅਤੇ ਮੁੰਬਈ ਦੋਨਾਂ ਤੋਂ ਹੀ ਕੀਤੀ ਹੈ। ਆਪਣੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਪਾਇਲ ਨੇ ਫਿਲਮ ਐਂਡ ਟੈਲੀਵਿਜ਼ਨ ਇੰਸਟੀਚਿਊਟ ਤੋਂ ਨਿਰਦੇਸ਼ਨ ਸਿੱਖਿਆ।
‘ਆਲ ਵੀ ਇਮੇਜਿਨ ਐਜ਼ ਲਾਈਟ’ ਦੀ ਕਹਾਣੀ ਨਰਸ ਪ੍ਰਭਾ ਦੇ ਆਲੇ-ਦੁਆਲੇ ਘੁੰਮਦੀ ਹੈ, ਜਿਸ ਨੂੰ ਲੰਬੇ ਸਮੇਂ ਬਾਅਦ ਆਪਣੇ ਪਤੀ ਤੋਂ ਤੋਹਫ਼ਾ ਮਿਲਦਾ ਹੈ। ਅਜਿਹੇ ‘ਚ ਪ੍ਰਭਾ ਦਾ ਆਪਣੇ ਪਤੀ ਨਾਲ ਰਿਸ਼ਤਾ ਕਾਫੀ ਸਮੇਂ ਤੋਂ ਖਰਾਬ ਚੱਲ ਰਿਹਾ ਹੈ। ਇਸ ਦੌਰਾਨ, ਉਸਦਾ ਰੂਮਮੇਟ ਆਪਣੇ ਬੁਆਏਫ੍ਰੈਂਡ ਨਾਲ ਸਮਾਂ ਬਿਤਾਉਣ ਲਈ ਇੱਕ ਨਿੱਜੀ ਕਮਰਾ ਲੱਭਦਾ ਹੈ। ਫਿਰ ਇੱਕ ਦਿਨ ਦੋਨੋਂ ਸੜਕੀ ਯਾਤਰਾ ‘ਤੇ ਜਾਂਦੇ ਹਨ, ਜਿੱਥੇ ਉਨ੍ਹਾਂ ਦੀ ਜ਼ਿੰਦਗੀ ਇੱਕ ਨਵਾਂ ਮੋੜ ਲੈਂਦੀ ਹੈ। ਫਿਲਮ ‘ਚ ਕਾਨੀ ਕੁਸ਼ਰੁਤੀ, ਰਿਧੂ ਹਾਰੂਨ, ਦਿਵਿਆ ਪ੍ਰਭਾ, ਛਾਇਆ ਕਦਮ ਅਤੇ ਅਜ਼ੀਸ ਵਰਗੇ ਸਿਤਾਰਿਆਂ ਨੇ ਕੰਮ ਕੀਤਾ ਹੈ।
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .