Apple ਦੇ ਭਾਰਤੀ ਸਪਲਾਇਰ Pegatron ਨੇ ਆਪਣੇ ਕਰਮਚਾਰੀਆਂ ਨੂੰ ਮੰਗਲਵਾਰ ਨੂੰ ਕੰਮ ‘ਤੇ ਨਾ ਆਉਣ ਲਈ ਕਿਹਾ ਹੈ। ਦਰਅਸਲ ਐਤਵਾਰ ਨੂੰ Pegatron ਦੇ ਪਲਾਂਟ ‘ਚ ਅੱਗ ਲੱਗ ਗਈ ਸੀ, ਜਿਸ ਕਾਰਨ ਕੰਪਨੀ ਨੇ iPhone ਦਾ ਉਤਪਾਦਨ ਬੰਦ ਕਰ ਦਿੱਤਾ ਹੈ। ਲਗਾਤਾਰ ਦੂਜਾ ਦਿਨ ਹੈ ਜਦੋਂ ਕੰਪਨੀ ਨੇ ਆਈਫੋਨ ਦਾ ਉਤਪਾਦਨ ਬੰਦ ਕਰ ਦਿੱਤਾ ਹੈ। ਰਿਪੋਰਟ ਦੇ ਅਨੁਸਾਰ, ਪੈਗਾਟਰੋਨ ਨੇ ਸੋਮਵਾਰ ਨੂੰ ਵੀ ਕਰਮਚਾਰੀ ਨੂੰ ਸ਼ਿਫਟ ਲਈ ਆਉਣ ਤੋਂ ਮਨ੍ਹਾ ਕੀਤਾ ਸੀ ਅਤੇ ਮੰਗਲਵਾਰ ਨੂੰ ਵੀ ਕੰਮ ਰੋਕ ਦਿੱਤਾ ਗਿਆ ਹੈ।
Apple supplier Pegatron fire
ਪਿਛਲੇ ਸੋਮਵਾਰ, ਕੰਪਨੀ ਨੇ ਦੱਸਿਆ ਕਿ ਇੱਕ ਚੰਗਿਆੜੀ ਦੀ ਘਟਨਾ ਕਾਰਨ ਫੈਕਟਰੀ ਵਿੱਚ ਅਚਾਨਕ ਅੱਗ ਲੱਗ ਗਈ, ਜਿਸ ਤੋਂ ਬਾਅਦ ਕੰਮ ਬੰਦ ਕਰ ਦਿੱਤਾ ਗਿਆ। ਚੰਗੀ ਗੱਲ ਇਹ ਹੈ ਕਿ ਪਲਾਂਟ ਨੂੰ ਕੋਈ ਵੱਡਾ ਨੁਕਸਾਨ ਨਹੀਂ ਹੋਇਆ ਅਤੇ ਹੁਣ ਸਥਿਤੀ ਕਾਬੂ ਹੇਠ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਐਪਲ ਦੇ ਸਪਲਾਇਰ Pegatron ਕੋਲ ਹਰ ਰੋਜ਼ 26,000 ਆਈਫੋਨ ਬਣਾਉਣ ਦੀ ਸਮਰੱਥਾ ਹੈ। ਇਸ ਤੋਂ ਇਲਾਵਾ ਕੰਪਨੀ ਹਰ ਰੋਜ਼ 8,000 ਤੋਂ 12,000 ਆਈਫੋਨ ਅਸੈਂਬਲ ਵੀ ਕਰਦੀ ਹੈ। ਸਥਾਨਕ ਐਮਰਜੈਂਸੀ ਵਿਭਾਗ ਦੇ ਇੱਕ ਅਧਿਕਾਰੀ ਨੇ ਰੋਇਟਰਜ਼ ਨੂੰ ਦੱਸਿਆ ਕਿ ਅੱਗ ‘ਤੇ ਕਾਬੂ ਪਾਉਣ ਲਈ ਨੇੜਲੇ ਸਟੇਸ਼ਨਾਂ ਤੋਂ ਫਾਇਰ ਇੰਜਣਾਂ ਨੂੰ ਬੁਲਾਇਆ ਗਿਆ ਅਤੇ ਇਸ ਵਿੱਚ ਲਗਭਗ ਪੰਜ ਘੰਟੇ ਲੱਗ ਗਏ।
ਵੀਡੀਓ ਲਈ ਕਲਿੱਕ ਕਰੋ -:
ਜੇ ਤੁਸੀਂ ਇਥੇ ਇਕ ਵਾਰੀ ਚਲੇ ਗਏ ਤਾਂ ਉਂਗਲਾਂ ਤੱਕ ਚੱਟ ਜਾਉਗੇ, ਇਕੋ ਜਗ੍ਹਾ ‘ਤੇ ਮੌਜੂਦ ਹੈ ਹਰ ਤਰ੍ਹਾਂ ਦੀ Dish
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
ਰਿਪੋਰਟ ਮੁਤਾਬਕ ਭਾਰਤ ‘ਚ ਐਪਲ ਦੇ ਆਈਫੋਨ ਦੇ ਉਤਪਾਦਨ ‘ਚ Pegatron ਦੀ ਹਿੱਸੇਦਾਰੀ ਲਗਭਗ 10 ਫੀਸਦੀ ਹੈ। ਅੰਦਾਜ਼ਾ ਹੈ ਕਿ ਇਸ ਵਾਰ ਕੰਪਨੀ ਭਾਰਤ ‘ਚ 90 ਲੱਖ ਤੋਂ ਜ਼ਿਆਦਾ ਆਈਫੋਨ ਵੇਚੇਗੀ। ਕੰਪਨੀ ਨੇ 2017 ਵਿੱਚ ਵਿਸਟ੍ਰੋਨ ਅਤੇ ਬਾਅਦ ਵਿੱਚ ਫੌਕਸਕਾਨ ਰਾਹੀਂ ਦੇਸ਼ ਵਿੱਚ ਆਈਫੋਨ ਬਣਾਉਣ ਦੀ ਵੱਡੀ ਖੇਡ ਸ਼ੁਰੂ ਕੀਤੀ ਹੈ। ਭਾਰਤ ਸਰਕਾਰ ਦੀ ਪਹਿਲਕਦਮੀ ਤੋਂ ਬਾਅਦ ਐਪਲ ਵੀ ਸਥਾਨਕ ਉਤਪਾਦਨ ‘ਤੇ ਜ਼ੋਰ ਦੇ ਰਿਹਾ ਹੈ। ਇਸ ਵਾਰ ਐਪਲ ਨੇ ਭਾਰਤ ‘ਚ ਵੀ ਨਵਾਂ ਰਿਕਾਰਡ ਹਾਸਿਲ ਕੀਤਾ ਹੈ। ਕੰਪਨੀ ਨੇ ਦੇਸ਼ ‘ਚ 15 ਸੀਰੀਜ਼ ਦੇ ਲਾਂਚ ਹੁੰਦੇ ਹੀ ਮੇਡ ਇਨ ਇੰਡੀਆ ਆਈਫੋਨ ਨੂੰ ਬਾਜ਼ਾਰ ‘ਚ ਉਤਾਰ ਦਿੱਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਐਪਲ ਸੈਮਸੰਗ ਨੂੰ ਪਿੱਛੇ ਛੱਡਦੇ ਹੋਏ ਭਾਰਤ ਦੀ ਨੰਬਰ 1 ਸਮਾਰਟਫੋਨ ਐਕਸਪੋਰਟਿੰਗ ਕੰਪਨੀ ਬਣ ਗਈ ਹੈ।
