Arijit Singh Followers Spotify: ਜੇਕਰ ਅਸੀਂ ਇਸ ਸਮੇਂ ਹਿੰਦੀ ਸਿਨੇਮਾ ਦੇ ਸਭ ਤੋਂ ਮਸ਼ਹੂਰ ਗਾਇਕਾਂ ਦੀ ਗੱਲ ਕਰੀਏ ਤਾਂ ਅਰਿਜੀਤ ਸਿੰਘ ਦਾ ਨਾਂ ਸਭ ਤੋਂ ਉੱਪਰ ਹੋਵੇਗਾ। ਸੁਰੀਲੀ ਆਵਾਜ਼ ਦੇ ਮਾਲਕ ਅਰਿਜੀਤ ਦੇ ਗੀਤਾਂ ਦਾ ਕ੍ਰੇਜ਼ ਪ੍ਰਸ਼ੰਸਕਾਂ ‘ਚ ਕਾਫੀ ਜ਼ਿਆਦਾ ਹੈ ਅਤੇ ਗਾਇਕ ਲਈ ਪ੍ਰਸ਼ੰਸਕਾਂ ਦਾ ਇਹੀ ਕ੍ਰੇਜ਼ ਆਨਲਾਈਨ ਮਿਊਜ਼ਿਕ ਐਪ ਸਪੋਟੀਫਾਈ ‘ਤੇ ਦੇਖਣ ਨੂੰ ਮਿਲ ਰਿਹਾ ਹੈ।
Arijit Singh Followers Spotify
ਅਰਿਜੀਤ ਸਿੰਘ ਬਤੌਰ ਗਾਇਕ ਇਸ ਮਿਊਜ਼ਿਕ ਐਪ ‘ਤੇ 100 ਮਿਲੀਅਨ ਫਾਲੋਅਰਜ਼ ਦਾ ਅੰਕੜਾ ਪਾਰ ਕਰ ਚੁੱਕੇ ਹਨ । ਇਸ ਮਾਮਲੇ ਵਿੱਚ ਉਹ ਕਈ ਦਿੱਗਜ ਅੰਤਰਰਾਸ਼ਟਰੀ ਗਾਇਕਾਂ ਤੋਂ ਅੱਗੇ ਹੈ। ਇਸ ਮਿਊਜ਼ਿਕ ਐਪ ਦੀ ਤਾਜ਼ਾ ਗਲੋਬਲ ਰੈਂਕਿੰਗ ਦੇ ਆਧਾਰ ‘ਤੇ ਤਾਜ਼ਾ ਜਾਣਕਾਰੀ ਸਾਹਮਣੇ ਆਈ ਹੈ ਕਿ ਅਰਿਜੀਤ ਸਿੰਘ ਨੇ Spotify ‘ਤੇ 100 ਮਿਲੀਅਨ ਫਾਲੋਅਰਜ਼ ਪੂਰੇ ਕਰ ਲਏ ਹਨ। ਇਸ ਨਾਲ ਅਰਿਜੀਤ ਅਜਿਹਾ ਕਰਨ ਵਾਲਾ ਪਹਿਲਾ ਭਾਰਤੀ ਗਾਇਕ ਬਣ ਗਿਆ ਹੈ। ਲੰਬੇ ਸਮੇਂ ਤੱਕ ਇਹ ਗਾਇਕ ਇਸ ਔਨਲਾਈਨ ਮਿਊਜ਼ਿਕ ਐਪ ‘ਤੇ ਨੰਬਰ-1 ਭਾਰਤੀ ਕਲਾਕਾਰ ਵਜੋਂ ਬਣਿਆ ਰਿਹਾ ਪਰ ਹੁਣ ਉਸ ਨੇ 10 ਕਰੋੜ ਫਾਲੋਅਰਜ਼ ਦਾ ਅੰਕੜਾ ਪਾਰ ਕਰਕੇ ਇਤਿਹਾਸ ਰਚ ਦਿੱਤਾ ਹੈ। ਜੇ ਕਿਸੇ ਗਾਇਕ ਦੇ ਸਪੋਟੀਫਾਈ ‘ਤੇ ਸਭ ਤੋਂ ਵੱਧ ਫਾਲੋਅਰਜ਼ ਹਨ, ਤਾਂ ਉਹ ਬ੍ਰਿਟਿਸ਼ ਸੰਗੀਤਕਾਰ-ਗਾਇਕ ਐਡ ਸ਼ੀਰਨ ਹੈ। ਅਜਿਹੇ ਵਿੱਚ ਅਰਿਜੀਤ ਨੇ ਇੱਕ ਭਾਰਤੀ ਗਾਇਕ ਵਜੋਂ ਸੱਚਮੁੱਚ ਇੱਕ ਵੱਡੀ ਪ੍ਰਾਪਤੀ ਹਾਸਲ ਕੀਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
Spotify ਮਿਊਜ਼ਿਕ ਐਪ ‘ਤੇ 100 ਮਿਲੀਅਨ ਸਬਸਕ੍ਰਾਈਬਰ ਪੂਰੇ ਹੋਣ ਦੇ ਨਾਲ, ਅਰਿਜੀਤ ਸਿੰਘ ਨੇ ਕਈ ਅੰਤਰਰਾਸ਼ਟਰੀ ਗਾਇਕਾਂ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਜਿਸ ਵਿੱਚ ਟੇਲਰ ਸਵਿਫਟ, ਅਰੇਨਾ ਗ੍ਰਾਂਡੇ, ਬਿਲੀ ਐਲਿਸ ਅਤੇ ਡਰੇਕ ਵਰਗੀਆਂ ਦਿੱਗਜਾਂ ਦੇ ਨਾਮ ਸ਼ਾਮਲ ਹਨ। ਹਾਲਾਂਕਿ ਅਰਿਜੀਤ ਪਿਛਲੇ ਇਕ ਸਾਲ ਤੋਂ ਇਨ੍ਹਾਂ ਸਾਰੇ ਗਾਇਕਾਂ ਤੋਂ ਅੱਗੇ ਸੀ ਅਤੇ ਹੁਣ ਉਸ ਨੇ ਆਪਣੀ ਲੀਡ ਹੋਰ ਵਧਾ ਲਈ ਹੈ। ਪਰ ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ ਕਿ ਅਰਿਜੀਤ ਦੀ ਜਾਦੂਈ ਆਵਾਜ਼ ਦਾ ਹਰ ਕੋਈ ਦੀਵਾਨਾ ਹੈ।
