ਫ੍ਰਿਜ ਟੀਵੀ ਤੇ ਏਸੀ ਸਣੇ ਘਰੇਲੂ ਇਸਤੇਮਾਲ ਦੀਆਂ ਸਾਰੀਆਂ ਇਲੈਕਟ੍ਰਾਨਿਕ ਚੀਜ਼ਾਂ ਦੀ ਵਾਰੰਟੀ ਦੇ ਮਾਮਲੇ ਵਿਚ ਵਧਦੀਆਂ ਸ਼ਿਕਾਇਤਾਂ ਨੂੰ ਦੇਖਦੇ ਹੋਏ ਸਰਕਾਰ ਨੇ ਸ਼ਿਕੰਜਾ ਕੱਸਣਾ ਸ਼ੁਰੂ ਕਰ ਦਿੱਤਾ ਹੈ। ਕੰਜ਼ਿਊਮਰ ਅਫੇਅਰਸ ਮਨਿਸਟਰੀ ਨੇ ਨਿਯਮਾਂ ਵਿਚ ਵੱਡਾ ਬਦਲਾਅ ਕੀਤਾ ਹੈ। ਹੁਣ ਇਲੈਕਟ੍ਰਾਨਿਕ ਉਪਕਰਣ ਦੀ ਖਰੀਦ ਦੀ ਤਰੀਕ ਦੀ ਬਜਾਏ ਉਸ ਦੀ ਵਰਤੋਂ ਵਾਲੇ ਦਿਨ ਤੋਂ ਉਸ ਦੀ ਵਾਰੰਟੀ ਪੀਰੀਅਡ ਸ਼ੁਰੂ ਹੋਵੇਗਾ। ਇਸ ਬਾਰੇ ਮਨਿਸਟਰੀ ਨੇ ਕੰਪਨੀਆਂ ਤੋਂ 15 ਦਿਨ ਦੇ ਅੰਦਰ ਆਪਣੀ ਰਾਏ ਭੇਜਣ ਨੂੰ ਕਿਹਾ ਹੈ।
ਮਨਿਸਟਰੀ ਤਹਿਤ ਕੰਮ ਕਰਨ ਵਾਲੇ ਸੈਂਟਰਲ ਕੰਜ਼ਿਊਮਰ ਪ੍ਰੋਟੈਕਸ਼ਨ ਅਥਾਰਟੀ ਨੇ ਕੰਪਨੀਆਂ ਨਾਲ ਬੈਠਕ ਵੀ ਕੀਤੀ ਹੈ। ਕੰਜ਼ਿਊਮਰਸ ਅਫੇਅਰਸ ਸੈਕ੍ਰੇਟਰੀ ਤੇ CCPA ਦੀ ਚੀਫ ਕਮਿਸ਼ਨਰ ਨਿਧੀ ਖਰੇ ਦੀ ਅਗਵਾਈ ਵਿਚ ਹੋਈ ਬੈਠਕ ਵਿਚ ਰਿਲਾਇੰਸ ਰਿਟੇਲ, ਐੱਲਜੀ, ਪੈਨਾਸੋਨਿਕ, ਹਾਏਰ, ਕ੍ਰੋਮਾ ਤੇ ਬਾਸ਼ ਸਣੇ ਵੱਡੀਆਂ ਇਲੈਕਟ੍ਰਾਨਿਕ ਇੰਪਲਾਇਸਜ਼ ਕੰਪਨੀਆਂ ਦੇ ਪ੍ਰਤੀਨਿਧੀ ਸ਼ਾਮਲ ਹੈ। ਬੈਠਕ ਵਿਚ ਇਹ ਮੁੱਦਾ ਚੁੱਕਿਆ ਗਿਆ ਕਿ ਕੰਪਨੀਆਂ ਖਰੀਦਦਾਰੀ ਦੀ ਤਰੀਕ ਤੋਂ ਹੀ ਵਾਰੰਟੀ ਪੀਰੀਅਡ ਦੀ ਸ਼ੁਰੂਆਤ ਮੰਨ ਲੈਂਦੀ ਹੈ, ਭਾਵੇਂ ਹੀ ਕੰਜ਼ਿਊਮਰ ਦੇ ਘਰ ਵਿਚ ਇਸਟਾਲੇਸ਼ਨ ਬਾਅਦ ਵਿਚ ਹੋਵੇ। ਹੋਣਾ ਇਹ ਚਾਹੀਦਾ ਹੈ ਕਿ ਜਦੋਂ ਤੋਂ ਉਪਕਰਣ ਦਾ ਇਸਤੇਮਾਲ ਸ਼ੁਰੂ ਹੋਵੇ, ਉਸ ਦਿਨ ਤੋਂ ਵਾਰੰਟੀ ਪੀਰੀਅਡ ਦੀ ਗਿਣਤੀ ਹੋਵੇ ਕਿਉਂਕਿ ਇੰਸਟਾਲੇਸ਼ਨ ਦੇ ਬਾਅਦ ਹੀ ਕੋਈ ਇਸ ਦਾ ਇਸਤੇਮਾਲ ਕਰ ਸਕਦਾ ਹੈ।
ਇਲੈਕਟ੍ਰਾਨਿਕ ਉਪਕਰਣ ਆਮ ਤੌਰ ‘ਤੇ ਦੋ ਤਰ੍ਹਾਂ ਦੇ ਹੁੰਦੇ ਹਨ। ਆਇਰਨ ਪ੍ਰੈੱਸ, ਮਾਈਕ੍ਰੋਵੇਵ ਵਗੈਰਾ ਉਪਕਰਣ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਵਿਚ ਇੰਸਟਾਲੇਸ਼ਨ ਦੀ ਲੋੜ ਨਹੀਂ ਹੁੰਦੀ ਤੇ ਗਾਹਕ ਉਨ੍ਹਾਂ ਨੂੰ ਖਰੀਦ ਕੇ ਇਸਤੇਮਾਲ ਕਰਨ ਲੱਗਦੇ ਨਹ ਪਰ ਏਸੀ ਜਾਂ ਫਰਿਜ ਵਰਗੇ ਉਪਕਰਣਾਂ ਵਿਚ ਇੰਸਟਾਲੇਸ਼ਨ ਦੀ ਲੋੜ ਹੁੰਦੀ ਹੈ। ਅਜਿਹੇ ਵਿਚ ਏਸੀ, ਫਰਿਜ ਲਈ ਵਾਰੰਟੀ ਪੀਰੀਅਡ ਇਸਦੇ ਇੰਸਟਾਲੇਸ਼ਨ ਤੋਂ ਸ਼ੁਰੂ ਹੋਣਾ ਚਾਹੀਦਾ ਹੈ।
ਇਹ ਵੀ ਪੜ੍ਹੋ : ਪੰਜਾਬ ਪੁਲਿਸ ਦੀ ਵੱਡੀ ਕਾਰਵਾਈ, ਭਾਰੀ ਮਾਤਰਾ ‘ਚ ਹੈਰੋ/ਇਨ ਤੇ ਅ/ਫੀਮ ਕੀਤੀ ਨਸ਼ਟ
ਉਪਭੋਗਤਾ ਨੂੰ ਸਾਫ ਤੌਰ ‘ਤੇ ਇਹ ਦੱਸਿਆ ਜਾਣਾ ਚਾਹੀਦਾ ਹੈ ਕਿ ਵਾਰੰਟੀ ਪੀਰੀਅਡ ਕਦੋਂ ਤੋਂ ਸ਼ੁਰੂ ਹੋਵੇਗਾ। ਅਜਿਹਾ ਨਹੀਂ ਹੋਣਾ ਚਾਹੀਦਾ ਕਿ ਪ੍ਰੋਡਕਟ ਖਰੀਦਣ ਦੇ ਬਾਅਦ ਉਸ ਨੂੰ ਇਸ ਦੀ ਡਿਟੇਲਸ ਮਿਲੇ। ਨਾਲ ਹੀ ਕੰਪਨੀਆਂ ਨੂੰ ਭਾਰਤ ਵਿਚ ਵੀ ਗਲੋਬਲ ਬੇਸਟ ਪ੍ਰੈਕਟੀਸੇਜ ਦਾ ਪਾਲਣ ਕਰਨਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਕੰਪਨੀਆਂ ਨੂੰ ਵਾਰੰਟੀ ਪੀਰੀਅਡ ਬਾਰੇ ਉਪਭੋਗਤਾ ਦੀ ਸ਼ਿਕਾਇਤ ‘ਤੇ ਤੁਰੰਤ ਧਿਆਨ ਦੇਣਾ ਚਾਹੀਦਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
