chandu champion special screening: ਕਾਰਤਿਕ ਆਰੀਅਨ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ ‘ਚੰਦੂ ਚੈਂਪੀਅਨ’ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਇਸ ਫਿਲਮ ‘ਚ ਅਦਾਕਾਰ ਸੋਨ ਤਮਗਾ ਜੇਤੂ ਮੁਰਲੀਕਾਂਤ ਪੇਟਕਰ ਦੀ ਭੂਮਿਕਾ ਨਿਭਾਉਣਗੇ। ਇਸ ਫਿਲਮ ਦੇ ਟ੍ਰੇਲਰ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਹੈ ਅਤੇ ਹਰ ਕੋਈ 14 ਜੂਨ ਦਾ ਇੰਤਜ਼ਾਰ ਕਰ ਰਿਹਾ ਹੈ ਪਰ ਪਰਦੇ ‘ਤੇ ਰਿਲੀਜ਼ ਹੋਣ ਤੋਂ ਪਹਿਲਾਂ ਇਸ ਫਿਲਮ ਦੀ ਸਪੈਸ਼ਲ ਸਕ੍ਰੀਨਿੰਗ ਹੋਣ ਜਾ ਰਹੀ ਹੈ। ਜਿਸ ਨੂੰ ਕਈ ਖਾਸ ਲੋਕ ਦੇਖਣ ਜਾ ਰਹੇ ਹਨ।
chandu champion special screening
ਕਾਰਤਿਕ ਆਰੀਅਨ ਦੀ ‘ਚੰਦੂ ਚੈਂਪੀਅਨ’ ਦੀ ਇੱਕ ਵਿਸ਼ੇਸ਼ ਸਕ੍ਰੀਨਿੰਗ ਅੱਜ 6 ਜੂਨ ਨੂੰ ਦਿੱਲੀ ਵਿੱਚ ਭਾਰਤ ਦੇ ਚੀਫ਼ ਦੇ ਨਾਲ-ਨਾਲ ਉੱਚ ਦਰਜੇ ਦੇ ਅਧਿਕਾਰੀਆਂ ਸਮੇਤ ਫ਼ੌਜ ਦੇ ਪਤਵੰਤਿਆਂ ਲਈ ਹੋਵੇਗੀ। ਇਸ ਦੌਰਾਨ ਭਾਰਤ ਦੇ ਪਹਿਲੇ ਓਲੰਪਿਕ ਸੋਨ ਤਮਗਾ ਜੇਤੂ ਮੁਰਲੀਕਾਂਤ ਪੇਟਕਰ ਨੂੰ ਸਨਮਾਨਿਤ ਕੀਤਾ ਜਾਵੇਗਾ। ਇਹ ਟੀਮ ਲਈ ਬਹੁਤ ਮਾਣ ਵਾਲੀ ਗੱਲ ਹੈ। ‘ਚੰਦੂ ਚੈਂਪੀਅਨ’ ਦੇ ਪੋਸਟਰ ਤੋਂ ਲੈ ਕੇ ਟ੍ਰੇਲਰ ਤੱਕ ਕਾਰਤਿਕ ਆਰੀਅਨ ਦੀ ਜ਼ਬਰਦਸਤ ਫਿਟਨੈੱਸ ਦੇਖਣ ਨੂੰ ਮਿਲੀ ਹੈ। ਲੋਕ ਅਦਾਕਾਰ ਦੇ ਇਸ ਬਾਡੀ ਟਰਾਂਸਫਾਰਮੇਸ਼ਨ ਦੀ ਕਾਫੀ ਤਾਰੀਫ ਕਰ ਰਹੇ ਹਨ। ਕਾਰਤਿਕ ਆਰੀਅਨ ਦੇ ਟਰੇਨਰ ਤ੍ਰਿਦੇਵ ਪਾਂਡੇ ਨੇ ਅਦਾਕਾਰ ਦੇ ਇਸ ਬਦਲਾਅ ਬਾਰੇ ਖੁਲਾਸਾ ਕੀਤਾ ਸੀ।
ਉਸ ਨੇ ਦੱਸਿਆ ਹੈ ਕਿ ਮੁਰਲੀਕਾਂਤ ਪੇਟਕਰ ਬਣਨ ਲਈ ਉਸ ਨੇ ਆਪਣੀ ਖੁਰਾਕ ਪੂਰੀ ਤਰ੍ਹਾਂ ਬਦਲ ਲਈ ਸੀ। ਕਾਰਤਿਕ ਸ਼ਾਕਾਹਾਰੀ ਹੈ, ਪਰ ਉਹ ਅੰਡੇ ਖਾਂਦਾ ਹੈ ਅਤੇ ਕਈ ਲੋਕਾਂ ਨੇ ਉਸ ਨੂੰ ਮਾਸਾਹਾਰੀ ਖਾਣਾ ਸ਼ੁਰੂ ਕਰਨ ਦਾ ਸੁਝਾਅ ਦਿੱਤਾ ਸੀ, ਪਰ ਉਸ ਨੇ ਅਜਿਹਾ ਨਹੀਂ ਕੀਤਾ। ਅਦਾਕਾਰ ਨੇ ਬਿਨਾਂ ਮਾਸਾਹਾਰੀ ਭੋਜਨ ਖਾ ਕੇ ਆਪਣੀ ਬਾਡੀ ਬਣਾਈ ਸੀ। ਫਿਲਮ ‘ਚੰਦੂ ਚੈਂਪੀਅਨ’ 14 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫਿਲਮ ਤੋਂ ਬਾਅਦ ਅਭਿਨੇਤਾ ਫਿਲਮ ‘ਭੂਲ ਭੁਲਾਇਆ 3’ ‘ਚ ਨਜ਼ਰ ਆਉਣਗੇ, ਜਿਸ ‘ਚ ਉਨ੍ਹਾਂ ਨਾਲ ਅਭਿਨੇਤਰੀ ਤ੍ਰਿਪਤੀ ਡਿਮਰੀ, ਵਿਦਿਆ ਬਾਲਨ ਅਤੇ ਮਾਧੁਰੀ ਦੀਕਸ਼ਿਤ ਵੀ ਨਜ਼ਰ ਆਉਣਗੀਆਂ।
ਹਰ ਵੇਲੇ Update ਰਹਿਣ ਲਈ ਸਾਨੂੰ Facebook ‘ਤੇ like ਤੇ See first ਕਰੋ .
