Brinton Pharma gets DCGI nod: ਕੋਰੋਨਾ ਵਾਇਰਸ ਦੀ ਸਭ ਤੋਂ ਸਸਤੀ ਦਵਾਈ ਬਣ ਚੁੱਕੀ ਹੈ। ਇੱਕ ਫਾਰਮਾਸਿਊਟੀਕਲ ਕੰਪਨੀ ਨੂੰ ਇਸ ਨੂੰ ਬਾਜ਼ਾਰ ਵਿੱਚ ਲਿਆਉਣ ਦੀ ਇਜਾਜ਼ਤ ਵੀ ਮਿਲ ਗਈ ਹੈ। ਇਸ ਦਵਾਈ ਨੂੰ ਬਾਜ਼ਾਰ ਵਿੱਚ ਲਿਆਉਣ ਲਈ ਡਰੱਗਜ਼ ਕੰਟਰੋਲਰ ਜਨਰਲ ਆਫ਼ ਇੰਡੀਆ (DCGI) ਤੋਂ ਡਰੱਗ ਕੰਪਨੀ ਨੂੰ ਇਜਾਜ਼ਤ ਮਿਲ ਗਈ ਹੈ। ਇਸ ਦਵਾਈ ਦੀ ਇੱਕ ਟੈਬਲੇਟ ਸਿਰਫ 59 ਰੁਪਏ ਵਿੱਚ ਉਪਲਬਧ ਹੋਵੇਗੀ । ਇਸ ਦਵਾਈ ਦਾ ਨਾਮ ਫੈਵੀਟਾਨ ਹੈ। ਇਹ ਬਰਿੰਟਨ ਫਾਰਮਾਸਿਊਟੀਕਲਜ਼ ਵੱਲੋਂ ਬਣਾਇਆ ਗਿਆ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਇੱਕ ਐਂਟੀਵਾਇਰਲ ਡਰੱਗ ਹੈ ਜੋ ਕੋਰੋਨਾ ਮਰੀਜ਼ਾਂ ਨੂੰ ਕੋਰੋਨਾ ਵਾਇਰਸ ਨਾਲ ਲੜਨ ਵਿੱਚ ਸਹਾਇਤਾ ਕਰੇਗੀ। ਇਹ ਦਵਾਈ ਫੈਵੀਪੀਰਾਵੀਰ ਦੇ ਨਾਮ ਨਾਲ ਵੀ ਬਾਜ਼ਾਰ ਵਿੱਚ ਵਿਕਦੀ ਹੈ।
ਇਸ ਸਬੰਧੀ ਬ੍ਰਿੰਟਨ ਫਾਰਮਾ ਨੇ ਕਿਹਾ ਹੈ ਕਿ ਫੈਵੀਟਾਨ 200 ਮਿਲੀਗ੍ਰਾਮ ਦੀ ਟੈਬਲੇਟ ਦੇ ਰੂਪ ਵਿੱਚ ਆਵੇਗੀ। ਇੱਕ ਟੈਬਲੇਟ ਦੀ ਕੀਮਤ 59 ਰੁਪਏ ਹੋਵੇਗੀ। ਇਹ ਕੀਮਤ ਵੱਧ ਤੋਂ ਵੱਧ ਰਿਟੇਲ ਪ੍ਰਾਈਜ਼ ਹੋਵੇਗੀ। ਇਸ ਦਵਾਈ ਨੂੰ ਇਸ ਤੋਂ ਵੱਧ ਕੀਮਤ ‘ਤੇ ਨਹੀਂ ਵੇਚਿਆ ਜਾਵੇਗਾ । ਬ੍ਰਿੰਟਨ ਫਾਰਮਾ ਦੇ ਸੀਐਮਡੀ ਰਾਹੁਲ ਕੁਮਾਰ ਦਰਦਾ ਨੇ ਦੱਸਿਆ ਕਿ ਅਸੀਂ ਚਾਹੁੰਦੇ ਹਾਂ ਕਿ ਇਹ ਦਵਾਈ ਦੇਸ਼ ਦੇ ਹਰ ਕੋਰੋਨਾ ਮਰੀਜ਼ ਨੂੰ ਦਿੱਤੀ ਜਾਵੇ । ਅਸੀਂ ਇਸਨੂੰ ਹਰ ਕੋਵਿਡ ਕੇਂਦਰ ਵਿੱਚ ਪਹੁੰਚਾਵਾਂਗੇ। ਸਾਡੀ ਦਵਾਈ ਦੀ ਕੀਮਤ ਵੀ ਨਿਰਧਾਰਤ ਹੈ। ਇਹ ਇੱਕ ਸਸਤੀ ਦਵਾਈ ਹੈ।
ਕੰਪਨੀ ਨੇ ਕਿਹਾ ਹੈ ਕਿ ਇਸ ਸਮੇਂ ਹਰ ਕਿਸੇ ਨੂੰ ਫੈਵੀਪੀਰਾਵੀਰ ਦਵਾਈ ਦੀ ਜ਼ਰੂਰਤ ਹੈ। ਇਹ ਦਵਾਈ ਉਨ੍ਹਾਂ ਮਰੀਜ਼ਾਂ ਲਈ ਸਭ ਤੋਂ ਵਧੀਆ ਹੈ ਜਿਨ੍ਹਾਂ ਨੂੰ ਕੋਰੋਨਾ ਦਾ ਹਲਕਾ ਜਾਂ ਦਰਮਿਆਨੀ ਸੰਕਰਮਣ ਹੁੰਦਾ ਹੈ। ਭਾਰਤ ਵਿੱਚ ਫੈਵੀਪੀਰਾਵੀਰ ਨੂੰ ਕੋਰੋਨਾ ਵਾਇਰਸ ਦੀ ਐਮਰਜੈਂਸੀ ਸਥਿਤੀ ਦੇ ਮੱਦੇਨਜ਼ਰ ਜੂਨ ਵਿੱਚ ਭਾਰਤ ਵਿੱਚ ਡੀਸੀਜੀਆਈ ਵੱਲੋਂ ਮਨਜ਼ੂਰੀ ਦਿੱਤੀ ਗਈ ਸੀ। ਹੁਣ ਇਸ ਨੂੰ ਮਾਰਕੀਟ ਵਿੱਚ ਲਿਆਉਣ ਦੀ ਆਗਿਆ ਦਿੱਤੀ ਗਈ ਹੈ। ਦੱਸ ਦੇਈਏ ਕਿ ਬ੍ਰਿੰਟਨ ਫਾਰਮਾ ਜਾਪਾਨ ਦੀ ਫੁਜੀਫਿਲਮ ਟੋਯੋਮਾ ਕੈਮੀਕਲ ਕੰਪਨੀ ਨਾਲ ਅਵੀਗਨ ਨਾਮਕ ਦਵਾਈ ਬਣਾ ਰਹੀ ਹੈ। ਇਹ ਦਵਾਈ ਫੈਵੀਟੋਨ ਦਾ ਇੱਕ ਆਮ ਵਰਜਨ ਹੈ।
