ਐਲੋਨ ਮਸਕ ਅਕਸਰ ਆਪਣੇ ਬਿਆਨਾਂ ਨੂੰ ਲੈ ਕੇ ਚਰਚਾ ਵਿਚ ਰਹਿੰਦੇ ਹਨ। ਹੁਣ ਉਨ੍ਹਾਂ ਨੇ ਖੁਦ ਨੂੰ ਏਲੀਅਨ ਦੱਸਿਆ ਹੈ। ਮਸਕ ਨੇ ਇਕ ਇੰਟਰਵਿਊ ਵਿਚ ਦਾਅਵਾ ਕੀਤਾ ਕਿ ਉਹ ਇਕ ਏਲੀਅਨ ਹਨ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਇਸ ਨੂੰ ਲੈ ਕੇ ਜਲਦ ਹੀ ਸਬੂਤ ਦੇਣ ਦੀ ਵੀ ਗੱਲ ਕਹੀ ਹੈ। ਮਸਕ ਤੋਂ ਪੁੱਛਿਆ ਗਿਆ ਕਿ ਲੋਕਾਂ ਨੂੰ ਲੱਗਦਾ ਹੈ ਕਿ ਤੁਸੀਂ ਕੋਈ ਇਨਸਾਨ ਨਹੀਂ ਸਗੋਂ ਇਕ ਏਲੀਅਨ ਹੈ। ਇਸ ਦੇ ਬਾਅਦ ਉਨ੍ਹਾਂ ਨੇ ਜਵਾਬ ਦਿੱਤਾ ਕਿ ਉਹ ਇਕ ਏਲੀਅਨ ਹੀ ਹਨ ਅਤੇ ਉਹ ਲੋਕਾਂ ਨੂੰ ਕਹਿੰਦੇ ਵੀ ਹਨ ਪਰ ਕੋਈ ਉਨ੍ਹਾਂ ‘ਤੇ ਯਕੀਨ ਨਹੀਂ ਕਰਦਾ ਹੈ।
ਐਲੋਨ ਮਸਕ ਨੇ ਇਸ ਵਾਰ ਖੁਦ ਨੂੰ ਏਲੀਅਨ ਹੀ ਨਹੀਂ ਦੱਸਿਆ ਸਗੋਂ ਇਸ ਵਾਰ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਇਸ ਦਾ ਸਬੂਤ ਦੇਣ ਦੀ ਗੱਲ ਵੀ ਕਹੀ ਹੈ। ਹਾਲਾਂਕਿ ਇਸ ਨੂੰ ਲੈ ਕੇ ਉਹ ਕਦੋਂ ਪੋਸਟ ਕਰਨਗੇ, ਇਸ ਦੀ ਕੋਈ ਟਾਈਮ ਲਾਈਨ ਦਾ ਜ਼ਿਕਰ ਨਹੀਂ ਕੀਤਾ ਹੈ ਜਾਂ ਫਿਰ ਇਹ ਸਿਰਫ ਇਕ ਮਜ਼ਾਕ ਹੈ।
ਇੰਨਾ ਹੀ ਨਹੀਂ ਐਲੋਨ ਮਸਕ ਨੇ ਇਨਸਾਨ ਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਬਾਰੇ ਕੁਝ ਵਿਚਾਰ ਸ਼ੇਅਰ ਕੀਤੇ। ਉਨ੍ਹਾਂ ਕਿਹਾ ਕਿ ਇਨਸਾਨ ਏਆਈ ਨੂੰ ਅਰਥ ਤੇ ਉਦੇਸ਼ ਦਿੰਦੇ ਹਨ। ਇਸ ਨੂੰ ਡਿਟੇਲਸ ਵਿਚ ਦੱਸਣ ਲਈ ਉਨ੍ਹਾਂ ਨੇ ਸਾਡੇ ਦਿਮਾਗ ਦੀ ਤੁਲਨਾ ਏਆਈ ਦੇ ਕੰਮ ਕਰਨ ਦੇ ਤਰੀਕੇ ਨਾਲ ਕੀਤੀ ਹੈ। ਐਲੋਨ ਮਸਕ ਨੇ ਦਿਮਾਗ ਬਾਰੇ ਸਮਝਾਉਂਦੇ ਹੋਏ ਦੱਸਿਆ ਕਿ ਸਾਡੇ ਦਿਮਾਗ ਦੇ ਦੋ ਮੁੱਖ ਪਾਰਟ ਹਨ। ਇਸ ਵਿਚ ਇਕ Limbic ਸਿਸਟਮ ਹੁੰਦਾ ਹੈ ਤੇ ਉਹ ਸਾਡੇ ਗਿਆਨ ਤੇ ਭਾਵਨਾਵਾਂ ਨੂੰ ਕੰਟਰੋਲ ਕਰਦਾ ਹੈ।ਦੂਜਾ ਪਾਰਟ Cortex ਹੁੰਦਾ ਹੈ, ਜੋ ਵਿਚਾਰ ਤੇ ਯੋਜਨਾ ਨੂੰ ਕੰਟਰੋਲ ਕਰਦਾ ਹੈ। Cortex ਹਮੇਸ਼ਾ ਤੋਂ ਹੀ Limbic ਨੂੰ ਖੁਸ਼ ਰੱਖਣ ਦੀ ਕੋਸ਼ਿਸ਼ ਕਰਦਾ ਹੈ। ਮਸਕ ਮੰਨਦੇ ਹਨ ਕਿ ਲਗਭਗ ਅਜਿਹਾ ਹੀ ਏਆਈ ਵਿਚ ਹੁੰਦਾ ਹੈ।
ਇਹ ਵੀ ਪੜ੍ਹੋ : ਕੀ ਫਲਾਂ ‘ਤੇ ਲੱਗੇ ਸਟੀਕਰ ਦਾ ਮਤਲਬ ਜਾਣਦੇ ਓ ਤੁਸੀਂ? ਜਾਣੋ ਕਿਹੜੇ ਨੰਬਰ ਵਾਲਾ ਫਰੂਟ ਖਾਣਾ ਚਾਹੀਦੈ
Elon Musk ਦੁਨੀਆ ਭਰ ਵਿਚ ਆਪਣੇ ਅਨੋਖੇ ਤੇ ਨਵੇਂ ਆਈਡੀਆਂ ਲਈ ਜਾਣੇ ਜਾਂਦੇ ਹਨ। ਇੰਨਾ ਨਹੀਂ ਉਹ ਦੁਨੀਆ ਦੇ ਸਭ ਤੋਂ ਅਮੀਰ ਲੋਕਾਂ ਵਿਚੋਂ ਇਕ ਹੈ। ਉਹ X ਪਲੇਟਫਾਰਮ ਦੇ ਮਾਲਕ ਹਨ। ਇੰਨਾ ਹੀ ਕਾਰ ਮੈਨੂਫੈਕਚਰਰ ਟੈਸਲਾ ਦੀ ਵੀ ਉਹ ਕਮਾਨ ਸੰਭਾਲਦੇ ਹਨ।
