Ajay Devgan Bhuj Movie: ਮਲਟੀਸਟਾਰਰ ਫਿਲਮ ਭੁਜ -ਦਿ ਪ੍ਰਾਈਡ ਆਫ ਇੰਡੀਆ ਦਾ ਮੋਸ਼ਨ ਪੋਸਟਰ ਜਾਰੀ ਕੀਤਾ ਗਿਆ ਹੈ। ਜੋ ਕਿ ਬਹੁਤ ਵਧੀਆ ਹੈ। ਫਿਲਮ ਦੀ ਪੂਰੀ ਕਾਸਟ ਇਸ ਮੋਸ਼ਨ ਪੋਸਟਰ ‘ਚ ਦਿਖਾਈ ਦਿੱਤੀ ਹੈ। ਇਸ ਨੂੰ ਵੇਖਦਿਆਂ ਲੋਕਾਂ ਦੀ ਉਤਸੁਕਤਾ ਹੋਰ ਵੀ ਵੱਧ ਗਈ ਹੈ।
ਇਸਦੇ ਨਾਲ ਹੀ ਇਸ ਮੋਸ਼ਨ ਪੋਸਟਰ ਵਿੱਚ ਫਿਲਮ ਦੀ ਕਹਾਣੀ ਨਾਲ ਜੁੜੀ ਕੁੱਝ ਖਾਸ ਜਾਣਕਾਰੀ ਵੀ ਦਿੱਤੀ ਗਈ ਹੈ। ਅਜੈ ਦੇਵਗਨ ਭੁਜ ਵਿਚ ਮੁੱਖ ਭੂਮਿਕਾ ਨਿਭਾ ਰਹੇ ਹਨ, ਸੰਜੇ ਦੱਤ, ਸੋਨਾਕਸ਼ੀ ਸਿਨਹਾ ਅਤੇ ਨੋਰਾ ਫਤੇਹੀ ਦੇ ਨਾਲ ਕਈ ਹੋਰ ਅਭਿਨੇਤਾ ਜ਼ੋਰਦਾਰ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ।
1971 ਦੀ ਸੱਚੀ ਘਟਨਾ’ ਤੇ ਅਧਾਰਤ ਹੈ ਜਦੋਂ ਪਾਕਿਸਤਾਨ ਨੇ ਭਾਰਤ ਦੇ ਏਅਰਬੇਸ ‘ਤੇ ਹਮਲਾ ਕੀਤਾ ਸੀ ਅਤੇ ਭਾਰਤ ਦੇ ਬਹਾਦਰ ਏਅਰਫੋਰਸ ਅਧਿਕਾਰੀ ਨੇ ਨਾ ਸਿਰਫ ਏਅਰਬੇਸ ਨੂੰ ਬਚਾਇਆ ਬਲਕਿ ਨੇੜਲੇ ਪਿੰਡ ਵਾਸੀਆਂ ਨੂੰ ਵੀ ਉਸ ਦੀ ਹਿੰਮਤ ਅਤੇ ਦਲੇਰੀ ਨਾਲ ਸਹਾਇਤਾ ਦਿੱਤੀ ਸੀ। ਨਵੀਂ ਹਵਾਈ ਪੱਟੀ ਵੀ ਰਾਤੋ ਰਾਤ ਤਿਆਰ ਕੀਤੀ ਗਈ ਸੀ। ਉਸ ਅਧਿਕਾਰੀ ਦਾ ਨਾਮ ਵਿਜੈ ਕਰਨਿਕ ਸੀ ਅਤੇ ਅਜੇ ਦੇਵਗਨ ਫਿਲਮ ਵਿੱਚ ਉਹੀ ਭੂਮਿਕਾ ਨਿਭਾਅ ਰਹੇ ਹਨ।
