ਦੇਸ਼ ‘ਚ ਚੋਣਾਂ ਦਾ ਮਾਹੌਲ ਹੈ ਅਤੇ ਅੱਜ ਯਾਨੀ 13 ਮਈ ਨੂੰ ਚੌਥੇ ਪੜਾਅ ਦੀ ਵੋਟਿੰਗ ਹੋ ਰਹੀ ਹੈ। ਤੇਲੰਗਾਨਾ ਵਿੱਚ ਵੀ ਵੋਟਿੰਗ ਹੋ ਰਹੀ ਹੈ। ਅਜਿਹੇ ‘ਚ ਮੈਗਾਸਟਾਰ ਚਿਰੰਜੀਵੀ, ਸਾਊਥ ਸੁਪਰਸਟਾਰ ਜੂਨੀਅਰ ਐਨਟੀਆਰ ਅਤੇ ਅੱਲੂ ਅਰਜੁਨ ਨੂੰ ਸਵੇਰੇ ਹੀ ਪੋਲਿੰਗ ਸਟੇਸ਼ਨਾਂ ‘ਤੇ ਦੇਖਿਆ ਗਿਆ। ਤਿੰਨੋਂ ਕਲਾਕਾਰਾਂ ਨੇ ਆਪਣੀ ਵੋਟ ਪਾਈ। ਹੁਣ ਉਨ੍ਹਾਂ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਦੱਸ ਦੇਈਏ ਕਿ ਬੀਤੇ ਦਿਨ ਅੱਲੂ ਅਰਜੁਨ ਦੇ ਕਾਨੂੰਨੀ ਮੁਸੀਬਤ ਵਿੱਚ ਫਸਣ ਦੀ ਖਬਰ ਆਈ ਸੀ। ਇਸ ਦੇ ਨਾਲ ਹੀ ਹੁਣ ਅਦਾਕਾਰ ਨੇ ਆਪਣੀ ਵੋਟ ਵੀ ਪਾ ਦਿੱਤੀ ਹੈ। ਅੱਲੂ ਅਰਜੁਨ ਨੇ ਵੋਟ ਪਾਉਣ ਤੋਂ ਬਾਅਦ ਕਿਹਾ ਕਿ ਤੁਸੀਂ ਸਾਰੇ ਆਪਣੀ ਵੋਟ ਪਾਓ, ਅੱਜ ਸਾਰਿਆਂ ਲਈ ਜ਼ਿੰਮੇਵਾਰੀ ਦਾ ਦਿਨ ਹੈ। ਮੈਨੂੰ ਪਤਾ ਹੈ ਕਿ ਬਹੁਤ ਗਰਮੀ ਹੈ, ਪਰ ਇਹ ਦਿਨ ਸਾਡੇ ਭਵਿੱਖ ਦਾ ਫੈਸਲਾ ਕਰੇਗਾ।
ਇਹ ਵੀ ਪੜ੍ਹੋ : ਅੱਜ ਪੰਜ ਤੱਤਾਂ ’ਚ ਵਿਲੀਨ ਹੋਣਗੇ ਉੱਘੇ ਕਵੀ ਸੁਰਜੀਤ ਪਾਤਰ, ਸਰਕਾਰੀ ਸਨਮਾਨਾਂ ਨਾਲ ਹੋਵੇਗਾ ਅੰਤਿਮ ਸਸਕਾਰ
ਇੰਨਾ ਹੀ ਨਹੀਂ ਮੈਗਾਸਟਾਰ ਚਿਰੰਜੀਵੀ ਵੀ ਪੋਲਿੰਗ ਬੂਥ ‘ਤੇ ਨਜ਼ਰ ਆਏ। ਅਭਿਨੇਤਾ ਆਪਣੀ ਪਤਨੀ ਸੁਰੇਖਾ ਅਤੇ ਬੇਟੀ ਸੁਸ਼ਮਿਤਾ ਨਾਲ ਵੋਟ ਪਾਉਣ ਪਹੁੰਚੇ। ਇਸ ਤੋਂ ਇਲਾਵਾ ਪੋਲਿੰਗ ਬੂਥ ‘ਤੇ ਜੂਨੀਅਰ ਐਨਟੀਆਰ ਨੂੰ ਵੀ ਦੇਖਿਆ ਗਿਆ। ਐਨਟੀਆਰ ਨੂੰ ਆਪਣੀ ਪਤਨੀ ਲਕਸ਼ਮੀ ਪ੍ਰਣਤੀ ਅਤੇ ਮਾਂ ਸ਼ਾਲਿਨੀ ਨੰਦਾਮੁਰੀ ਨਾਲ ਦੇਖਿਆ ਗਿਆ। RRR ਪ੍ਰਸਿੱਧ ਜੂਨੀਅਰ ਐਨਟੀਆਰ ਨੇ ਜੁਬਲੀ ਹਿਲਜ਼ ਦੇ ਓਭੁਲ ਰੈਡੀ ਕਾਲਜ (ਪੋਲਿੰਗ ਕੇਂਦਰ) ਵਿੱਚ ਵੋਟ ਪਾਈ। ਇਸ ਦੌਰਾਨ ਉਨ੍ਹਾਂ ਕਿਹਾ, “ਹਰ ਕਿਸੇ ਨੂੰ ਆਪਣੀ ਵੋਟ ਦਾ ਇਸਤੇਮਾਲ ਕਰਨਾ ਹੋਵੇਗਾ। ਮੈਨੂੰ ਲੱਗਦਾ ਹੈ ਕਿ ਇਹ ਇੱਕ ਚੰਗਾ ਸੰਦੇਸ਼ ਹੈ ਜੋ ਅਸੀਂ ਆਉਣ ਵਾਲੀਆਂ ਪੀੜ੍ਹੀਆਂ ਤੱਕ ਪਹੁੰਚਾਉਣਾ ਹੈ।”
ਵੀਡੀਓ ਲਈ ਕਲਿੱਕ ਕਰੋ -:
