Arjun Bijlani winner kkk11: ਟੀਵੀ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 11’ ਦੀ ਜਿੱਤ ਦਾ ਤਾਜ ਅਦਾਕਾਰ ਅਰਜੁਨ ਬਿਜਲਾਨੀ ਦੇ ਸਿਰ ‘ਤੇ ਹੈ। ਇਸ ਦੇ ਨਾਲ ਹੀ ਅਦਾਕਾਰਾ ਦਿਵਯੰਕਾ ਤ੍ਰਿਪਾਠੀ ਨੂੰ ਇਸ ਸ਼ੋਅ ਦੀ ਫਸਟ ਰਨਰਅਪ ਐਲਾਨਿਆ ਗਿਆ ਹੈ।
ਇਸ ਸ਼ੋਅ ਦੇ ਜੇਤੂ ਅਰਜੁਨ ਬਿਜਲਾਨੀ ਨੂੰ ਨਾ ਸਿਰਫ ਨਕਦ ਇਨਾਮ ਮਿਲਿਆ ਹੈ, ਸਗੋਂ ਇੱਕ ਸਵਿਫਟ ਕਾਰ ਵੀ ਤੋਹਫ਼ੇ ਵਜੋਂ ਮਿਲੀ ਹੈ। ਇਸ ਦੌਰਾਨ ਟੀਵੀ ਰਿਐਲਿਟੀ ਸ਼ੋਅ ‘ਖਤਰੋਂ ਕੇ ਖਿਲਾੜੀ 11’ ਦੇ ਜੇਤੂ ਅਤੇ ਹੋਰ ਪ੍ਰਤੀਯੋਗੀਆਂ ਨੂੰ ਇਸ ਸ਼ੋਅ ਵਿੱਚ ਕਿੰਨੀ ਇਨਾਮੀ ਰਾਸ਼ੀ ਮਿਲੀ ਹੈ। ‘ਖਤਰੋਂ ਕੇ ਖਿਲਾੜੀ 11’ ਦੇ ਜੇਤੂ ਨੂੰ ਇਨਾਮੀ ਰਾਸ਼ੀ ਵਜੋਂ 40 ਲੱਖ ਰੁਪਏ ਮਿਲਣਗੇ।
ਸ਼ੋਅ ਦੇ ਦੋ ਪ੍ਰਤੀਯੋਗੀ ਰਾਹੁਲ ਵੈਦਿਆ ਅਤੇ ਦਿਵਯੰਕਾ ਤ੍ਰਿਪਾਠੀ ਨੂੰ ਇਸ ਸ਼ੋਅ ਦੇ ਲਈ ਪ੍ਰਤੀ ਐਪੀਸੋਡ ਸਭ ਤੋਂ ਜ਼ਿਆਦਾ ਫੀਸ ਦੀ ਆਫ਼ਰ ਕੀਤੀ ਗਈ ਸੀ। ਖ਼ਬਰਾਂ ਅਨੁਸਾਰ, ਜਦੋਂ ਕਿ ਰਾਹੁਲ ਵੈਦਿਆ ਨੂੰ ਪ੍ਰਤੀ ਐਪੀਸੋਡ 15 ਲੱਖ ਦੀ ਆਫ਼ਰ ਕੀਤੀ ਗਈ ਹੈ, ਦਿਵਯੰਕਾ ਤ੍ਰਿਪਾਠੀ ਨੂੰ ਫੀਸ ਵਜੋਂ 12 ਲੱਖ ਐਪੀਸੋਡ ਦੀ ਆਫ਼ਰ ਕੀਤੀ ਗਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਦਿਵਯੰਕਾ ਤ੍ਰਿਪਾਠੀ ਦਾ ਨਾਂ ਟੀਵੀ ਇੰਡਸਟਰੀ ਦੀ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੀ ਅਦਾਕਾਰਾ ਵਿੱਚ ਆਉਂਦਾ ਹੈ।
ਇਸ ਦੇ ਨਾਲ ਹੀ ‘ਖਤਰੋਂ ਕੇ ਖਿਲਾੜੀ 11’ ਦੇ ਜੇਤੂ ਅਰਜੁਨ ਬਿਜਲਾਨੀ ਨੂੰ ਪ੍ਰਤੀ ਐਪੀਸੋਡ 10 ਲੱਖ ਰੁਪਏ ਫੀਸ ਦੀ ਆਫ਼ਰ ਕੀਤੀ ਗਈ ਸੀ। ਸ਼ੋਅ ਦੇ ਹੋਰ ਪ੍ਰਤੀਯੋਗੀਆਂ ਅਭਿਨਵ ਸ਼ੁਕਲਾ ਪ੍ਰਤੀ ਐਪੀਸੋਡ 8 ਲੱਖ, ਵਿਸ਼ਾਲ ਆਦਿੱਤਿਆ ਸਿੰਘ 7 ਲੱਖ, ਨਿੱਕੀ ਤੰਬੋਲੀ 7 ਲੱਖ, ਅਨੁਸ਼ਕਾ ਸੇਨ 6 ਲੱਖ, ਸੌਰਭ ਰਾਜ ਜੈਨ 5.5 ਲੱਖ, ਵਰੁਣ ਸੂਦ 3 ਲੱਖ, ਆਸਥਾ ਗਿੱਲ 2.5 ਲੱਖ,ਚਾਹਲ ਨੂੰ 2 ਲੱਖ ਅਤੇ ਸਨਾ ਮਕਬੂਲ ਨੂੰ 2 ਲੱਖ ਪ੍ਰਤੀ ਐਪੀਸੋਡ ਦੀ ਆਫ਼ਰ ਕੀਤੀ ਜਾ ਰਹੀ ਹੈ।
