ਬੁੱਢਾ ਦਲ ਦੇ ਮੁਖੀ ਬਾਬਾ ਬਲਬੀਰ ਸਿੰਘ ਜੀ ਅਤੇ ਤਰਨਾ ਦਲ ਦੇ ਬਾਬਾ ਮੇਜਰ ਸਿੰਘ ਸੋਢੀ ਨੇ ਫ਼ਿਲਮ “ਕਰਮੀ ਆਪੋ ਆਪਣੀ” ਦੇ ਕਾਨਸੈਪਟ ਨੂੰ ਸਰਾਹਿਆ ਅਤੇ ਇਸ ਫਿਲਮ ਦੇ ਅਦਾਕਾਰ ਅਤੇ ਪ੍ਰੋਡਿਊਸਰ ਗੁਰੂ ਸਿੰਘ ਸਹੋਤਾ ਨੂੰ ਸਨਮਾਨਿਤ ਕੀਤਾ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਮਨੁੱਖਤਾ ਨੂੰ ਜੋੜਨ ਵਾਲੇ ਕਾਨਸੈਪਟ ਦੀਆਂ ਫ਼ਿਲਮਾਂ ਹੋਰ ਬਣਨੀਆਂ ਚਾਹੀਦੀਆਂ ਹਨ।
ਮਿਊਜ਼ਿਕ ਪਲੈਨੇਟ ਐਂਟਰਟੇਨਰ ਦੁਆਰਾ ਪੇਸ਼ ਕੀਤੀ ਗਈ, ‘‘ਕਰਮੀ ਆਪੋ ਆਪਣੀ’’ ਨੂੰ ਗੁਰਜਿੰਦਰ ਸਿੰਘ ਸਹੋਤਾ, ਰਿੰਪੀ ਜੱਸਲ ਅਤੇ ਲਾਰਾ ਕੋਮਬਜ਼ ਦੁਆਰਾ ਨਿਰਮਿਤ ਕੀਤਾ ਗਿਆ ਹੈ, ਗੁਰਜਿੰਦਰ ਸਿੰਘ ਸਹੋਤਾ ਦੁਆਰਾ ਲਿਖਿਆ ਗਿਆ ਹੈ। ਕਰਨ ਸਿੰਘ ਮਾਨ ਦੁਆਰਾ ਨਿਰਦੇਸ਼ਤ ਹੈ ਅਤੇ ਦਲਜੀਤ ਸਿੰਘ ਦੁਆਰਾ ਮਿਊਜ਼ਿਕ ਤਿਆਰ ਕੀਤਾ ਗਿਆ ਹੈ। ਗੁਰੂ ਸਿੰਘ ਸਹੋਤਾ, ਰਾਣਾ ਜੰਗ ਬਹਾਦੁਰ, ਨੀਤੂ ਪੰਧੇਰ, ਪੂਨਮ ਸੂਦ, ਅਤੇ ਲਾਰਾ ਕੋਮਬਜ਼ ਸਮੇਤ ਇੱਕ ਸਮੂਹਿਕ ਕਾਸਟ ਦੀ ਵਿਸ਼ੇਸ਼ਤਾ, ਫਿਲਮ ਵਿਸ਼ਵਾਸ, ਪਿਆਰ, ਅਤੇ ਮਨੁੱਖੀ ਏਕਤਾ ਤੇ ਭਾਈਚਾਰੇ ਦੇ ਵਿਸ਼ਿਆਂ ਦੀ ਪੜਚੋਲ ਕਰਦੀ ਹੈ।
ਇਹ ਵੀ ਪੜ੍ਹੋ : ਪੰਜਾਬ ‘ਚ ਨਗਰ ਨਿਗਮਾਂ ਤੇ ਨਗਰ ਕੌਂਸਲਾਂ ਦੀਆਂ ਚੋਣਾਂ ਲਈ ਨਾਮਜ਼ਦਗੀ ਪ੍ਰਕਿਰਿਆ ਅੱਜ ਤੋਂ ਸ਼ੁਰੂ
ਇਸ ਤੋਂ ਇਲਾਵਾ ਫ਼ਿਲਮ ਵਿੱਚ ਮਸ਼ਹੂਰ ਬਾਲੀਵੁੱਡ ਕਲਾਕਾਰ ਦਲੇਰ ਮਹਿੰਦੀ, ਸੋਨੂੰ ਨਿਗਮ, ਜੁਬਿਨ ਨੌਟਿਆਲ ਅਤੇ ਦੇਵ ਨੇਗੀ ਦੁਆਰਾ ਗੀਤ ਗਾਇਆ ਗਿਆ ਹੈ। ਬਾਲੀਵੁੱਡ ਦੇ ਮਸ਼ਹੂਰ ਗਾਇਕ ਜੁਬਿਨ ਨੌਟਿਆਲ ਨੇ ਪਹਿਲੀ ਵਾਰ ਇਸ ਫ਼ਿਲਮ ਲਈ ਪੰਜਾਬੀ ਵਿੱਚ ਗੀਤ ਗਾ ਕੇ ਸੰਗੀਤ ਵਿੱਚ ਨਿਵੇਕਲੀ ਛੋਹ ਦਿੱਤੀ ਹੈ। ਮੇਨ ਸਟ੍ਰੀਮ ਸਿਨੇਮਾ ਸਾਂਚੇ ਤੋਂ ਅਲੱਗ ਹੱਟ ਕੇ ਨਿਰਮਿਤ ਕੀਤੀ ਗਈ ਇਸ ਫਿਲਮ ਵਿੱਚ ਦੇਸੀ ਅਤੇ ਵਿਦੇਸ਼ੀ ਕਲਚਰ ਦੇ ਵੱਖ-ਵੱਖ ਰੰਗਾਂ ਵਿੱਚ ਰੰਗੀ ਇੱਕ ਨਿਵੇਕਲੀ ਪ੍ਰੇਮ ਕਹਾਣੀ ਨੂੰ ਪ੍ਰਤੀਬਿੰਬ ਕੀਤਾ ਗਿਆ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
