sushant film celebs reviews:ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਆਖਿਰੀ ਫਿਲਮ ਦਿਲ ਬੇਚਾਰਾ ਰਿਲੀਜ਼ ਹੋ ਗਈ।ਫਿਲਮ ਨੂੰ ਦੇਖ ਫੈਨਜ਼ ਕਾਫੀ ਭਾਵੁਕ ਹੋ ਰਹੇ ਹਨ।ਸੁਸ਼ਾਂਤ ਦੀ ਅਦਾਕਾਰੀ ਦੀ ਖੂਬ ਤਾਰੀਫ ਹੋ ਰਹੀ ਹੈ।ਫਿਲਮ ਵਿੱਚ ਕਈ ਅਜਿਹੇ ਸੀਨ ਅਤੇ ਡਾਇਲੋਗਜ਼ ਹਨ ਜੋ ਤੁਹਾਨੂੰ ਰੁਲਾ ਦੇਣਗੇ।ਸਿਤਾਰਿਆਂ ਨੇ ਵੀ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਫਿਲਮ ਦੇਖੀ, ਸੁਸ਼ਾਂਤ ਦੀ ਆਖਿਰੀ ਫਿਲਮ ਦੇਖ ਫੈਨਜ਼ ਵੀ ਭਾਵੁਕ ਹੋ ਗਏ ਹਨ।
ਭੂਮੀ ਪੇਡਨੇਕਰ ਨੇ ਕੀਤੀ ਫਿਲਮ ਦੀ ਤਾਰੀਫ-ਅਦਾਕਾਰਾ ਭੂਮੀ ਪੇਡਨੇਕਰ ਨੇ ਫਿਲਮ ਦੀ ਤਾਰੀਫ ਕਰਦੇ ਹੋਏ ਲਿਖਿਆ ‘ ਇਮੋਸ਼ਨਜ਼ ਨਾਲ ਭਰਪੂਰ, ਹੰਝੂ ਵਹਿਣ ਤੋਂ ਰੋਕ ਨਹੀਂ ਪਾਈ। ਇਸ ਤਰ੍ਹਾਂ ਦਾ ਅਜੀਬ ਦਰਦ ਨਾਲ ਭਰਿਆ ਅਤੇ ਖੂਬੂਰਤ ਐਕਸਪੀਰੀਐਂਸ ਨਹੀਂ ਕੀਤਾ।ਫੈਨਜ਼ ਦੇ ਲਈ ਕੀ ਸ਼ਾਨਦਾਰ ਟ੍ਰੀਟ ਹੈ। ਫਿਲਮ ਦੀ ਕਾਸਟਿੰਗ ਵੀ ਸ਼ਾਨਦਾਰ ਹੈ , ਪਿਆਰ ਨਾਲ ਭਰੀ ਹੋਈ।
ਅਦਾਕਾਰਾ ਜੈਨੇਲਿਆ ਡੀਸੂਜਾ ਨੇ ਲਿਖਿਆ ‘ ਸੁਸ਼ਾਂਤ ਸਿੰਘ ਰਾਜਪੂਤ ਸਕ੍ਰੀਨ ਤੇ, ਮੈਂ ਕੁੱਝ ਨਹੀਂ ਕਰ ਸਕਦੀ ਪਰ ਸੀਟੀ ਵਜਾ ਸਕਦੀ ਹਾਂ । ਅਦਾਕਾਰਾ ਤਾਪਸੀ ਪਨੂੰ ਅਤੇ ਸਵਰਾ ਭਾਸਕਰ ਨੇ ਵੀ ਸੁਸ਼ਾਂਤ ਦੀ ਇਹ ਫਿਲਮ ਵੇਖੀ। ਉਨ੍ਹਾਂ ਨੇ ਫਿਲਮ ਦਾ ਪਹਿਲਾ ਸੀਨ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤਾ। ਬਿੱਗ ਬੌਸ ਫੇਮ ਅਦਾਕਾਰਾ ਸ਼ੇਫਾਲੀ ਜਰੀਵਾਲਾ ਨੇ ਲਿਖਿਆ ‘ ਸੁਸ਼ਾਂਤ ਸਿੰਘ ਰਾਜਪੂਤ ਤੁਸੀਂ ਸ਼ਾਨਦਾਰ ਸੀ, ਅਸੀਂ ਤੁਹਾਨੂੰ ਯਾਦ ਕਰਾਂਗੇ।
ਅਦਾਕਾਰਾ ਆਰਤੀ ਸਿੰਘ ਨੇ ਲਿਖਿਆ’ ਫਿਲਮ ਦੇਖੀ, ਬਹੁਤ ਚੰਗੀ ਹੈ। ਦਿਲ ਵਿੱਚ ਇੱਕ ਹੀ ਗੱਲ ਆਈ, ਕਾਸ਼ ਅੱਖਾਂ ਖੁੱਲ੍ਹਣ ਅਤੇ ਲੱਗੇ ਕਿ ਇਹ ਇੱਕ ਸਪਨਾ ਹੋਵੇ…ਤੁਸੀਂ ਬਹੁਤ ਯਾਦ ਆਓਗੇ ਸੁਸ਼ਾਂਤ। ਰਸ਼ਿਮੀ ਦੇਸਾਈ ਨੇ ਲਿਖਿਆ ‘ ਸੁਸ਼ਾਂਤ ਨੂੰ ਦੇਖਦੇ ਹੋਏ ਮਨ ਬਹੁਤ ਭਾਰੀ ਸੀ, ਉਸ ਦੀ ਅਨਰਜੀ ਨਾਲ ਆਤਮਾ ਅਤੇ ਸਮਾਈਲ…ਆਪਣੇ ਹੰਝੂ ਨਹੀਂ ਰੋਕ ਪਾਈ..ਬਹੁਤ ਸਾਰੀਆਂ ਯਾਦਾਂ। ਸੁਸ਼ਾਂਤ ਤੁਹਾਨੂੰ ਰੀਲ ਤੇ ਦੇਖਦੇ ਹੋਏ ਬਹੁਤ ਰੀਅਲ ਮਹਿਸੂਸ ਹੋਇਆ।
With a heavy heart…… pic.twitter.com/REozGNK9dc
— Kamya Shalabh Dang (@iamkamyapunjabi) July 24, 2020
ਦੱਸ ਦੇਈਏ ਕਿ ਸੁਸ਼ਾਂਤ ਸਿੰਘ ਰਾਜਪੂਤ ਨੇ 14 ਜੂਨ ਨੂੰ ਮੁੰਬਈ ਸਥਿਤ ਆਪਣੇ ਫਲੈਟ ਤੇ ਫਾਹਾ ਲਗਾ ਕੇ ਖੁਦਕੁਸ਼ੀ ਕਰ ਲਈ ਸੀ।ਦਿਲ ਬੇਚਾਰਾ ਉਨ੍ਹਾਂ ਦੀ ਆਖਿਰੀ ਫਿਲਮ ਹੈ ਜਿਸ ਵਿੱਚ ਸੰਜਨਾ ਸੰਘੀ ਦੇ ਨਾਲ ਉਸ ਨਜ਼ਰ ਆਏ ਸਨ।ਫਿਲਮ ਕਾਫੀ ਭਾਵੁਕ ਕਰ ਦੇਣ ਵਾਲੀ ਹੈ।ਫਿਲਮ ਦੀ ਕਹਾਣੀ ਇੱਕ ਲੜਕੀ ਤੇ ਲੜਕੇ ਦੇ ਬਾਰੇ ਵਿੱਚ ਹੈ ਜੋ ਕੈਂਸਰ ਦੇ ਨਾਲ ਜੂਝ ਰਹੇ ਹਨ। ਫਿਲਮ ਨੂੰ ਮੁਕੇਸ਼ ਛਾਬੜਾ ਨੇ ਡਾਇਰੈਕਟ ਕੀਤਾ ਹੈ। ਫਿਲਮ ਵਿੱਚ ਸੈਫ ਅਲੀ ਖਾਨ ਦਾ ਕੈਮਿਓ ਰੋਲ ਵੀ ਹੈ।
