yuvika rubbishes pregnancy rumours:ਯੁਵਿਕਾ ਚੌਧਰੀ ਅਤੇ ਪ੍ਰਿੰਸ ਨਰੂਲਾ ਟੀਵੀ ਦੇ ਮਨਪਸੰਦ ਜੋੜਿਆਂ ਵਿਚੋਂ ਇਕ ਹਨ। ਦੋਵਾਂ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫ਼ੀ ਪਿਆਰ ਮਿਲ ਰਿਹਾ ਹੈ। ਹਾਲਾਂਕਿ ਹੁਣ ਦੋਵੇਂ ਬਿਲਕੁਲ ਵੱਖਰੇ ਮਾਮਲੇ ਕਾਰਨ ਸੁਰਖੀਆਂ ਵਿੱਚ ਆ ਗਏ ਹਨ। ਯੁਵਿਕਾ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਸਨੇ ਪਿੰਕ ਅਨਾਰਕਲੀ ਸੂਟ ਪਾਇਆ ਹੋਇਆ ਹੈ। ਇਹ ਦੇਖ ਕੇ ਬਹੁਤ ਸਾਰੇ ਲੋਕਾਂ ਨੇ ਅੰਦਾਜ਼ਾ ਲਗਾਇਆ ਕਿ ਯੁਵਿਕਾ ਗਰਭਵਤੀ ਹੈ।ਲੋਕਾਂ ਨੇ ਵੀਡੀਓ ਨੂੰ ਵੇਖ ਕੇ ਆਪਣਾ ਰਿਐਕਸ਼ਨ ਦੇਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਕਿਹਾ ਕਿ ਯੁਵਿਕਾ ਆਪਣਾ ਬੇਬੀ ਬੰਪ ਫਲਾਂਟ ਕਰ ਰਹੀ ਹੈ।
ਇਸ ਦੇ ਕਾਰਨ, ਸੋਸ਼ਲ ਮੀਡੀਆ ‘ਤੇ ਯੂਜਰਜ਼ ਨੇ ਆਉਣ ਵਾਲੇ ਛੋਟੇ ਮਹਿਮਾਨਾਂ ਲਈ ਉਨ੍ਹਾਂ ਨੂੰ ਵਧਾਈ ਦੇਣਾ ਸ਼ੁਰੂ ਕਰ ਦਿੱਤਾ ਪਰ ਤੁਹਾਨੂੰ ਦੱਸ ਦੇਈਏ ਕਿ ਯੁਵਿਕਾ ਚੌਧਰੀ ਗਰਭਵਤੀ ਨਹੀਂ ਹੈ। ਉਸਨੇ ਇਹ ਵੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਗਰਭਵਤੀ ਨਹੀਂ ਹੈ। ਯੁਵਿਕਾ ਨੇ ਇਹ ਵੀ ਦੱਸਿਆ ਕਿ ਉਹ ਹੁਣੇ ਹੀ ਇੱਕ ਬਿਮਾਰੀ ਤੋਂ ਠੀਕ ਹੋਈ ਹੈ।ਯੁਵਿਕਾ ਨੇ ਦੱਸਿਆ ਕਿ ਉਸ ਨੂੰ ਕੋਰੋਨਾ ਹੋਇਆ ਸੀ ਅਤੇ ਜਿਸ ਤੋਂ ਉਹ ਅਜੇ ਵੀ ਰਿਕਵਰ ਕਰ ਰਹੀ ਹੈ।ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਪਹਿਲਾਂ ਉਸ ਨੂੰ ਡੇਂਗੂ ਦੇ ਚਲਦੇ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਸੀ। ਯੁਵਿਕਾ ਦੇ ਮੁਤਾਬਿਕ ਉਸ ਦੀ ਪ੍ਰੈਗਨੈਂਸੀ ਦੀਆਂ ਅਫਵਾਹਾਂ ਝੂਠੀਆਂ ਹਨ ਅਤੇ ਉਸ ਨੂੰ ਇਸ ਤੇ ਹਾਸਾ ਆ ਰਿਹਾ ਹੈ।
ਹਾਲਾਂਕਿ ਨਾਲ ਹੀ ਯੁਵਿਕਾ ਚੌਧਰੀ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਆਪਣੀ ਜਿੰਦਗੀ ਦੇ ਕਿਸੇ ਮੋੜ ਤੇ ਬੱਚਾ ਜਰੂਰ ਚਾਹੁੰਦੀ ਹੈ ਪਰ ਅਜੇ ਉਹ ਸਮਾਂ ਨਹੀਂ ਆਇਆ ਹੈ। ਯੁਵਿਕਾ ਨੇ ਕਿਹਾ ਕਿ ਉਹ ਉਦੋਂ ਹੋਵੇਗਾ ਜਦੋਂ ਉਸਦੇ ਹੋਣ ਦਾ ਸਹੀ ਸਮਾਂ ਹੋਵੇਗਾ।ਆਪਣੇ ਪਹਿਰਾਵੇ ਬਾਰੇ, ਯੁਵਿਕਾ ਨੇ ਕਿਹਾ ਕਿ ਉਸ ਸਮੇਂ ਉਸ ਦਾ ਬੇਬੀ ਬੰਪ ਸ਼ਾਇਦ ਕਿਸੇ ਐਂਗਲ ਤੋਂ ਲੱਗ ਰਿਹਾ ਸੀ, ਪਰ ਅਸਲ ਵਿੱਚ ਅਜਿਹਾ ਕੁਝ ਨਹੀਂ ਹੈ। ਪਤੀ ਪ੍ਰਿੰਸ ਨਰੂਲਾ ਬਾਰੇ ਗੱਲ ਕਰਦਿਆਂ ਯੁਵਿਕਾ ਨੇ ਕਿਹਾ ਕਿ ਉਹ ਉਸਦੇ ਲਈ ਪੰਜਾਬ ਤੋਂ ਮੁੰਬਈ ਆਇਆ ਹੈ। ਦੋਵਾਂ ਨੇ ਮਿਲ ਕੇ ਕਰਵਾ ਚੌਥ ਮਨਾਇਆ।ਯੁਵਿਕਾ ਇਹ ਵੀ ਕਹਿੰਦੀ ਹੈ ਕਿ ਪ੍ਰਿੰਸ ਕੁਝ ਸਮੇਂ ਲਈ ਫਿਰ ਤੋਂ ਪੰਜਾਬ ਜਾ ਸਕਦਾ ਹੈ। ਉਸਨੇ ਕਿਹਾ ਕਿ ਉਸਨੂੰ ਅਤੇ ਪ੍ਰਿੰਸ ਨੂੰ ਬਿਮਾਰੀ ਤੋਂ ਪੂਰੀ ਤਰ੍ਹਾਂ ਉਭਰਨ ਲਈ ਥੋੜਾ ਹੋਰ ਸਮਾਂ ਲੱਗੇਗਾ।
