Gadar2 Box Office Collection: ਸੰਨੀ ਦਿਓਲ ਦੀ ‘ਗਦਰ 2’ ਦਾ ਤੂਫਾਨ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਇਹ ਫਿਲਮ ਰੋਜ਼ਾਨਾ ਕਰੋੜਾਂ ਦਾ ਕਾਰੋਬਾਰ ਕਰ ਰਹੀ ਹੈ। ‘ਗਦਰ 2’ ਵਿੱਚ ਤਾਰਾ ਸਿੰਘ ਅਤੇ ਸਕੀਨਾ ਦੇ ਪ੍ਰਸ਼ੰਸਕ ਦੀਵਾਨੇ ਹੋ ਚੁੱਕੇ ਹਨ ਅਤੇ ਇਸਨੂੰ ਇੱਕ ਵਾਰ ਨਹੀਂ ਸਗੋਂ ਕਈ ਵਾਰ ਦੇਖ ਰਹੇ ਹਨ। ‘ਗਦਰ 2’ ਛੇ ਦਿਨਾਂ ਵਿੱਚ 250 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਗਈ ਸੀ।
ਹੁਣ ਫਿਲਮ ਦਾ ਸੱਤਵੇਂ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆ ਗਿਆ ਹੈ ਅਤੇ ਵੀਕਡੇ ਦੇ ਹਿਸਾਬ ਨਾਲ ਇਸ ਨੇ ਕਾਫੀ ਵਧੀਆ ਕਲੈਕਸ਼ਨ ਕੀਤਾ ਹੈ।
‘ਗਦਰ’ ਤੋਂ ਹੈਂਡਪੰਪ ਮਸ਼ਹੂਰ ਹੋਇਆ ਸੀ, ਇਸ ਲਈ ਇਸ ਵਾਰ ਸਨੀ ਦਿਓਲ ‘ਗਦਰ 2’ ਤੋਂ ਹਥੌੜਾ ਲੈ ਕੇ ਆਏ ਹਨ। ਸੰਨੀ ਦਿਓਲ ਦਾ ਹਥੌੜਾ ਕਾਫੀ ਸ਼ੋਰ ਮਚਾ ਰਿਹਾ ਹੈ। ਇਸ ਫਿਲਮ ਦਾ ਕਲੈਕਸ਼ਨ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਅੱਠਵੇਂ ਦਿਨ ਤੱਕ ਇਹ ਫਿਲਮ 300 ਕਰੋੜ ਦੇ ਕਲੱਬ ਵਿੱਚ ਸ਼ਾਮਲ ਹੋ ਜਾਵੇਗੀ। ‘ਗਦਰ’ ਨੇ 2 ਤੋਂ 6 ਦਿਨਾਂ ‘ਚ 261 ਕਰੋੜ ਦਾ ਕਾਰੋਬਾਰ ਕਰ ਲਿਆ ਹੈ। ਹੁਣ ਫਿਲਮ ਦਾ ਸੱਤਵੇਂ ਦਿਨ ਦਾ ਕਲੈਕਸ਼ਨ ਸਾਹਮਣੇ ਆ ਗਿਆ ਹੈ। ਰਿਪੋਰਟ ਦੇ ਅਨੁਸਾਰ,’ਗਦਰ 2′ ਨੇ ਸੱਤਵੇਂ ਦਿਨ ਲਗਭਗ 23 ਕਰੋੜ ਦੀ ਕਮਾਈ ਕੀਤੀ ਹੈ, ਜਿਸ ਤੋਂ ਬਾਅਦ ਕੁੱਲ 284.35 ਕਰੋੜ ਹੋ ਜਾਵੇਗਾ। ਇਸ ਹਫਤੇ ਤੱਕ ਫਿਲਮ 300 ਕਰੋੜ ਦਾ ਅੰਕੜਾ ਪਾਰ ਕਰ ਜਾਵੇਗੀ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
‘ਗਦਰ 2’ 11 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਸੀ। ਫਿਲਮ ਨੇ ਸ਼ਾਨਦਾਰ ਓਪਨਿੰਗ ਕੀਤੀ ਸੀ ਪਰ ਫਿਲਮ ਨੇ 15 ਅਗਸਤ ਨੂੰ ਸਭ ਤੋਂ ਵੱਧ ਕਲੈਕਸ਼ਨ ਕੀਤੀ ਸੀ। ਫਿਲਮ ਨੇ ਉਸ ਦਿਨ 55.40 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਇਸ ਫਿਲਮ ਨੇ ਹੁਣ ਤੱਕ ਕਈ ਰਿਕਾਰਡ ਤੋੜੇ ਹਨ। ‘ਗਦਰ 2’ ਤੋਂ ਸ਼ਾਹਰੁਖ ਖਾਨ ਦੀ ਪਠਾਨ ਵੀ ਪਿੱਛੇ ਰਹਿ ਗਈ ਹੈ। ‘ਗਦਰ 2’ ਦੀ ਗੱਲ ਕਰੀਏ ਤਾਂ ਇਸ ਫਿਲਮ ‘ਚ ਸੰਨੀ ਦਿਓਲ ਦੇ ਨਾਲ ਅਮੀਸ਼ਾ ਪਟੇਲ, ਸਿਮਰਤ ਕੌਰ, ਉਤਕਰਸ਼ ਸ਼ਰਮਾ ਅਤੇ ਮਨੀਸ਼ ਵਾਧਵਾ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਏ ਹਨ। ਫਿਲਮ ਦਾ ਨਿਰਦੇਸ਼ਨ ਅਨਿਲ ਸ਼ਰਮਾ ਨੇ ਕੀਤਾ ਹੈ। ਹਰ ਕੋਈ ਅਨਿਲ ਦੇ ਨਿਰਦੇਸ਼ਨ ਦੀ ਤਾਰੀਫ ਕਰ ਰਿਹਾ ਹੈ।
