Gauahar Khan Zaid Darbar: ਬਿੱਗ ਬੌਸ ਫੇਮ ਗੌਹਰ ਖਾਨ ਜਲਦ ਹੀ ਵਿਆਹ ਦੇ ਬੰਧਨ ‘ਚ ਬੱਝਣ ਜਾ ਰਹੇ ਹਨ। ਅਦਾਕਾਰਾ 25 ਦਸੰਬਰ ਨੂੰ ਆਪਣੇ ਬੁਆਏਫਰੈਂਡ ਜ਼ੈੱਦ ਦਰਬਾਰ ਨਾਲ ਵਿਆਹ ਕਰੇਗੀ। ਹੁਣ ਦੋਵਾਂ ਦੇ ਵਿਆਹ ਤੋਂ ਪਹਿਲਾਂ ਦੇ ਫੰਕਸ਼ਨ ਸ਼ੁਰੂ ਹੋ ਗਏ ਹਨ। ਜਿਸ ਦੀਆਂ ਫੋਟੋਆਂ ਅਤੇ ਵੀਡੀਓ ਇੰਸਟਾਗ੍ਰਾਮ ‘ਤੇ ਲਗਾਤਾਰ ਵਾਇਰਲ ਹੋ ਰਹੀਆਂ ਹਨ। ਗੌਹਰ ਖਾਨ ਦੇ ਚਿਕਸਾ ਸਮਾਰੋਹ ਦੀਆਂ ਕਈ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਹਨ।
ਇਨ੍ਹਾਂ ਵੀਡੀਓ ਵਿਚ ਅਦਾਕਾਰਾ ਢੋਲ ਦੀ ਤਾਲ‘ਤੇ ਜ਼ਾਇਦ ਨਾਲ ਭੰਗੜਾ ਪਾਉਂਦੀ ਦਿਖਾਈ ਦੇ ਰਹੀ ਹੈ। ਚਿਕਸਾ ਸਮਾਰੋਹ ਦੀਆਂ ਇਨ੍ਹਾਂ ਵੀਡੀਓ ਵਿਚ ਗੌਹਰ ਖਾਨ ਅਤੇ ਜੈਦ ਦਰਬਾਰ ਪੀਲੇ ਕਪੜੇ ਪਾਏ ਦਿਖਾਈ ਦੇ ਰਹੇ ਹਨ। ਇਕ ਵੀਡੀਓ ਵਿਚ ਇਹ ਵੀ ਦੇਖਿਆ ਜਾ ਸਕਦਾ ਹੈ ਕਿ ਨੱਚਦੇ ਸਮੇਂ ਜ਼ੈਦ ਗੌਹਰ ਨੂੰ ਆਪਣੀ ਗੋਦ ਵਿਚ ਚੁੱਕਦਾ ਹੈ, ਜਿਸ ਤੋਂ ਬਾਅਦ ਉਥੇ ਮੌਜੂਦ ਹਰ ਕੋਈ ਤਾੜੀਆਂ ਮਾਰਨ ਲੱਗ ਪੈਂਦਾ ਹੈ। ਗੌਹਰ ਖਾਨ ਦੀਆਂ ਇਨ੍ਹਾਂ ਵੀਡੀਓ ‘ਤੇ ਪ੍ਰਸ਼ੰਸਕ ਕਾਫ਼ੀ ਟਿੱਪਣੀਆਂ ਕਰ ਰਹੇ ਹਨ ਅਤੇ ਆਪਣੀ ਫੀਡਬੈਕ ਦੇ ਰਹੇ ਹਨ।
ਦੱਸ ਦੇਈਏ ਕਿ ਗੌਹਰ ਖਾਨ ਅਤੇ ਜ਼ੈਦ ਦਰਬਾਰ ਦੇ ਵਿਆਹ ਨਾਲ ਜੁੜੀਆਂ ਰਸਮਾਂ 22 ਦਸੰਬਰ ਨੂੰ ਸ਼ੁਰੂ ਹੋ ਗਈਆਂ ਹਨ, ਇਨ੍ਹਾਂ ਰਸਮਾਂ ਵਿਚ ਪਰਿਵਾਰ ਅਤੇ ਕੁਝ ਖਾਸ ਦੋਸਤ ਸ਼ਾਮਲ ਹੋਣਗੇ। ਵਿਆਹ ਦਾ ਇਹ ਪ੍ਰੋਗਰਾਮ ਮੁੰਬਈ ਵਿੱਚ ਕੀਤਾ ਜਾਵੇਗਾ। ਗੌਹਰ ਖਾਨ ਦੀ ਭੈਣ ਨਿਗਰ ਖਾਨ ਵੀ ਇਸ ਵਿਆਹ ਲਈ ਜਲਦੀ ਹੀ ਦੁਬਈ ਤੋਂ ਭਾਰਤ ਆ ਰਹੀ ਹੈ। ਦੱਸ ਦੇਈਏ ਕਿ ਹਾਲ ਹੀ ਵਿੱਚ ਗੌਹਰ ਖਾਨ ਨੇ ਜੈਦ ਦਰਬਾਰ ਦੇ ਜਨਮਦਿਨ ਤੇ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਸਨ, ਜਿਸ ਵਿੱਚ ਦੋਵੇਂ ਇਕੱਠੇ ਜਨਮਦਿਨ ਮਨਾਉਂਦੇ ਦਿਖਾਈ ਦਿੱਤੇ ਸਨ।
