kangana Emergency Teaser Out: ਜਦੋਂ ਤੋਂ ਕੰਗਨਾ ਰਣੌਤ ਦੀ ਫਿਲਮ ‘ਐਮਰਜੈਂਸੀ’ ਦਾ ਪਹਿਲਾ ਲੁੱਕ ਰਿਲੀਜ਼ ਹੋਇਆ ਹੈ, ਪ੍ਰਸ਼ੰਸਕ ਇਸ ਫਿਲਮ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਆਖਿਰਕਾਰ, ਸ਼ਨੀਵਾਰ ਨੂੰ ਕੰਗਨਾ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ‘ਤੇ ਆਪਣੀ ਨਿਰਦੇਸ਼ਿਤ ਫਿਲਮ ‘ਐਮਰਜੈਂਸੀ’ ਦਾ ਟੀਜ਼ਰ ਰਿਲੀਜ਼ ਕੀਤਾ। ਸ਼ਾਰਟ ਕਲਿੱਪ ‘ਚ ਅਨੁਪਮ ਖੇਰ ਵੀ ਨਜ਼ਰ ਆ ਰਹੇ ਹਨ।
ਟੀਜ਼ਰ ਦੇ ਨਾਲ ਹੀ ਇਹ ਵੀ ਸਾਹਮਣੇ ਆਇਆ ਹੈ ਕਿ ਫਿਲਮ ਉਸ ਸਮੇਂ ਦੇ ਆਲੇ-ਦੁਆਲੇ ਘੁੰਮਦੀ ਹੈ ਜਦੋਂ 1975 ‘ਚ ਇੰਦਰਾ ਗਾਂਧੀ ਦੀ ਅਗਵਾਈ ਵਾਲੀ ਸਰਕਾਰ ਦੁਆਰਾ ਭਾਰਤ ‘ਚ ‘ਐਮਰਜੈਂਸੀ’ ਲਗਾਈ ਗਈ ਸੀ। ‘ਐਮਰਜੈਂਸੀ’ ਦਾ ਟੀਜ਼ਰ ਸ਼ੁਰੂ ਹੁੰਦਾ ਹੈ, ਸਕਰੀਨ ‘ਤੇ 25 ਜੂਨ 1975 ਲਿਖਿਆ ਹੋਇਆ ਹੈ। ਉਸ ਸਮੇਂ ਦੌਰਾਨ ਦੇਸ਼ ਵਿੱਚ ਐਮਰਜੈਂਸੀ ਲਗਾ ਦਿੱਤੀ ਗਈ ਸੀ। ਬਲੈਕ ਐਂਡ ਵ੍ਹਾਈਟ ਵੀਡੀਓ ‘ਚ ਅਨੁਪਮ ਖਰੇ ਸਲਾਖਾਂ ਦੇ ਪਿੱਛੇ ਨਜ਼ਰ ਆ ਰਹੇ ਹਨ ਅਤੇ ਸਕਰੀਨ ‘ਤੇ ਲਿਖਿਆ ਹੈ ਕਿ ਵਿਰੋਧੀ ਪਾਰਟੀ ਦੇ ਨੇਤਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ। ਇਸ ਤੋਂ ਬਾਅਦ ਪਿਛੋਕੜ ਵਿਚ ਉਸ ਦੀ ਆਵਾਜ਼ ਸੁਣਾਈ ਦਿੰਦੀ ਹੈ, ਇਹ ਸਰਕਾਰ ਦਾ ਰਾਜ ਨਹੀਂ, ਹਉਮੈ ਦਾ ਰਾਜ ਹੈ। ਇਹ ਸਾਡੀ ਮੌਤ ਨਹੀਂ, ਇਸ ਦੇਸ਼ ਦੀ ਮੌਤ ਹੈ। ਇਸ ਤਾਨਾਸ਼ਾਹੀ ਨੂੰ ਰੋਕਣਾ ਹੋਵੇਗਾ। ਇਸ ਤੋਂ ਬਾਅਦ ਬੈਕਗ੍ਰਾਊਂਡ ‘ਚ ਕਾਗਨਾ ਦੀ ਆਵਾਜ਼ ਆਉਂਦੀ ਹੈ, ਜੋ ਫਿਲਮ ‘ਚ ਇੰਦਰਾ ਗਾਂਧੀ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਉਹ ਕਹਿੰਦੀ ਹੈ ਕਿ ਮੈਨੂੰ ਇਸ ਦੇਸ਼ ਦੀ ਰੱਖਿਆ ਕਰਨ ਤੋਂ ਕੋਈ ਨਹੀਂ ਰੋਕ ਸਕਦਾ। ਕਿਉਂਕਿ ਭਾਰਤ ਇੰਦਰਾ ਹੈ, ਅਤੇ ਇੰਦਰਾ ਭਾਰਤ ਹੈ।
ਟੀਜ਼ਰ ਦੇ ਨਾਲ ਹੀ ਕੰਗਨਾ ਨੇ ਫਿਲਮ ਦੀ ਨਵੀਂ ਰਿਲੀਜ਼ ਡੇਟ ਦਾ ਵੀ ਐਲਾਨ ਕੀਤਾ ਹੈ। ‘ਐਮਰਜੈਂਸੀ’ 24 ਨਵੰਬਰ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਟੀਜ਼ਰ ਨੂੰ ਜਾਰੀ ਕਰਨ ਦੇ ਨਾਲ, ਅਦਾਕਾਰਾ ਨੇ ਕੈਪਸ਼ਨ ਵਿੱਚ ਲਿਖਿਆ, “ਇੱਕ ਰਖਵਾਲਾ ਜਾਂ ਤਾਨਾਸ਼ਾਹ? ਸਾਡੇ ਇਤਿਹਾਸ ਦੇ ਸਭ ਤੋਂ ਕਾਲੇ ਦੌਰ ਦੇ ਗਵਾਹ ਬਣੋ ਜਦੋਂ ਸਾਡੇ ਦੇਸ਼ ਦੇ ਨੇਤਾ ਨੇ ਆਪਣੇ ਹੀ ਲੋਕਾਂ ‘ਤੇ ਜੰਗ ਦਾ ਐਲਾਨ ਕੀਤਾ ਸੀ। ਕੰਗਨਾ ਰਣੌਤ ਨੇ ‘ ਐਮਰਜੈਂਸੀ’ ਦਾ ਨਿਰਦੇਸ਼ਨ ਕੀਤਾ ਹੈ ਤੁਹਾਨੂੰ ਦੱਸ ਦੇਈਏ ਕਿ ‘ਐਮਰਜੈਂਸੀ’ ਇੱਕ ਆਉਣ ਵਾਲੀ ਹਿੰਦੀ ਆਧਾਰਿਤ ਇਤਿਹਾਸਕ ਡਰਾਮਾ ਫਿਲਮ ਹੈ, ਜਿਸ ਦਾ ਨਿਰਦੇਸ਼ਨ ਅਤੇ ਨਿਰਮਾਣ ਕੰਗਨਾ ਰਣੌਤ ਦੁਆਰਾ ਕੀਤਾ ਗਿਆ ਹੈ। ਇਸ ਦਾ ਸਕ੍ਰੀਨਪਲੇਅ ਰਿਤੇਸ਼ ਸ਼ਾਹ ਦਾ ਹੈ ਅਤੇ ਕਹਾਣੀ ਰਣੌਤ ਦੀ ਹੈ। ਕੰਗਨਾ ਰਣੌਤ ਨੇ 2021 ਵਿੱਚ ‘ਐਮਰਜੈਂਸੀ’ ਦਾ ਐਲਾਨ ਕੀਤਾ ਸੀ ਅਤੇ ਬਾਅਦ ਵਿੱਚ ਸਪੱਸ਼ਟ ਕੀਤਾ ਸੀ ਕਿ ਭਾਵੇਂ ‘ਐਮਰਜੈਂਸੀ’ ਇੱਕ ਸਿਆਸੀ ਡਰਾਮਾ ਹੈ, ਪਰ ਇਹ ਇੰਦਰਾ ਗਾਂਧੀ ਦੀ ਬਾਇਓਪਿਕ ਨਹੀਂ ਹੈ।
