Karan Johar New Film: ਫਿਲਮ ਨਿਰਮਾਤਾ ਕਰਨ ਜੌਹਰ ਨੇ ਆਪਣੇ ਹੋਮ ਪ੍ਰੋਡਕਸ਼ਨ ਦੀ ਅਗਲੀ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਫਿਲਮ ਦਾ ਨਾਂ ‘ਗੋਵਿੰਦਾ ਨਾਮ ਮੇਰਾ’ ਹੈ। ਇਸ ਫਿਲਮ ‘ਚ ਅਦਾਕਾਰ ਵਿੱਕੀ ਕੌਸ਼ਲ, ਅਦਾਕਾਰਾ ਭੂਮੀ ਪੇਡਨੇਕਰ ਅਤੇ ਕਿਆਰਾ ਅਡਵਾਨੀ ਮੁੱਖ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ।
ਇਹ ਫਿਲਮ ਇੱਕ ਧਮਾਕੇਦਾਰ ਪਰਿਵਾਰਕ ਡਰਾਮਾ ਹੋਵੇਗੀ ਜਿਸ ਵਿੱਚ ਇੱਕ ਵਾਰ ਫਿਰ ਤੋਂ ਪਤੀ-ਪਤਨੀ ਦਾ ਅਫੇਅਰ ਦੇਖਣ ਨੂੰ ਮਿਲੇਗਾ।
ਇਸ ਪੋਸਟਰ ‘ਚ ਵਿੱਕੀ ਕੌਸ਼ਲ ਡਾਂਸ ਸਟੈਪ ਕਰਦੇ ਨਜ਼ਰ ਆ ਰਹੇ ਹਨ। ਦੂਜੇ ਟਵੀਟ ‘ਚ ਕਰਨ ਜੌਹਰ ਨੇ ਭੂਮੀ ਪੇਡਨੇਕਰ ਦਾ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ ‘ਚ ਉਹ ਨੀਲੇ ਅਤੇ ਹਰੇ ਰੰਗ ਦੀ ਸਾੜੀ ‘ਚ ਨਜ਼ਰ ਆ ਰਹੀ ਹੈ, ਉਸ ਨੇ ਆਪਣੇ ਵਾਲਾਂ ‘ਚ ਲਾਲ ਗੁਲਾਬ ਦਾ ਫੁੱਲ ਵੀ ਸਜਾਇਆ ਹੈ। ਤੀਜੇ ਪੋਸਟਰ ਰਾਹੀਂ ਅਦਾਕਾਰਾ ਕਿਆਰਾ ਅਡਵਾਨੀ ਨੂੰ ਪੇਸ਼ ਕੀਤਾ, ਜਿਸ ਵਿੱਚ ਉਹ ਪੀਲੇ ਰੰਗ ਦੀ ਸਾੜੀ ਵਿੱਚ ਨਜ਼ਰ ਆ ਰਹੀ ਹੈ, ਉਸ ਦਾ ਲੁੱਕ ਬਹੁਤ ਖੂਬਸੂਰਤ ਅਤੇ ਆਕਰਸ਼ਕ ਲੱਗ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
Vidhan Sabha ‘ਚ ਭਿੜੇ CM Channi, Sidhu, Majithia ਹੱਥੋਪਾਈ ਤੱਕ ਪਹੁੰਚੀ ਨੌਬਤ”
ਇਨ੍ਹਾਂ ਪੋਸਟਰਾਂ ‘ਚ ਭੂਮੀ ਪੇਡਨੇਕਰ, ਕਿਆਰਾ ਅਡਵਾਨੀ ਅਤੇ ਵਿੱਕੀ ਕੌਸ਼ਲ ਤਿੰਨੋਂ ਪੁਰਾਣੇ ਅਵਤਾਰ ‘ਚ ਨਜ਼ਰ ਆ ਰਹੇ ਹਨ। ਵਿੱਕੀ ਕੌਸ਼ਲ ਦੀ ਗੱਲ ਕਰੀਏ ਤਾਂ ਉਹ ਇਨ੍ਹੀਂ ਦਿਨੀਂ ਕੈਟਰੀਨਾ ਕੈਫ ਨਾਲ ਵਿਆਹ ਦੀਆਂ ਖਬਰਾਂ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਇਸ ਫਿਲਮ ਤੋਂ ਇਲਾਵਾ ਉਹ ਜਲਦ ਹੀ ਫਿਲਮ ‘ਸੈਮ ਬਹਾਦਰ’ ‘ਚ ਨਜ਼ਰ ਆਵੇਗਾ, ਜਦਕਿ ਭੂਮੀ ਪੇਡਨੇਕਰ ‘ਰਕਸ਼ਾ ਬੰਧਨ’ ਅਤੇ ‘ਬਧਾਈ ਹੋ 2’ ਵਰਗੀਆਂ ਫਿਲਮਾਂ ਕਰ ਰਹੀ ਹੈ ਤਾਂ ਕਿਆਰਾ ਅਡਵਾਨੀ ‘ਭੂਲ ਭੁਲਾਇਆ 2’ ਅਤੇ ‘ ਜਗ ਜੁਗ ਜੀਓ ‘ਚ ਨਜ਼ਰ ਆਵੇਗੀ।
