Karan Kundra LockUpp show: ‘ਬਿੱਗ ਬੌਸ 15’ ਤੋਂ ਬਾਅਦ ਅਦਾਕਾਰਾ ਕੰਗਨਾ ਰਣੌਤ ਦਾ ਸ਼ੋਅ ਲੌਕ-ਅੱਪ ਇਨ੍ਹੀਂ ਦਿਨੀਂ ਲਗਾਤਾਰ ਸੁਰਖੀਆਂ ‘ਚ ਹੈ। ਕੰਗਨਾ ਦੀ ਇਸ ਜੇਲ ‘ਚ 16 ਵਿਵਾਦਿਤ ਹਸਤੀਆਂ ਬੰਦ ਹਨ। OTT ਰਿਐਲਿਟੀ ਸ਼ੋਅ ‘ਲਾਕ ਅੱਪ’ ਨੂੰ ਸ਼ੁਰੂ ਹੋਏ ਕੁਝ ਹੀ ਦਿਨ ਹੋਏ ਹਨ ਪਰ ਇਸ ਦੇ ਪ੍ਰਤੀਯੋਗੀ ਲਗਾਤਾਰ ਸੁਰਖੀਆਂ ‘ਚ ਹਨ।
ਹੁਣ ‘ਬਿੱਗ ਬੌਸ 15’ ਦੇ ਸਭ ਤੋਂ ਚਰਚਿਤ ਪ੍ਰਤੀਯੋਗੀਆਂ ਵਿੱਚੋਂ ਇੱਕ ਕਰਨ ਕੁੰਦਰਾ ਵੀ ਇਸ ਅੱਤਿਆਚਾਰੀ ਜੇਲ੍ਹ ਦਾ ਹਿੱਸਾ ਬਣਨ ਜਾ ਰਿਹਾ ਹੈ। ਪਰ ਕਰਨ ਖੁਦ ਇਸ ਜੇਲ ‘ਚ ਕੈਦ ਨਹੀਂ ਹੋਣਗੇ, ਸਗੋਂ ਇਸ ਜੇਲ ‘ਚ ਰਹਿ ਰਹੇ ਪ੍ਰਤੀਯੋਗੀਆਂ ‘ਤੇ ਤਸ਼ੱਦਦ ਕਰਨਗੇ। ਕੰਗਨਾ ਰਣੌਤ ਦੇ ਸ਼ੋਅ ‘ਲਾਕ-ਅੱਪ’ ਦਾ ਇੱਕ ਨਵਾਂ ਪ੍ਰੋਮੋ ਸਾਹਮਣੇ ਆਇਆ ਹੈ, ਜਿਸ ਵਿੱਚ ਕਰਨ ਦਰਸ਼ਕਾਂ ਨੂੰ ਇਸ ਜੇਲ੍ਹ ਜਾਣ ਬਾਰੇ ਦੱਸਦੇ ਹੋਏ ਨਜ਼ਰ ਆ ਰਹੇ ਹਨ। ਇਸ ਪ੍ਰੋਮੋ ‘ਚ ਕਰਨ ਕੁੰਦਰਾ ਕਹਿੰਦੇ ਨਜ਼ਰ ਆ ਰਹੇ ਹਨ, ‘ਸ਼ਰਾਫਤ ਕਿਸ ਪੰਛੀ ਦਾ ਨਾਂ ਹੈ, ਲੱਗਦਾ ਹੈ ਇਹ ਲੋਕ ਭੁੱਲ ਗਏ ਹਨ। ਇਹ ਸਭ ਕੁਝ ਯਾਦ ਕਰਾਉਣ ਦਾ ਸਮਾਂ ਹੈ, ਮੈਂ ਆ ਰਿਹਾ ਹਾਂ… ਮਹਾਰਾਣੀ ਦੀ ਇਸ ਜੇਲ੍ਹ ਵਿੱਚ। ਅਸਲ ਅੱਤਿਆਚਾਰ ਵਾਲੀ ਖੇਡ ਹੁਣ ਸ਼ੁਰੂ ਹੋਵੇਗੀ।
ਇਸ ਨਵੇਂ ਪ੍ਰੋਮੋ ਤੋਂ ਬਾਅਦ ਕਰਨ ਕੁੰਦਰਾ ਦੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ ਕਿ ਉਹ ਇਸ ਸ਼ੋਅ ‘ਚ ਇਕ ਵਾਰ ਫਿਰ ਕਰਨ ਕੁੰਦਰਾ ਦਾ ਮਜ਼ਾਕੀਆ ਅੰਦਾਜ਼ ਦੇਖਣ ਨੂੰ ਮਿਲਣਗੇ। ਹੁਣ ਹਰ ਕੋਈ ਇਹ ਦੇਖਣ ਲਈ ਬੇਤਾਬ ਹੈ ਕਿ ਕਰਨ ਕੁੰਦਰਾ ਇਸ ਜੇਲ੍ਹ ਵਿੱਚ ਕੀ ਹੰਗਾਮਾ ਕਰਨ ਵਾਲੇ ਹਨ।ਦੂਜੇ ਪਾਸੇ ਜੇਕਰ ਇਸ ਸ਼ੋਅ ਦੀ ਗੱਲ ਕਰੀਏ ਤਾਂ ਇਸ ਸ਼ੋਅ ਦਾ ਪਹਿਲਾ ਨੌਮੀਨੇਸ਼ਨ ਰਾਊਂਡ ਹੋ ਚੁੱਕਾ ਹੈ। ਪਹਿਲੀ ਨੌਮੀਨੇਸ਼ਨ ਵਿੱਚ ਮੁਨੱਵਰ ਫਾਰੂਕੀ, ਅੰਜਲੀ ਅਰੋੜਾ, ਸਵਾਮੀ ਚੱਕਰਪਾਣੀ, ਸ਼ਿਵਮ ਸ਼ਰਮਾ ਅਤੇ ਸਿਧਾਰਥ ਸ਼ਰਮਾ ਨੂੰ ਨੌਮੀਨੇਸ਼ਨ ਮਿਲੀ ਹੈ। ਇਸ ਦੇ ਨਾਲ ਹੀ ਪੂਨਮ ਪਾਂਡੇ, ਬਬੀਤਾ ਫੋਗਾਟ ਅਤੇ ਪਾਇਲ ਰੋਹਤਗੀ ਵਰਗੀਆਂ ਪ੍ਰਤੀਯੋਗੀਆਂ ਆਪਣੀਆਂ ਹਰਕਤਾਂ ਕਾਰਨ ਲਗਾਤਾਰ ਸੁਰਖੀਆਂ ‘ਚ ਰਹਿੰਦੀਆਂ ਹਨ।
