KGF 2 box office: ਇਕ ਪਾਸੇ ਫਿਲਮਾਂ ਲਈ ਬਾਕਸ ਆਫਿਸ ‘ਤੇ 20-30 ਕਰੋੜ ਦੀ ਕਮਾਈ ਕਰਨਾ ਮੁਸ਼ਕਲ ਹੁੰਦਾ ਜਾ ਰਿਹਾ ਹੈ। ਦੂਜੇ ਪਾਸੇ ਸਾਊਥ ਸੁਪਰਸਟਾਰ ਯਸ਼ ਦੀ ਫਿਲਮ KGF 2 ਨਾਨਸਟਾਪ ਕਮਾਈ ਕਰਕੇ ਸਾਰੇ ਰਿਕਾਰਡ ਤੋੜ ਰਹੀ ਹੈ। ਯਸ਼ ਦੀ ਫਿਲਮ ਨੇ ਤੀਜੇ ਹਫਤੇ ‘ਚ ਨਵਾਂ ਮਾਪਦੰਡ ਤੈਅ ਕੀਤਾ ਹੈ। ਯਸ਼ ਦੇ ਪ੍ਰਸ਼ੰਸਕਾਂ ਨੂੰ ਇਹ ਜਾਣ ਕੇ ਬਹੁਤ ਖੁਸ਼ੀ ਹੋਵੇਗੀ ਕਿ KGF 2 ਦਾ ਹਿੰਦੀ ਸੰਸਕਰਣ ਆਖਰਕਾਰ 350 ਕਰੋੜ ਦਾ ਅੰਕੜਾ ਪਾਰ ਕਰ ਗਿਆ ਹੈ।
ਇੰਨਾ ਹੀ ਨਹੀਂ KGF 2 ਨੇ 1000 ਕਰੋੜ ਕਲੈਕਸ਼ਨ ਨੂੰ ਪਾਰ ਕਰਕੇ ਦੁਨੀਆ ਭਰ ਦੇ ਬਾਕਸ ਆਫਿਸ ‘ਤੇ ਨਵਾਂ ਰਿਕਾਰਡ ਬਣਾਇਆ ਹੈ। KGF 2 ਨੇ ਇੱਕ ਵਾਰ ਫਿਰ ਦੁਨੀਆ ਭਰ ਵਿੱਚ 1000 ਕਰੋੜ ਅਤੇ ਹਿੰਦੀ ਭਾਸ਼ਾ ਵਿੱਚ 350 ਕਰੋੜ ਇਕੱਠੇ ਕਰਕੇ ਆਪਣੀ ਤਾਕਤ ਦਿਖਾਈ ਹੈ। ਵਪਾਰ ਵਿਸ਼ਲੇਸ਼ਕ ਤਰਨ ਆਦਰਸ਼ ਨੇ KGF 2 ਦੇ ਹਿੰਦੀ ਸੰਸਕਰਣ ਦੀ ਕਮਾਈ ਦੇ ਅੰਕੜੇ ਸਾਂਝੇ ਕੀਤੇ ਹਨ। ਜਿਸ ਦੇ ਅਨੁਸਾਰ, ਸਿਨੇਮਾਘਰਾਂ ਵਿੱਚ ਨਵੀਆਂ ਫਿਲਮਾਂ ਦੇ ਰਿਲੀਜ਼ ਹੋਣ ਦੇ ਬਾਵਜੂਦ, ਕੇਜੀਐਫ 2 ਦੀ ਬਾਦਸ਼ਾਹਤ ਬਰਕਰਾਰ ਹੈ। ਕੋਈ ਵੀ ਵੱਡੀ ਰਿਲੀਜ਼ ਇਸ ਫਿਲਮ ਨੂੰ ਹਿਲਾ ਨਹੀਂ ਸਕੀ।
ਰਨਵੇਅ 34 ਅਤੇ ਹੀਰੋਪੰਤੀ 2 ਨਾਲ ਟਕਰਾਅ ਨੇ ਯਸ਼ ਦੀ ਫਿਲਮ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਾਇਆ ਹੈ। ਇਸ ਦੇ ਉਲਟ ਯਸ਼ ਦੀ ਫਿਲਮ ਨੇ ਇਨ੍ਹਾਂ ਦੋਹਾਂ ਫਿਲਮਾਂ ਦੀ ਕਮਾਈ ‘ਤੇ ਖੋਰਾ ਲਾਇਆ ਹੈ। ਹੈਰਾਨੀਜਨਕ ਗੱਲ ਇਹ ਹੈ ਕਿ ਤੀਜੇ ਹਫਤੇ ਵੀ KGF 2 ਨੂੰ ਲੈ ਕੇ ਕਾਫੀ ਟ੍ਰੈਂਡ ਦੇਖਣ ਨੂੰ ਮਿਲ ਰਿਹਾ ਹੈ। ਵੀਕੈਂਡ ‘ਚ ਫਿਲਮ ਦਾ ਕਲੈਕਸ਼ਨ ਹੋਰ ਵਧ ਸਕਦਾ ਹੈ। ਯਸ਼ ਦੀ ਫਿਲਮ ਨੂੰ ਈਦ ਦੀਆਂ ਛੁੱਟੀਆਂ ਦਾ ਫਾਇਦਾ ਮਿਲੇਗਾ। ਸ਼ੁੱਕਰਵਾਰ ਤੱਕ ਤੀਜੇ ਹਫ਼ਤੇ ਵਿੱਚ, ਫਿਲਮ ਨੇ ਭਾਰਤ ਵਿੱਚ 353.6 ਕਰੋੜ (ਹਿੰਦੀ ਸੰਸਕਰਣ) ਦੀ ਕਮਾਈ ਕੀਤੀ।
