KRK Tweets On Gadar2: ਕਮਲ ਆਰ ਖਾਨ ਉਰਫ ਕੇਆਰਕੇ ਅਕਸਰ ਫਿਲਮਾਂ ਦੀ ਸਮੀਖਿਆ ਕਰਦੇ ਹਨ ਅਤੇ ਉਨ੍ਹਾਂ ਦੀਆਂ ਸਮੀਖਿਆਵਾਂ ਨੂੰ ਲੈ ਕੇ ਕਾਫੀ ਹੰਗਾਮਾ ਹੁੰਦਾ ਹੈ। ਕੇਆਰਕੇ ਫਿਲਮ ਇੰਡਸਟਰੀ ਬਾਰੇ ਗੱਲ ਕਰਨ ਤੋਂ ਨਹੀਂ ਝਿਜਕਦੇ ਹਨ। ਜੋ ਕੁਝ ਉਹਨਾਂ ਦੇ ਮਨ ਵਿੱਚ ਹੈ, ਉਹੀ ਉਹਨਾਂ ਦੀ ਜ਼ੁਬਾਨ ਉੱਤੇ ਹੈ। ਹਾਲਾਂਕਿ ਇਸ ਵਜ੍ਹਾ ਨਾਲ ਉਹ ਵਿਵਾਦਾਂ ‘ਚ ਵੀ ਆ ਜਾਂਦੇ ਹਨ।
![KRK Tweets On Gadar2](https://dailypost.in/wp-content/uploads/2023/06/image-780-1024x576.png)
ਹੁਣ ਉਨ੍ਹਾਂ ਨੇ ਸੰਨੀ ਦਿਓਲ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ ਗਦਰ 2 ‘ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਕਪਿਲ ਸ਼ਰਮਾ ਸ਼ੋਅ ਨੂੰ ਲੈ ਕੇ ਵੀ ਬਿਆਨ ਦਿੱਤਾ ਹੈ। ਕੇਆਰਕੇ ਨੇ ਟਵੀਟ ਕਰਕੇ ਲਿਖਿਆ, ‘ਅੱਜ ਗਦਰ 2 ਦੀ ਟੀਮ ਦ ਕਪਿਲ ਸ਼ਰਮਾ ਸ਼ੋਅ ਦੀ ਸ਼ੂਟਿੰਗ ਕਰ ਰਹੀ ਹੈ। ਗੀ ਭੈਂਸ ਪਾਣੀ ਮੈਂ, ਹੁਣ ਇਸ ਫਿਲਮ ਨੂੰ BlockDuster ਬਣਨ ਤੋਂ ਕੋਈ ਨਹੀਂ ਰੋਕ ਸਕਦਾ।’ ਇਕ ਹੋਰ ਟਵੀਟ ‘ਚ ਲਿਖਿਆ, ‘ਮੈਂ ਦੁਹਰਾ ਰਿਹਾ ਹਾਂ ਕਿ ਜੇਕਰ ਕਪਿਲ ਸ਼ਰਮਾ ਦੇ ਸ਼ੋਅ ‘ਚ ਕਿਸੇ ਵੀ ਫਿਲਮ ਦਾ ਪ੍ਰਮੋਸ਼ਨ ਕੀਤਾ ਗਿਆ ਤਾਂ ਉਹ ਬਿਲਕੁੱਲ ਫਲਾਪ ਹੋਵੇਗੀ। ਕਾਰਨ ਬਹੁਤ ਸਾਦਾ ਹੈ, ਜੇਕਰ ਲੋਕ ਕਪਿਲ ਦੀ ਖ਼ਾਤਰ ਕਪਿਲ ਦੀ ਫ਼ਿਲਮ ਨਹੀਂ ਦੇਖਦੇ ਤਾਂ ਕਪਿਲ ਦੀ ਖ਼ਾਤਰ ਕੋਈ ਹੋਰ ਫ਼ਿਲਮ ਕਿਉਂ ਦੇਖਣਗੇ। ਫਿਲਮਾਂ ਲਈ ਕਪਿਲ ਸਭ ਤੋਂ ਚੁਸਤ ਇਨਸਾਨ ਹਨ।
ਗਦਰ 2 ਦੀ ਗੱਲ ਕਰੀਏ ਤਾਂ ਇਹ 2001 ਵਿੱਚ ਆਈ ਫਿਲਮ ਗਦਰ: ਏਕ ਪ੍ਰੇਮ ਕਥਾ ਦਾ ਸੀਕਵਲ ਹੈ। ਇਸ ਫਿਲਮ ‘ਚ ਅਮੀਸ਼ਾ ਪਟੇਲ ਅਤੇ ਸੰਨੀ ਦਿਓਲ ਵਰਗੇ ਸਿਤਾਰੇ ਵੀ ਹਨ। ਫਿਲਮ ‘ਚ ਉਤਕਰਸ਼ ਸ਼ਰਮਾ ਵੀ ਅਹਿਮ ਭੂਮਿਕਾ ‘ਚ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਅਨਿਲ ਸ਼ਰਮਾ ਨੇ ਕੀਤਾ ਹੈ। ਫਿਲਮ ਦਾ ਟੀਜ਼ਰ ਰਿਲੀਜ਼ ਹੋ ਗਿਆ ਹੈ। ਟੀਜ਼ਰ ਨੂੰ ਪ੍ਰਸ਼ੰਸਕਾਂ ਨੇ ਕਾਫੀ ਚੰਗਾ ਰਿਸਪਾਂਸ ਦਿੱਤਾ ਹੈ।