sargun nimrat funny video shoot :ਪੰਜਾਬੀ ਫ਼ਿਲਮੀ ਜਗਤ ਦੀ ਖ਼ੂਬਸੂਰਤ ਅਦਾਕਾਰਾ ਸਰਗੁਣ ਮਹਿਤਾ ਜਿਨ੍ਹਾਂ ਨੂੰ ਆਪਣੇ ਚੁਲਬੁਲੇ ਤੇ ਮਸਤੀ ਵਾਲੇ ਸੁਭਾਅ ਕਰਕੇ ਵੀ ਜਾਣਿਆ ਜਾਂਦਾ ਹੈ । ਉਹ ਸੋਸ਼ਲ ਮੀਡੀਆ ਉੱਤੇ ਕਾਫੀ ਐਕਟਿਵ ਰਹਿੰਦੇ ਹਨ । ਉਨ੍ਹਾਂ ਦਾ ਨਵਾਂ ਵੀਡੀਓ ਖੂਬ ਸੁਰਖ਼ੀਆਂ ਵਟੋਰ ਰਿਹਾ ਹੈ ।ਜੀ ਹਾਂ ਸਰਗੁਣ ਮਹਿਤਾ ਨੇ ਕੁਝ ਸਮਾਂ ਪਹਿਲਾਂ ਹੀ ਆਪਣਾ ਨਵਾਂ ਵੀਡੀਓ ਪ੍ਰਸ਼ੰਸਕਾਂ ਦੇ ਨਾਲ ਸਾਂਝਾ ਕੀਤਾ ਹੈ । ਇਸ ਵੀਡੀਓ ‘ਚ ਉਹ ਨਿਮਰਤ ਖਹਿਰਾ ਦੇ ਨਾਲ ਨਜ਼ਰ ਆ ਰਹੇ ਨੇ।ਇਸ ਵੀਡੀਓ ‘ਚ ਉਹ ਪਿੰਡਾਂ ਵਾਲੀ ਬੁੱਢੀਆਂ ਵਾਂਗ ਗਾਉਂਦੀਆਂ ਹੋਈ ਨਜ਼ਰ ਆ ਰਹੀਆਂ ਨੇ । ਦੋਵੇਂ ਜਣੀਆਂ ਦਿਲਜੀਤ ਦੋਸਾਂਝ ਦਾ ਨਵਾਂ ਗੀਤ ‘Born To Shine’ ਤੇ ਵੱਖਰੇ ਢੰਗ ਦੇ ਨਾਲ ਗਾਉਂਦੀਆਂ ਹੋਈਆਂ ਦਿਖਾਈ ਦੇ ਰਹੀਆਂ ਨੇ । ਦਰਸ਼ਕਾਂ ਨੂੰ ਦੋਵੇਂ ਹੀਰੋਇਨਾਂ ਦਾ ਇਹ ਗਿੱਧੇ ਵਾਲੇ ਅੰਦਾਜ਼ ‘ਚ ਗਾਉਣਾ ਖੂਬ ਪਸੰਦ ਆ ਰਿਹਾ ਹੈ । ਜਿਸ ਕਰਕੇ ਕੁਝ ਹੀ ਸਮੇਂ ‘ਚ ਪੰਜ ਲੱਖ ਤੋਂ ਵੱਧ ਵਿਊਜ਼ ਇਸ ਵੀਡੀਓ ਉੱਤੇ ਆ ਚੁੱਕੇ ਹਨ ।
ਸਰਗੁਣ ਮਹਿਤਾ ਨੇ ਇਸ ਵੀਡੀਓ ਨੂੰ ਪੋਸਟ ਕਰਦੇ ਹੋਏ ਬਹੁਤ ਹੀ ਫਨੀ ਕੈਪਸ਼ਨ ਦਿੱਤੀ ਹੈ । ਉਨ੍ਹਾਂ ਨੇ ਲਿਖਿਆ ਹੈ ਕਿ ਲੇਡੀ ਸੰਗੀਤ, ਵਿਆਹ, ਬਰਥਡੇਅ ਪਾਰਟੀਆਂ, ਜਾਗੋ, ਸਿਲਵਰ ਜੁਬਲੀ, ਰਿਟਾਇਰਮੈਂਟ ਪਾਰਟੀ,ਡਿਵੋਰਸ ਪਾਰਟੀ ਆਦਿ ਲਈ ਬੁੱਕ ਕਰਨ ਲਈ contact ਕਰੋ ਸਾਨੂੰ #saunkansaunkne ‘ਤੇ’।ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਫੈਨਜ਼ ਨੂੰ ਕਮੈਂਟਸ ਕਰਕੇ ਆਪਣੇ ਪਸੰਦੀਦਾ ਗੀਤ ਦੱਸਣ ਦੇ ਲਈ ਕਿਹਾ ਹੈ ਜਿਸ ਉੱਤੇ ਇਸ ਸਟਾਈਲ ‘ਚ ਵੀਡੀਓ ਬਨਾਉਣ ਦੀ ਕੋਸ਼ਿਸ ਕਰਨਗੇ । ਇਹ ਦੋਵੇਂ ਐਕਟਰੈੱਸ ਐਮੀ ਵਿਰਕ ਦੇ ਨਾਲ ਪੰਜਾਬੀ ਫ਼ਿਲਮ ‘ਸੌਂਕਣ ਸੌਂਕਣੇ’ ‘ਚ ਦੇਖਣ ਨੂੰ ਮਿਲਣਗੀਆਂ । ਇਹ ਫ਼ਿਲਮ ਅਗਲੇ ਸਾਲ ਸਿਨੇਮਾ ਘਰਾਂ ਦਾ ਸ਼ਿੰਗਾਰ ਬਣੇਗੀ । ਇਸ ਤੋਂ ਪਹਿਲਾਂ ਸਰਗੁਨ ਮਹਿਤਾ ਨੇ ਐਮੀ ਵਿਰਕ ਅਤੇ ਨਿਮਰਤ ਖਹਿਰਾ ਦੇ ਨਾਲ ਦੋ ਤਸਵੀਰਾਂ ਸਾਂਝੀਆਂ ਕੀਤੀਆਂ ਸਨ । ਇਨ੍ਹਾਂ ਤਸਵੀਰਾਂ ‘ਚ ਐਮੀ ਵਿਰਕ ਬੈਠੇ ਕੱਦੂ ਛਿੱਲ ਰਹੇ ਨੇ ਜਦੋਂਕਿ ਸਰਗੁਨ ਅਤੇ ਨਿਮਰਤ ਖਹਿਰਾ ਦੋਵੇਂ ਜਣੀਆਂ ਸਟਾਰਬੱਕ ਹੱਥ ‘ਚ ਫੜੀ ਨਜ਼ਰ ਆ ਰਹੀਆਂ ਸਨ । ਇਨ੍ਹਾਂ ਤਸਵੀਰਾਂ ਨੂੰ ਸਾਂਝੇ ਕਰਦੇ ਹੋਏ ਸਰਗੁਨ ਮਹਿਤਾ ਨੇ ਲਿਖਿਆ ਕਿ’ਮੁੰਡਿਆਂ ਦੇ ਹੱਥ ‘ਚ ਸਟਾਰਬੱਕ ਫੱਬਦਾ, ਤੇ ਮੁੰਡਿਆਂ ਦੇ ਹੱਥ ‘ਚ ਕੱਦੂ’।ਇਸ ਤਸਵੀਰ ‘ਚ ਐਮੀ ਵਿਰਕ ਮੂੰਹ ਬਣਾਈ ਬੈਠੇ ਨੇ । ਜਦੋਂਕਿ ਨਿਮਰਤ ਅਤੇ ਸਰਗੁਨ ਦੋਵੇਂ ਹੱਸ ਰਹੀਆਂ ਸਨ ।
