ShahRukh Salman Al Turki: ਬਾਲੀਵੁੱਡ ਦੇ ‘ਪਠਾਨ’ ਸ਼ਾਹਰੁਖ ਖਾਨ ਦੇ ਸਟਾਈਲ ਦਾ ਹਰ ਕੋਈ ਫੈਨ ਹੈ। ਹਾਲ ਹੀ ‘ਚ ਕਈ ਮਸ਼ਹੂਰ ਹਸਤੀਆਂ ਅਦਾਕਾਰ ਦੇ ਮੰਨਤ ‘ਚ ਇਕੱਠੇ ਪਹੁੰਚੀਆਂ ਅਤੇ ਆਪਣੀ ਮੌਜੂਦਗੀ ਨਾਲ ਖਾਸ ਜਲਵਾ ਬਿਖੇਰਿਆ।
.jpg?PnUm5vQEd59QXtp5P4XG4oIQqQM14TcC&size=1200:675)
ਬੀਟਾਊਨ ਦੇ ਵੱਡੇ ਸੁਪਰਸਟਾਰ ਸਲਮਾਨ ਖਾਨ, ਅਕਸ਼ੇ ਕੁਮਾਰ ਅਤੇ ਸੈਫ ਅਲੀ ਖਾਨ ਤੋਂ ਇਲਾਵਾ ਕੁਝ ਖਾਸ ਮਹਿਮਾਨ ਵੀ ਅਦਾਕਾਰ ਦੇ ਘਰ ਪਹੁੰਚੇ, ਜਿਨ੍ਹਾਂ ਨਾਲ ਬਾਲੀਵੁੱਡ ਸਿਤਾਰਿਆਂ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀਆਂ ਹਨ। ਦਰਅਸਲ, ਸਾਊਦੀ ਅਰਬ ਰੈੱਡ ਸੀ ਫਿਲਮ ਫੈਸਟੀਵਲ ਦੇ ਚੇਅਰਮੈਨ Mohammed Al Turki ਅਤੇ ਹੋਰ ਕਈ ਮਹਿਮਾਨਾਂ ਦਾ ਸ਼ਾਹਰੁਖ ਖਾਨ ਨੇ ਜ਼ੋਰ ਸ਼ੋਰ ਨਾਲ ਸਵਾਗਤ ਕੀਤਾ। Al Turki ਨੇ ਆਪਣੇ ਸੋਸ਼ਲ ਮੀਡੀਆ ਹੈਂਡਲ ‘ਤੇ ਸ਼ਾਹਰੁਖ ਖਾਨ ਨਾਲ ਆਪਣੀ ਫੋਟੋ ਵੀ ਸ਼ੇਅਰ ਕੀਤੀ ਹੈ, ਜਿਸ ‘ਚ ਦੋਵੇਂ ਕੈਮਰੇ ਵੱਲ ਦੇਖ ਕੇ ਮੁਸਕਰਾਉਂਦੇ ਨਜ਼ਰ ਆ ਰਹੇ ਹਨ। ਫੋਟੋ ਸ਼ੇਅਰ ਕਰਦੇ ਹੋਏ Al Turki ਨੇ ਪ੍ਰਸ਼ੰਸਕਾਂ ਨੂੰ ਰਮਜ਼ਾਨ ਦੀ ਵਧਾਈ ਵੀ ਦਿੱਤੀ ਹੈ। ਉਨ੍ਹਾਂ ਨੇ ਲਿਖਿਆ- ਮੇਰੇ ਭਰਾ ਸ਼ਾਹਰੁਖ ਖਾਨ ਦੇ ਨਾਲ ਭਾਰਤ ਤੋਂ ਰਮਜ਼ਾਨ ਮੁਬਾਰਕ।
ਸਾਊਦੀ ਅਰਬ ਦੇ ਸੱਭਿਆਚਾਰਕ ਮੰਤਰੀ ਬਦਰ ਬਿਨ ਫਰਹਾਨ ਅਸਲੌਦ ਨੇ ਵੀ ਆਪਣੇ ਇੰਸਟਾ ਹੈਂਡਲ ‘ਤੇ ਬਾਲੀਵੁੱਡ ਸੁਪਰਸਟਾਰਾਂ ਨਾਲ ਮੁਲਾਕਾਤ ਦੇ ਖਾਸ ਪਲ ਸਾਂਝੇ ਕੀਤੇ ਹਨ। ਮੰਤਰੀ ਨੇ ਸ਼ਾਹਰੁਖ ਖਾਨ, ਅਕਸ਼ੇ ਕੁਮਾਰ, ਸੈਫ ਅਲੀ ਖਾਨ ਅਤੇ ਸਲਮਾਨ ਖਾਨ ਨਾਲ ਆਪਣੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਤਸਵੀਰਾਂ ‘ਚ ਹਰ ਕੋਈ ਇਕ-ਦੂਜੇ ਨਾਲ ਖਾਸ ਸਮਾਂ ਬਿਤਾਉਂਦੇ ਨਜ਼ਰ ਆ ਰਹੇ ਹਨ। ਸਾਊਦੀ ਅਰਬ ਦੇ ਮੰਤਰੀਆਂ ਨਾਲ ਬਾਲੀਵੁੱਡ ਸੁਪਰਸਟਾਰ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ‘ਤੇ ਵਾਇਰਲ ਹੋ ਰਹੀਆਂ ਹਨ।
ਦੂਜੇ ਪਾਸੇ ਸ਼ਾਹਰੁਖ ਖਾਨ ਦੀ ਗੱਲ ਕਰੀਏ ਤਾਂ ਅਦਾਕਾਰ ਹਾਲ ਹੀ ‘ਚ ਆਪਣੀ ਫਿਲਮ ‘ਪਠਾਨ’ ਦੀ ਸ਼ੂਟਿੰਗ ਪੂਰੀ ਕਰਕੇ ਸਪੇਨ ਤੋਂ ਪਰਤੇ ਹਨ। ਸ਼ਾਹਰੁਖ ਦੀ ਇਹ ਬਹੁਤ ਹੀ ਉਡੀਕੀ ਜਾ ਰਹੀ ਫਿਲਮ ਅਗਲੇ ਸਾਲ ਜਨਵਰੀ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਇਸ ਫਿਲਮ ‘ਚ ਸ਼ਾਹਰੁਖ ਦੇ ਨਾਲ-ਨਾਲ ਦੀਪਿਕਾ ਪਾਦੁਕੋਣ ਅਤੇ ਜਾਨ ਅਬ੍ਰਾਹਮ ਵੀ ਅਹਿਮ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ।
