Sunny deol son debut: ਦਿਓਲ ਪਰਿਵਾਰ ਦਾ ਇਕ ਨਵਾਂ ਸਿਤਾਰਾ, ਜਿਸ ਦੀ ਹਿੰਦੀ ਸਿਨੇਮਾ ਵਿਚ ਇਕ ਖ਼ਾਸ ਜਗ੍ਹਾ ਹੈ, ਹੁਣ ਬਾਲੀਵੁੱਡ ਵਿਚ ਚਮਕਣ ਲਈ ਤਿਆਰ ਹੈ। ਇਹ ਸੰਨੀ ਦਿਓਲ ਦਾ ਛੋਟਾ ਬੇਟਾ ਰਾਜਵੀਰ ਦਿਓਲ ਹੈ, ਜੋ ਆਪਣੀ ਫਿਲਮ ਦੀ ਪਾਰੀ ਦੀ ਸ਼ੁਰੂਆਤ ਕਰਨ ਜਾ ਰਿਹਾ ਹੈ। ਦਿੱਗਜ ਅਦਾਕਾਰ ਧਰਮਿੰਦਰ ਨੇ ਸੋਸ਼ਲ ਮੀਡੀਆ ਰਾਹੀਂ ਆਪਣੇ ਪੋਤੇ ਦੀ ਬਾਲੀਵੁੱਡ ਡੈਬਿਉ ਕਰਨ ਦਾ ਐਲਾਨ ਕੀਤਾ। ਦਿਓਲ ਪਰਿਵਾਰ ਨੇ ਰਾਜਵੀਰ ਦੀ ਸ਼ੁਰੂਆਤ ਲਈ ਉਨ੍ਹਾਂ ਦੀ ਪੁਰਾਣੀ ਪਰੰਪਰਾ ਨੂੰ ਤੋੜ ਦਿੱਤਾ ਹੈ।
ਰਾਜਸ਼੍ਰੀ ਫਿਲਮਜ਼ ਦਾ ਬੈਨਰ, ਜਿਸਨੇ ਭਾਰਤੀ ਫਿਲਮ ਇੰਡਸਟਰੀ ਵਿੱਚ ਕਈ ਸਫਲ ਅਤੇ ਯਾਦਗਾਰੀ ਫਿਲਮਾਂ ਦਿੱਤੀਆਂ ਹਨ, ਰਾਜਵੀਰ ਨੂੰ ਬਾਲੀਵੁੱਡ ਵਿੱਚ ਲਾਂਚ ਕਰ ਰਹੇ ਹਨ। ਇਹ ਇਕ ਪ੍ਰੇਮ ਕਹਾਣੀ ਹੋਵੇਗੀ। ਖਾਸ ਗੱਲ ਇਹ ਹੈ ਕਿ ਅਵਿਨਾਸ਼ ਬਰਜਾਤੀਆ ਵੀ ਇਸ ਫਿਲਮ ਵਿੱਚ ਬਾਲੀਵੁੱਡ ਵਿੱਚ ਡਾਇਰੈਕਟਰ ਪਾਰੀ ਦੀ ਸ਼ੁਰੂਆਤ ਕਰ ਰਹੇ ਹਨ। ਅਵਿਨਾਸ਼ ਸੂਰਜ ਬਰਜਾਤੀਆ ਦਾ ਛੋਟਾ ਪੁੱਤਰ ਹੈ। ਧਰਮਿੰਦਰ ਨੇ ਸੋਸ਼ਲ ਮੀਡੀਆ ‘ਤੇ ਰਾਜਵੀਰ ਦੀ ਤਸਵੀਰ ਨਾਲ ਇਹ ਖਬਰ ਸਾਂਝੀ ਕਰਦਿਆਂ ਲਿਖਿਆ- ਆਪਣੇ ਪੋਤੇ ਰਾਜਵੀਰ ਦਿਓਲ ਨੂੰ ਸਿਨੇਮਾ ਦੀ ਦੁਨੀਆ ਨਾਲ ਪੇਸ਼ ਕਰਦਿਆਂ ਡੈਬਿਉ ਡਾਇਰੈਕਟਰ ਅਵਿਨਾਸ਼ ਬਰਜਾਤੀਆ। ਆਪ ਸਭ ਨੂੰ ਨਿਮਰ ਪ੍ਰਾਰਥਨਾ ਹੈ ਕਿ ਤੁਸੀਂ ਇਨ੍ਹਾਂ ਦੋਵਾਂ ਬੱਚਿਆਂ ਪ੍ਰਤੀ ਆਪਣਾ ਪਿਆਰ ਦਿਓ। ਸ਼ੁੱਭਕਾਮਨਾਵਾਂ ਅਤੇ ਅਸ਼ੀਰਵਾਦ।
ਬੇਟੇ ਦੀ ਛੋਟੀ ਡੈਬਿਇ ਤੋਂ ਉਤਸ਼ਾਹਿਤ ਸੰਨੀ ਦਿਓਲ ਨੇ ਟਵੀਟ ਕੀਤਾ- ਮੇਰਾ ਬੇਟਾ ਰਾਜਵੀਰ ਬਤੌਰ ਅਦਾਕਾਰ ਆਪਣੀ ਕਰੀਅਰ ਦੀ ਸ਼ੁਰੂਆਤ ਕਰ ਰਿਹਾ ਹੈ। ਰਾਜਸ਼੍ਰੀ ਪ੍ਰੋਡਕਸ਼ਨਜ਼ ਨੇ ਰਾਜਵੀਰ ਦਿਓਲ ਅਤੇ ਅਵਿਨਾਸ਼ ਬਰਜਾਤੀਆ ਨਾਲ ਇੱਕ ਆਧੁਨਿਕ ਪ੍ਰੇਮ ਕਹਾਣੀ ਦਾ ਐਲਾਨ ਕੀਤਾ ਹੈ। ਇਕ ਖੂਬਸੂਰਤ ਯਾਤਰਾ ਸ਼ੁਰੂ ਹੋਣ ਵਾਲੀ ਹੈ।
