vicky kaushal katrina kaif: ਬਾਲੀਵੁੱਡ ਅਦਾਕਾਰ ਵਿੱਕੀ ਕੌਸ਼ਲ ਅਤੇ ਅਦਾਕਾਰਾ ਕੈਟਰੀਨਾ ਕੈਫ ਪਿਛਲੇ ਕਈ ਮਹੀਨਿਆਂ ਤੋਂ ਆਪਣੇ ਰਿਸ਼ਤੇ ਨੂੰ ਲੈ ਕੇ ਚਰਚਾ ਵਿਚ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਵਿਚਾਲੇ ਇਕ ਅਫੇਅਰ ਚੱਲ ਰਿਹਾ ਹੈ।
ਦੋਵੇਂ ਅਕਸਰ ਕਈ ਵਾਰ ਇਕੱਠੇ ਨਜ਼ਰ ਆਉਂਦੇ ਰਹੇ ਹਨ। ਹਾਲਾਂਕਿ ਦੋਵਾਂ ਨੇ ਅਧਿਕਾਰਤ ਤੌਰ ‘ਤੇ ਇਸ ਦੀ ਪੁਸ਼ਟੀ ਨਹੀਂ ਕੀਤੀ ਹੈ। ਇਸ ਦੌਰਾਨ ਦੋਵਾਂ ਦਾ ਇਕ ਪੁਰਾਣਾ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਇਕ ਵਾਰ ਫਿਰ ਵਾਇਰਲ ਹੋ ਰਿਹਾ ਹੈ।
ਇਹ ਵਾਇਰਲ ਵੀਡੀਓ ਇੱਕ ਐਵਾਰਡ ਸ਼ੋਅ ਦੌਰਾਨ ਦੀ ਹੈ। ਇਸ ਵੀਡੀਓ ਵਿੱਚ ਵਿੱਕੀ ਕੌਸ਼ਲ ਕੈਟਰੀਨਾ ਨਾਲ ਫਲਰਟ ਕਰਦੇ ਦਿਖਾਈ ਦੇ ਰਹੇ ਹਨ। ਵਿੱਕੀ ਅਤੇ ਕੈਟਰੀਨਾ ਸਟੇਜ ‘ਤੇ ਹਨ, ਜਦਕਿ ਸਲਮਾਨ ਖਾਨ ਸਣੇ ਹੋਰ ਸਲੇਬ੍ਰਿਟੀਜ਼ ਦਰਸ਼ਕਾਂ ਦੇ ਸਾਹਮਣੇ ਬੈਠੇ ਹਨ। ਇਸ ਵਾਇਰਲ ਵੀਡੀਓ ਵਿੱਚ ਵੇਖਿਆ ਜਾ ਸਕਦਾ ਹੈ ਕਿ ਵਿੱਕੀ ਕੌਸ਼ਲ ਕੈਟਰੀਨਾ ਨਾਲ ਵਿਆਹ ਕਰਾਉਣ ਬਾਰੇ ਬੋਲਦਾ ਹੈ ਅਤੇ ਕੈਟਰੀਨਾ ਉਸ ਦਾ ਜਵਾਬ ਦਿੰਦੀ ਹੈ। ਇਸ ਦੌਰਾਨ ਸਲਮਾਨ ਖਾਨ ਦੇ ਪ੍ਰਤੀਕਰਮ ਦੇਖਣ ਯੋਗ ਸਨ।
ਦਰਸ਼ਕਾਂ ਵਿਚ ਬੈਠਾ ਸਲਮਾਨ ਖਾਨ ਦੋਵਾਂ ਦੀਆਂ ਗੱਲਾਂ ਸੁਣ ਕੇ ਹੈਰਾਨ ਹੈ। ਵਿੱਕੀ ਅੱਗੇ ਕਹਿੰਦਾ ਹੈ ਕਿ ਵਿਆਹਾਂ ਦਾ ਸੀਜ਼ਨ ਚੱਲ ਰਿਹਾ ਹੈ, ਇਸ ਲਈ ਮੈਂ ਪੁੱਛ ਰਿਹਾ ਹਾਂ। ਫਿਰ ਵਿੱਕੀ ਕੌਸ਼ਲ ਨੇ ਕਿਹਾ, “ਮੁਝਸੇ ਸ਼ਾਦੀ ਕਰੋਗੀ।” ਇਹ ਦੇਖ ਕੇ ਸਲਮਾਨ ਖਾਨ ਆਪਣੀ ਭੈਣ ਅਰਪਿਤਾ ਦੇ ਮੋਢੇ ‘ਤੇ ਸਿਰ ਰੱਖ ਕੇ ਸੌਣ ਦਾ ਦਿਖਾਵਾ ਕਰਦਾ ਹੈ। ਇਸ ਤੇ ,ਕੈਟਰੀਨਾ ਕੈਫ ਨੇ ਜਵਾਬ ਦਿੱਤਾ, “ਹਿੰਮਤ ਨਾ ਕਰੋ।” ਕੈਟਰੀਨਾ ਦਾ ਇਹ ਜਵਾਬ ਸੁਣਦਿਆਂ ਹੀ ਸਲਮਾਨ ਖਾਨ ਤੁਰੰਤ ਉਠ ਖੜ੍ਹੇ ਹੋ ਗਏ ਅਤੇ ਦੋਵਾਂ ਨੂੰ ਧਿਆਨ ਨਾਲ ਵੇਖਦੇ ਹੋਏ ਮੁਸਕਰਾਉਣ ਲੱਗੇ।
