ਗੁਜਰਾਤ ਦੇ ਸੂਰਤ ਸ਼ਹਿਰ ‘ਚ ਪੰਜ ਦਿਨਾਂ ਦੇ ਨਵਜੰਮੇ ਬੱਚੇ ਨੇ ਆਪਣੇ ਅੰਗ ਦਾਨ ਕਰਕੇ ਤਿੰਨ ਬੱਚਿਆਂ ਨੂੰ ਨਵੀਂ ਜ਼ਿੰਦਗੀ ਦਿੱਤੀ ਹੈ। ਉਸਦਾ ਲੀਵਰ 9 ਮਹੀਨੇ ਦੇ ਬੱਚੇ ਵਿੱਚ ਅਤੇ ਉਸਦੇ ਗੁਰਦੇ 13 ਅਤੇ 15 ਸਾਲ ਦੇ ਬੱਚਿਆਂ ਵਿੱਚ ਟਰਾਂਸਪਲਾਂਟ ਕੀਤੇ ਗਏ ਹਨ। ਇਸ ਬੱਚੇ ਦਾ ਜਨਮ 13 ਅਕਤੂਬਰ ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਹੋਇਆ ਸੀ, ਪਰ ਉਸ ਦੇ ਮਾਪਿਆਂ ਦੀਆਂ ਖੁਸ਼ੀਆਂ ਉਸ ਸਮੇਂ ਗਮ ‘ਚ ਬਦਲ ਗਈਆਂ ਜਦੋਂ ਡਾਕਟਰ ਨੇ ਉਨ੍ਹਾਂ ਨੂੰ ਨਵਜੰਮੇ ਬੱਚੇ ਨੂੰ ਬ੍ਰੇਨ ਡੈੱਡ ਦੱਸਿਆ।
NGO ਜੀਵਨਦੀਪ ਆਰਗਨ ਡੋਨੇਸ਼ਨ ਫਾਊਂਡੇਸ਼ਨ ਦੇ ਮੈਨੇਜਿੰਗ ਟਰੱਸਟੀ ਵਿਪੁਲ ਤਲਵੀਆ ਨੇ ਦੱਸਿਆ ਕਿ ਬੱਚੇ ਦੀ ਹਾਲਤ ਬਾਰੇ ਪਤਾ ਲੱਗਣ ਤੋਂ ਬਾਅਦ ਉਹ ਅਤੇ ਸਰਕਾਰੀ ਨਿਊ ਸਿਵਲ ਹਸਪਤਾਲ ਦੇ ਡਾਕਟਰ ਨੀਲੇਸ਼ ਕਛੜੀਆ ਬੱਚਿਆਂ ਦੇ ਹਸਪਤਾਲ ਪੁੱਜੇ, ਜਿੱਥੇ ਬੱਚੇ ਨੂੰ ਦਾਖਲ ਕਰਵਾਇਆ ਗਿਆ। ਇਸ ਤੋਂ ਬਾਅਦ ਉਸ ਨੇ ਬੱਚੇ ਦੇ ਮਾਤਾ-ਪਿਤਾ ਹਰਸ਼ ਸੰਘਾਣੀ ਅਤੇ ਪਤਨੀ ਚੇਤਨਾ ਬੱਲ ਨੂੰ ਅੰਗ ਦਾਨ ਕਰਨ ਲਈ ਪ੍ਰੇਰਿਤ ਕੀਤਾ। ਇਸ ਕੰਮ ਵਿੱਚ ਬੱਚੇ ਦੀ ਦਾਦੀ ਰਸ਼ਮੀਬੇਨ ਨੇ ਵੀ ਅਹਿਮ ਭੂਮਿਕਾ ਨਿਭਾਈ।
ਹਰਸ਼ ਇੱਕ ਹੀਰਾ ਕਾਰੀਗਰ ਹੈ ਅਤੇ ਅਮਰੇਲੀ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ। ਇਸ ਅਪੀਲ ਤੋਂ ਪ੍ਰਭਾਵਿਤ ਹੋ ਕੇ ਕਿ ਉਹ ਇਸ ਕੰਮ ਲਈ ਰਾਜ਼ੀ ਹੋ ਗਏ ਕਿ ਉਹ ਆਪਣੇ ਮਰੇ ਹੋਏ ਪੁੱਤਰ ਦੇ ਅੰਗ ਦੂਜੇ ਬੱਚਿਆਂ ਨੂੰ ਡੋਨੇਟ ਕਰਕੇ ਉਨ੍ਹਾਂ ਨੂੰ ਨਵੀਂ ਜ਼ਿੰਦਗੀ ਦੇਣਗੇ। ਇਸ ਤੋਂ ਬਾਅਦ ਪੀਪੀ ਸਵਾਨੀ ਹਸਪਤਾਲ ਦੇ ਡਾਕਟਰਾਂ ਨੇ ਬੁੱਧਵਾਰ ਨੂੰ ਬੱਚੇ ਦੇ ਸਰੀਰ ਤੋਂ ਦੋ ਗੁਰਦੇ, ਦੋ ਕੋਰਨੀਆ, ਜਿਗਰ ਤਿੱਲੀ ਕੱਢੇ।
ਇਹ ਵੀ ਪੜ੍ਹੋ : ਲੁਧਿਆਣਾ ‘ਚ ਟਰੱਕ ਨੇ ਸਕੂਟੀ ਸਵਾਰ ਨੂੰ ਕੁ.ਚਲਿਆ, 2 ਬੱਚੀਆਂ ਦਾ ਪਿਤਾ ਸੀ ਮ੍ਰਿ.ਤਕ, ਦੋਸ਼ੀ ਡਰਾਈਵਰ ਕਾਬੂ
ਗੁਜਰਾਤ ਸਟੇਟ ਆਰਗਨ ਐਂਡ ਟਿਸ਼ੂ ਟਰਾਂਸਪਲਾਂਟ ਆਰਗੇਨਾਈਜ਼ੇਸ਼ਨ (SOTTO) ਦੀਆਂ ਹਦਾਇਤਾਂ ਅਨੁਸਾਰ, ਕੋਰਨੀਆ ਸੂਰਤ ਦੇ ਇੱਕ ਅੱਖਾਂ ਦੇ ਬੈਂਕ ਨੂੰ ਦਾਨ ਕੀਤਾ ਗਿਆ ਸੀ, ਜਦੋਂ ਕਿ ਗੁਰਦੇ ਅਤੇ ਤਿੱਲੀ ਨੂੰ ਤੁਰੰਤ ਅਹਿਮਦਾਬਾਦ ਸਥਿਤ ਇੰਸਟੀਚਿਊਟ ਆਫ਼ ਕਿਡਨੀ ਡਿਜ਼ੀਜ਼ ਐਂਡ ਰਿਸਰਚ ਸੈਂਟਰ (IKDRC) ਲਿਜਾਇਆ ਗਿਆ ਸੀ। ਜਿਗਰ ਨੂੰ ਇੰਸਟੀਚਿਊਟ ਆਫ਼ ਲਿਵਰ ਐਂਡ ਬਿਲੀਰੀ ਸਾਇੰਸਜ਼ (ILBC), ਨਵੀਂ ਦਿੱਲੀ ਭੇਜਿਆ ਗਿਆ ਸੀ।
ਵਿਪੁਲ ਤਲਵੀਆ ਨੇ ਕਿਹਾ ਕਿ ਨਵੀਂ ਦਿੱਲੀ ਵਿੱਚ 9 ਮਹੀਨੇ ਦੇ ਬੱਚੇ ਵਿੱਚ ਜਿਗਰ ਦਾ ਸਫਲਤਾਪੂਰਵਕ ਟ੍ਰਾਂਸਪਲਾਂਟ ਕੀਤਾ ਗਿਆ ਹੈ। ਇਸ ਦੌਰਾਨ IKDRC ਦੇ ਡਾਇਰੈਕਟਰ ਡਾਕਟਰ ਵਿਨੀਤ ਮਿਸ਼ਰਾ ਨੇ ਵੀਰਵਾਰ ਨੂੰ ਪੁਸ਼ਟੀ ਕੀਤੀ ਕਿ ਬੱਚੇ ਦੇ ਦੋਵੇਂ ਗੁਰਦਿਆਂ ਨੇ 13 ਸਾਲ ਅਤੇ 15 ਸਾਲ ਦੇ ਦੋ ਬੱਚਿਆਂ ਨੂੰ ਨਵਾਂ ਜੀਵਨ ਦਿੱਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
