ਉੱਤਰ ਪ੍ਰਦੇਸ਼ ਦੇ ਅਯੁੱਧਿਆ ਵਿਚ ਪ੍ਰਭੂ ਸ਼੍ਰੀ ਰਾਮਲੱਲਾ ਦੇ ਮੰਦਰ ਨਿਰਮਾਣ ਦੇ ਬਾਅਦ ਭਗਤਾਂ ਵਿਚ ਬਹੁਤ ਉਤਸ਼ਾਹ ਹੈ। ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਦੇ ਬਾਅਦ ਦੇਸ਼ ਭਰ ਤੋਂ ਗਿਫਟ ਆਉਣ ਦਾ ਸਿਲਸਿਲਾ ਜਾਰੀ ਹੈ। ਭਾਰੀ ਗਿਣਤੀ ਵਿਚ ਸ਼ਰਧਾਲੂ ਰੋਜ਼ਾਨਾ ਪ੍ਰਭੂ ਰਾਮਲੱਲਾ ਦਾ ਦਰਸ਼ਨ ਕਰਨ ਪਹੁੰਚ ਰਹੇ ਹਨ। ਪ੍ਰਭੂ ਰਾਮ ਲੱਲਾ ਦੇ ਮੰਦਰ ਨਿਰਮਾਣ ਦੀ ਖੁਸ਼ੀ ਦੁਨੀਆ ਭਰ ਵਿਚ ਦਿਖ ਰਹੀ ਹੈ।ਇਸ ਨੂੰ ਲੈ ਕੇ ਅਮਰੀਕਾ ਤੋਂ ਵੀ ਪ੍ਰਭੂ ਰਾਮਲੱਲਾ ਲਈ ਵਿਸ਼ੇਸ਼ ਗਿਫਟ ਆਇਆ ਹੈ। ਇਸ ਗਿਫਟ ਤਹਿ ਸੋਨੇ ਨਾਲ ਬਣੇ 12 ਵਾਹਨ ਪ੍ਰਭੂ ਰਾਮਲੱਲਾ ਨੂੰ ਗਿਫਟ ਕੀਤੇ ਗਏ ਹਨ। ਇਸ ਵਿਚ ਗਜ ਵਾਹਨ ਤੋਂ ਲੈ ਕੇ ਗਰੁਣ ਵਾਹਨ ਤੱਕ ਸ਼ਾਮਲ ਹੈ। ਪ੍ਰਭੂ ਰਾਮਲੱਲਾ ਦਾ ਸੋਨੇ ਦਾ ਸਿੰਘਾਸਣ ਵੀ ਭੇਜਿਆ ਗਿਆ ਹੈ।
ਰਾਮਲੱਲਾ ਨੂੰ ਭਗਵਾਨ ਵਿਸ਼ਣੂ ਦੇ ਅਵਤਾਰ ਵਜੋਂ ਮੰਨਿਆ ਜਾਂਦਾ ਹੈ। ਭਗਵਾਨ ਸ਼੍ਰੀ ਹਰਿ ਦੇ ਇਸ ਮਾਨਵ ਅਵਤਾਰ ਵਿਚ ਪ੍ਰਭੂ ਸ਼੍ਰੀਰਾਮ ਨੇ ਮਰਿਆਦਾ ਦੀ ਸੀਮਾ ਦਾ ਨਿਰਧਾਰਨ ਕੀਤਾ। ਉਨ੍ਹਾਂ ਨੂੰ ਮਰਿਆਦਾ ਪੁਰਸ਼ੋਤਮ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਪ੍ਰਭੂ ਰਾਮ ਲੱਲਾ ਨੂੰ ਭੇਜੇ ਗਏ ਵਾਹਨਾਂ ਵਿਚ ਸਾਰਵਭੌਮ ਵਾਹਨ ਵੀ ਸ਼ਾਮਲ ਹੈ। ਕਹਿੰਦੇ ਹਨ ਕਿ ਸ਼ੀਰ ਸਾਗਰ ਇਸੇ ਵਾਹਨ ‘ਤੇ ਲੇਟ ਕੇ ਭਗਵਾਨ ਸ਼੍ਰੀਹਰਿ ਆਪਣੀ ਉਂਗਲੀ ‘ਤੇ ਸੰਸਾਰ ਨੂੰ ਚੁਕੀ ਬੈਠੇ ਹਨ।
ਪ੍ਰਭੂ ਸ਼੍ਰੀਰਾਮਲੱਲਾ ਨੂੰ ਭੇਜੇ ਗਏ ਵਾਹਨਾਂ ਵਿਚ ਕਈ ਹੋਰ ਵਾਹਨਾਂ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ।ਇਸ ਵਿਚ ਭਗਵਾਨ ਵਿਸ਼ਣੂ ਦੀ ਸਵਾਰੀ ਗਰੁੜ ਵੀ ਸ਼ਾਮਲ ਹੈ। ਗਰੁੜ ਨੂੰ ਪਕਸ਼ੀਰਾਜ ਦਾ ਦਰਜਾ ਪ੍ਰਾਪਤ ਹੈ। ਕਿਹਾ ਜਾਂਦਾ ਹੈ ਕਿ ਭਗਵਾਨ ਸ਼੍ਰੀ ਹਰਿ ਦਾ ਵਾਹਨ ਗਰੁਣ ਧਵਨੀ ਤੇ ਪ੍ਰਕਾਸ਼ ਦੀ ਰਫਤਾਰ ਤੋਂ ਵੀ ਤੇਜ਼ ਉਡਾਣ ਭਰ ਸਕਦਾ ਹੈ। ਇਸ ਕਾਰਨ ਭਗਵਾਨ ਵਿਸ਼ਣੂ ਨੇ ਉਨ੍ਹਾਂ ਨੂੰ ਆਪਣੇ ਵਾਹਨ ਵਜੋਂ ਚੁਣਿਆ ਸੀ।
ਇਹ ਵੀ ਪੜ੍ਹੋ : ਫਾਇਰ ਬ੍ਰਿਗੇਡ ਦੇ ਫਿਜ਼ੀਕਲ ਟੈਸਟ ਲਈ CM ਮਾਨ ਦਾ ਵੱਡਾ ਐਲਾਨ-‘ਮੁੰਡੇ-ਕੁੜੀਆਂ ਲਈ ਬਣਾਏ ਜਾਣਗੇ ਵੱਖ-ਵੱਖ ਨਿਯਮ’
ਭਗਵਾਨ ਸ਼੍ਰੀ ਰਾਮ ਲੱਲਾ ਨੂੰ ਭੇਜੇ ਗਏ ਵਾਹਨਾਂ ਵਿੱਚ ਗਜ ਵਾਹਨ, ਵਰਸ਼ਭ ਵਾਹਨ, ਸ਼ੇਸ਼ਨਾਗ ਵਾਹਨ, ਸਿੰਘ ਵਾਹਨ ਆਦਿ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਭਗਵਾਨ ਰਾਮਲਲਾ ਲਈ ਸੁਨਹਿਰੀ ਸਿੰਘਾਸਨ ਅਤੇ ਕਲਪਵ੍ਰਿਕਸ਼ ਵੀ ਭੇਜਿਆ ਗਿਆ ਹੈ। ਕਲਪਵ੍ਰਿਕਸ਼ ਸਵਰਗ ਵਿੱਚ ਪਾਇਆ ਜਾਣ ਵਾਲਾ ਇੱਕ ਰੁੱਖ ਹੈ, ਜੋ ਹਰ ਤਰ੍ਹਾਂ ਦੀਆਂ ਮਨੋਕਾਮਨਾਵਾਂ ਪੂਰੀਆਂ ਕਰਦਾ ਹੈ। ਭਗਵਾਨ ਰਾਮਲਲਾ ਨੂੰ 12 ਵਾਹਨ ਤੋਹਫੇ ਵਜੋਂ ਭੇਟ ਕੀਤੇ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ –
