Puffy Eyes care tips: ਅੱਖਾਂ ਵਿਚ ਸੋਜ ਯਾਨਿ Puffy Eyes ਦੀ ਸਮੱਸਿਆ ਅੱਜ ਕੱਲ ਆਮ ਦੇਖਣ ਨੂੰ ਮਿਲ ਰਹੀ ਹੈ। ਉੱਥੇ ਹੀ ਕਈ ਵਾਰ ਅੱਖਾਂ ‘ਚ ਜਲਣ, ਖੁਜਲੀ ਅਤੇ ਪਾਣੀ ਨਿਕਲਣ ਲੱਗਦਾ ਹੈ। ਲੋਕ ਇਸ ਸਮੱਸਿਆ ਨੂੰ ਹਲਕੇ ‘ਚ ਲੈ ਲੈਂਦੇ ਹਨ, ਪਰ ਜੇ ਇਸ ਦਾ ਸਮੇਂ ਸਿਰ ਇਲਾਜ ਨਾ ਕੀਤਾ ਜਾਵੇ ਤਾਂ ਇਹ ਇੰਫੈਕਸ਼ਨ ਜਾਂ ਕਿਸੇ ਗੰਭੀਰ ਸਮੱਸਿਆ ਦਾ ਕਾਰਨ ਬਣ ਸਕਦਾ ਹੈ। ਧੂੜ-ਮਿੱਟੀ, ਲੰਬੇ ਸਮੇਂ ਤੱਕ ਕੰਮ ਕਰਨਾ, ਗਲਤ ਖਾਣਾ, ਤਣਾਅ ਜਾਂ ਪੂਰੀ ਨੀਂਦ ਨਾ ਲੈਣ ਕਾਰਨ ਤੁਹਾਨੂੰ ਇਸ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਅਜਿਹੀ ਸਥਿਤੀ ਵਿਚ ਅੱਜ ਅਸੀਂ ਤੁਹਾਨੂੰ ਕੁਝ ਘਰੇਲੂ ਨੁਸਖ਼ੇ ਦੱਸਾਂਗੇ, ਜਿਸ ਨਾਲ ਤੁਸੀਂ ਅੱਖਾਂ ਵਿਚ ਸੋਜ, ਜਲਣ ਅਤੇ ਖੁਜਲੀ ਦੀ ਸਮੱਸਿਆ ਤੋਂ ਰਾਹਤ ਪ੍ਰਾਪਤ ਕਰ ਸਕਦੇ ਹੋ।
![Puffy Eyes care tips](https://www.punjabi.dailypost.in/wp-content/uploads/2020/05/22-7.jpg)
ਪਾਣੀ ਨਾਲ ਛਿੱਟੇ ਮਾਰਨਾ: ਜੇਕਰ ਤੁਸੀਂ ਸਵੇਰੇ ਉੱਠਦੇ ਸਾਰ ਹੀ ਅੱਖਾਂ ਵਿਚ ਸੋਜ ਆਉਂਦੀ ਦੇਖਦੇ ਹੋ ਤਾਂ ਸਭ ਤੋਂ ਪਹਿਲਾਂ ਅੱਖਾਂ ਵਿਚ ਠੰਡੇ ਪਾਣੀ ਦੇ ਛਿੱਟੇ ਮਾਰੋ। ਇਹ ਤੁਹਾਨੂੰ ਰਾਹਤ ਦੇਵੇਗਾ।
![Puffy Eyes care tips](https://www.punjabi.dailypost.in/wp-content/uploads/2020/05/23-7.jpg)
ਦੁੱਧ: ਕੋਟਨ ਬਾਲਜ ਨੂੰ ਠੰਡੇ ਦੁੱਧ ਵਿਚ ਡੁਬੋ ਕੇ ਅੱਖਾਂ ‘ਤੇ ਸੇਕ ਦਿਓ। ਇਸ ਨਾਲ ਤੁਹਾਨੂੰ ਅਰਾਮ ਮਿਲੇਗਾ। ਜੇ ਤੁਸੀਂ ਚਾਹੋ ਤਾਂ ਤੁਸੀਂ ਦੁੱਧ ਦੇ ਆਈਸ ਕਿਊਬ ਬਣਾ ਕੇ ਵੀ ਇਸਤੇਮਾਲ ਕਰ ਸਕਦੇ ਹੋ।
![Puffy Eyes care tips](https://www.punjabi.dailypost.in/wp-content/uploads/2020/05/28-7.jpg)
ਠੰਡਾ ਚਮਚਾ: ਅੱਧਾ ਘੰਟਾ ਫਰਿੱਜ ਵਿਚ 1 ਚਮਚਾ ਰੱਖੋ। ਇਸ ਤੋਂ ਬਾਅਦ ਅੱਖਾਂ ‘ਤੇ ਠੰਡਾ ਚਮਚਾ ਲਗਾਓ। ਕੁਝ ਸਮੇਂ ਲਈ ਅਜਿਹਾ ਕਰਨ ਨਾਲ ਨਾ ਸਿਰਫ Puffy Eyes ਬਲਕਿ Dark Circles ਤੋਂ ਵੀ ਛੁਟਕਾਰਾ ਮਿਲੇਗਾ।
![](https://www.punjabi.dailypost.in/wp-content/uploads/2020/05/32-7.jpg)
ਗ੍ਰੀਨ ਟੀ: ਕੰਪਿਊਟਰ ਜਾਂ ਮੋਬਾਈਲ ਦੀ ਲਗਾਤਾਰ ਵਰਤੋਂ ਨਾਲ ਅੱਖਾਂ ਵਿਚ ਸੋਜ ਆਉਂਦੀ ਹੈ। ਇਸ ਤੋਂ ਰਾਹਤ ਪਾਉਣ ਲਈ ਗ੍ਰੀਨ ਟੀ ਨੂੰ ਪਾਣੀ ਵਿਚ ਉਬਾਲੋ ਅਤੇ ਫਰਿੱਜ ਵਿਚ ਠੰਡਾ ਕਰੋ। ਫਿਰ ਇਸ ਨਾਲ ਅੱਖਾਂ ਦੁਆਲੇ ਮਸਾਜ ਕਰੋ।
![](https://www.punjabi.dailypost.in/wp-content/uploads/2020/05/29-6.jpg)
ਖੀਰੇ: ਅੱਖਾਂ ਦੀ ਸੋਜ ਦੂਰ ਕਰਨ ਲਈ ਖੀਰੇ ਦੇ ਟੁਕੜੇ ਅੱਖਾਂ ‘ਤੇ ਲਗਾਓ। ਇਹ ਅੱਖਾਂ ਨੂੰ ਠੰਡਾ ਕਰੇਗਾ ਅਤੇ ਸਾਰੀ ਥਕਾਵਟ ਦੂਰ ਕਰੇਗਾ।
![](https://www.punjabi.dailypost.in/wp-content/uploads/2020/05/24-8.jpg)
ਐਲੋਵੇਰਾ ਜੈੱਲ: ਐਲੋਵੇਰਾ ਜੈੱਲ ਨਾਲ ਵੀ Puffy Eyes ਤੋਂ ਜਲਦੀ ਛੁਟਕਾਰਾ ਮਿਲ ਜਾਂਦਾ ਹੈ। ਇਸ ਨੂੰ ਫਰਿੱਜ ਵਿਚ ਠੰਡਾ ਕਰੋ ਅਤੇ ਕੁਝ ਮਿੰਟਾਂ ਲਈ ਇਸ ਨੂੰ ਅੱਖਾਂ ਦੇ ਹੇਠਾਂ ਰੱਖੋ। ਇਹ ਸੋਜ ਨੂੰ ਖ਼ਤਮ ਕਰ ਦੇਵੇਗੀ।
![](https://www.punjabi.dailypost.in/wp-content/uploads/2020/05/30-6.jpg)
ਗੁਲਾਬ ਜਲ: ਅੱਖਾਂ ਵਿਚੋਂ ਪਾਣੀ ਨਿਕਲਣ ਤੋਂ ਛੁਟਕਾਰਾ ਪਾਉਣ ਲਈ ਥੋੜ੍ਹੇ ਜਿਹੇ ਗੁਲਾਬ ਜਲ ਨੂੰ ਠੰਡੇ ਪਾਣੀ ਵਿਚ ਮਿਲਾਓ ਅਤੇ ਇਸ ਨਾਲ ਅੱਖਾਂ ਨੂੰ ਧੋ ਲਓ। ਇਸ ਤੋਂ ਇਲਾਵਾ ਗੁਲਾਬ ਜਲ ਨੂੰ Eye drop ਵਜੋਂ ਵੀ ਵਰਤਿਆ ਜਾ ਸਕਦਾ ਹੈ।
![](https://www.punjabi.dailypost.in/wp-content/uploads/2020/05/31-7.jpg)
ਹਥੇਲੀਆਂ ਦੀ ਗਰਮਾਹਟ: ਜੇ ਅੱਖਾਂ ਵਿਚ ਥਕਾਵਟ ਹੈ, ਤਾਂ ਦੋਵੇਂ ਹਥੇਲੀਆਂ ਨੂੰ ਮਲੋ। ਹਥੇਲੀਆਂ ਦੇ ਗਰਮ ਹੋਣ ਤੋਂ ਬਾਅਦ ਅੱਖਾਂ ਦੀ ਮਾਲਸ਼ ਕਰੋ। ਇਹ ਤੁਹਾਨੂੰ ਆਰਾਮ ਦੇਵੇਗਾ।
![Puffy Eyes care tips](https://www.punjabi.dailypost.in/wp-content/uploads/2020/05/33-6.jpg)
ਦਾਲਚੀਨੀ ਵਾਲੀ ਚਾਹ: ਤੁਸੀਂ ਥਕਾਵਟ ਜਾਂ ਜਲਣ ਤੋਂ ਛੁਟਕਾਰਾ ਪਾਉਣ ਲਈ ਦਾਲਚੀਨੀ ਚਾਹ ਵੀ ਪੀ ਸਕਦੇ ਹੋ। ਇਹ ਨਾੜੀਆਂ ਵਿਚ ਤਣਾਅ ਨੂੰ ਘਟਾਉਂਦਾ ਹੈ ਅਤੇ ਅੱਖਾਂ ਨੂੰ ਆਰਾਮ ਦਿੰਦਾ ਹੈ।
![Puffy Eyes care tips](https://www.punjabi.dailypost.in/wp-content/uploads/2020/05/25-7.jpg)
ਇਨ੍ਹਾਂ ਗੱਲਾਂ ਨੂੰ ਧਿਆਨ ਵਿੱਚ ਰੱਖੋ…
- ਧੁੱਪ ਵਿਚ ਜਾਣ ਤੋਂ ਪਹਿਲਾਂ ਐਨਕਾਂ ਜ਼ਰੂਰ ਪਹਿਨੋ।
- ਅੱਖਾਂ ਨੂੰ ਚੰਗੀ ਤਰ੍ਹਾਂ ਕਵਰ ਕਰੋ।
- ਦਿਨ ਵਿਚ ਘੱਟੋ-ਘੱਟ 8 ਗਲਾਸ ਪਾਣੀ ਪੀਓ।
- ਵਿਟਾਮਿਨ ਸੀ ਨਾਲ ਭਰਪੂਰ ਭੋਜਨ ਖਾਓ।
- ਖੁਰਾਕ ਵਿਚ ਜ਼ਿਆਦਾ ਹਰੀਆਂ ਸਬਜ਼ੀਆਂ, ਫਲ ਅਤੇ ਨਟਸ ਲਓ। ਰੋਜ਼ਾਨਾ ਘੱਟੋ-ਘੱਟ 10-15 ਮਿੰਟ ਨੰਗੇ ਪੈਰ ਘਾਹ ‘ਤੇ ਚੱਲੋ।