ਹਿਮਾਚਲ ‘ਚ ਸੋਲਨ ‘ਚ ਚੱਕੀ ਮੋੜ ਨੇੜੇ ਚੰਡੀਗੜ੍ਹ-ਸ਼ਿਮਲਾ ਫੋਰਲੇਨ ‘ਤੇ ਲੈਂਡਸਲਾਇਡ ਹੋਈ, ਜਿਸ ਤੋਂ ਬਾਅਦ ਹਾਈਵੇਅ ‘ਤੇ ਆਵਾਜਾਈ ਠੱਪ ਹੋ ਗਈ। ਹੁਣ ਵਾਹਨਾਂ ਦੀ ਆਵਾਜਾਈ ਬਦਲਵੀਆਂ ਸੜਕਾਂ ਰਾਹੀਂ ਕੀਤੀ ਜਾ ਰਹੀ ਹੈ। ਚੱਕੀ ਮੋੜ ਨੇੜੇ ਹਾਈਵੇਅ 2 ਦਿਨਾਂ ਪਹਿਲਾਂ ਹੀ 8 ਦਿਨਾਂ ਬਾਅਦ ਬਹਾਲ ਕਰ ਦਿੱਤਾ ਗਿਆ ਸੀ। ਵੀਰਵਾਰ ਨੂੰ ਬੱਸਾਂ ਦੀ ਆਵਾਜਾਈ ਸ਼ੁਰੂ ਹੋ ਗਈ ਸੀ।
ਹਾਈਵੇਅ ਅੱਜ ਭਾਰੀ ਵਾਹਨਾਂ ਲਈ ਖੋਲ੍ਹਿਆ ਜਾਣਾ ਸੀ। ਇਸ ਤੋਂ ਪਹਿਲਾਂ ਰਾਤ ਨੂੰ ਲੈਂਡਸਲਾਇਡ ਦੀ ਘਟਨਾ ਵਾਪਰੀ ਸੀ। ਮੌਕੇ ‘ਤੇ ਅਜੇ ਵੀ ਲੈਂਡਸਲਾਇਡ ਦਾ ਖਤਰਾ ਬਣਿਆ ਹੋਇਆ ਹੈ। ਦੂਜੇ ਪਾਸੇ ਸੂਬੇ ਦੇ ਜ਼ਿਆਦਾਤਰ ਇਲਾਕਿਆਂ ‘ਚ ਰਾਤ ਤੋਂ ਹੀ ਤੇਜ਼ ਬਾਰਿਸ਼ ਹੋ ਰਹੀ ਹੈ। ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਨੇ ਵੀ ਅਗਲੇ 3 ਘੰਟਿਆਂ ਤੱਕ ਭਾਰੀ ਮੀਂਹ ਦੀ ਚਿਤਾਵਨੀ ਦਿੱਤੀ ਹੈ। ਇਸ ਦੌਰਾਨ ਲੋਕਾਂ ਨੂੰ ਨਦੀਆਂ ਅਤੇ ਨਾਲਿਆਂ ਦੇ ਨੇੜੇ ਅਤੇ ਜ਼ਮੀਨ ਖਿਸਕਣ ਵਾਲੇ ਖੇਤਰਾਂ ਵਿੱਚ ਨਾ ਜਾਣ ਦੀ ਸਲਾਹ ਦਿੱਤੀ ਗਈ ਹੈ। ਦੂਜੇ ਪਾਸੇ ਚੌਪਾਲ ਵਿੱਚ ਸਕੂਲ ਜਾਂਦੇ ਸਮੇਂ ਇੱਕ ਬੱਚੀ ਲੈਂਡਸਲਾਇਡ ਦੀ ਲਪੇਟ ਵਿੱਚ ਆ ਗਈ। ਇਸ ਕਾਰਨ ਲੜਕੀ ਦਲਦਲ ਵਿੱਚ ਫਸ ਗਈ। ਉਸ ਦੇ ਸਹਿਪਾਠੀਆਂ ਨੇ ਇਸ ਬਾਰੇ ਪਰਿਵਾਰਕ ਮੈਂਬਰਾਂ ਨੂੰ ਸੂਚਿਤ ਕੀਤਾ ਤਾਂ ਹੀ ਬੱਚੀ ਨੂੰ ਮਲਬੇ ਹੇਠੋਂ ਬਚਾਇਆ ਗਿਆ। ਸੂਬੇ ਵਿੱਚ ਮਾਨਸੂਨ ਸੀਜ਼ਨ ਦੌਰਾਨ ਮਰਨ ਵਾਲਿਆਂ ਦੀ ਗਿਣਤੀ 234 ਤੱਕ ਪਹੁੰਚ ਗਈ ਹੈ। ਪਿਛਲੇ 24 ਘੰਟਿਆਂ ‘ਚ 4 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ। ਸਿਰਮੌਰ ਜ਼ਿਲ੍ਹੇ ਦੇ ਪਿੰਡ ਪਰਾਲਾ ਮੰਡੀ ਨੇੜੇ ਲੈਂਡਸਲਾਇਡ ਕਾਰਨ ਦੋ ਲਾਸ਼ਾਂ ਪਿੰਡ ਸਿਰਮੌਰਤਲ ਤੋਂ ਬਰਾਮਦ ਹੋਈਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਖੇਤਾਂ ਵਿਚ ਸੱਪਾਂ ਦੀਆਂ ਸਿਰੀਆਂ ਮਿੱਧਦੀ ਪੰਜਾਬ ਦੀ ਧੀ, ਪਿਓ ਦੀ ਮੌਤ ਤੋਂ ਬਾਅਦ ਸਾਂਭਿਆ ਟਰੈਕਟਰ… “
ਹਿਮਾਚਲ ਪ੍ਰਦੇਸ਼ ‘ਚ ਅਗਸਤ ਮਹੀਨੇ ‘ਚ ਮਾਨਸੂਨ ਕਾਫੀ ਕਮਜ਼ੋਰ ਰਿਹਾ ਹੈ। ਇਸ ਦੌਰਾਨ ਕੁਝ ਇਲਾਕਿਆਂ ‘ਚ ਹੀ ਬਾਰਿਸ਼ ਹੋਈ। ਅਗਸਤ ਵਿੱਚ ਆਮ ਨਾਲੋਂ 60 ਫੀਸਦੀ ਘੱਟ ਮੀਂਹ ਦਰਜ ਕੀਤਾ ਗਿਆ ਸੀ। ਲਾਹੌਲ ਸਪਿਤੀ ਵਿੱਚ ਆਮ ਨਾਲੋਂ 90 ਫੀਸਦੀ ਘੱਟ, ਚੰਬਾ ਵਿੱਚ 80 ਫੀਸਦੀ, ਕਿਨੌਰ ਵਿੱਚ 84 ਫੀਸਦੀ, ਕੁੱਲੂ ਵਿੱਚ 83 ਫੀਸਦੀ, ਸ਼ਿਮਲਾ ਵਿੱਚ 69 ਫੀਸਦੀ, ਊਨਾ ਵਿੱਚ 59 ਫੀਸਦੀ, ਹਮੀਰਪੁਰ ਵਿੱਚ 32 ਫੀਸਦੀ, ਕਾਂਗੜਾ ਵਿੱਚ 39 ਫੀਸਦੀ, ਮੰਡੀ ਵਿੱਚ 47 ਫੀਸਦੀ ਅਤੇ ਸੋਲਨ ਵਿੱਚ ਆਮ ਨਾਲੋਂ 27 ਫੀਸਦੀ ਘੱਟ ਮੀਂਹ ਪਿਆ ਹੈ| ਆਮ ਤੌਰ ‘ਤੇ 1 ਤੋਂ 9 ਅਗਸਤ ਦੇ ਵਿਚਕਾਰ 88.7 ਮਿਲੀਮੀਟਰ ਮੀਂਹ ਪੈਂਦਾ ਹੈ, ਪਰ ਇਸ ਵਾਰ 35.8 ਮਿਲੀਮੀਟਰ ਮੀਂਹ ਪਿਆ। ਇਸ ਤੋਂ ਸੂਬੇ ਦੇ ਲੋਕਾਂ ਨੇ ਸੁੱਖ ਦਾ ਸਾਹ ਲਿਆ ਹੈ। ਦੂਜੇ ਪਾਸੇ ਮੌਸਮ ਵਿਗਿਆਨ ਕੇਂਦਰ ਸ਼ਿਮਲਾ ਮੁਤਾਬਕ ਮਾਨਸੂਨ ਅੱਜ ਤੋਂ 14 ਅਗਸਤ ਤੱਕ ਹਲਕਾ ਜਿਹਾ ਸਰਗਰਮ ਹੋ ਸਕਦਾ ਹੈ। ਯਾਨੀ ਇਸ ਦੌਰਾਨ ਕੁਝ ਥਾਵਾਂ ‘ਤੇ ਮੀਂਹ ਪੈ ਸਕਦਾ ਹੈ।
