indian origin couple drive in wedding: ਕੋਰੋਨਾ ਵਾਇਰਸ ਲੌਕਡਾਊਨ ਦੇ ਸਖਤ ਨਿਯਮਾਂ ਦੇ ਵਿਚਕਾਰ ਬ੍ਰਿਟੇਨ ਵਿੱਚ ਇੱਕ ਭਾਰਤੀ ਮੂਲ ਦੇ ਜੋੜੇ ਨੇ ਇੱਕ ਵਿਲੱਖਣ ਢੰਗ ਨਾਲ ਵਿਆਹ ਕੀਤਾ ਹੈ। ਜੋੜਾ ਲੌਕਡਾਊਨ ਨਿਯਮਾਂ ਤਹਿਤ ਮਹਿਮਾਨਾਂ ਦੀ ਗਿਣਤੀ ‘ਤੇ ਸਖਤ ਪਾਬੰਦੀਆਂ ਦੇ ਬਾਵਜੂਦ ਆਪਣੇ ਵਿਆਹ ਦੀਆਂ ਯੋਜਨਾਵਾਂ ਵਿੱਚ ਦੇਰੀ ਨਹੀਂ ਕਰਨਾ ਚਾਹੁੰਦਾ ਸੀ। ਯੂਕੇ ਵਿੱਚ ਵਿਆਹ ਦੇ ਸਮਾਰੋਹ ਵਿੱਚ ਵੱਧ ਤੋਂ ਵੱਧ 15 ਲੋਕਾਂ ਨੂੰ ਸ਼ਾਮਿਲ ਹੋਣ ਦੀ ਆਗਿਆ ਹੈ, ਪਰ ਭਾਰਤੀ ਜੋੜੀ ਨੇ ਡਰਾਈਵ ਇਨ ਵੇਡਿੰਗ ਰਾਹੀਂ ਆਪਣੇ ਅਜ਼ੀਜ਼ਾਂ ਨੂੰ ਸ਼ਾਮਿਲ ਕੀਤਾ। ਭਾਰਤੀ ਮੂਲ ਦੇ ਜੋੜੇ ਨੇ ਲੌਕਡਾਊਨ ਨਿਯਮਾਂ ਦਾ ਤੋੜ ਲੱਭਿਆ ਅਤੇ ਖੁੱਲ੍ਹੇ ਮੈਦਾਨ ਵਿੱਚ ਕਾਰ ਬੈਠ ਕੇ ਆਪਣੇ ਵਿਆਹ ਦਾ ਆਯੋਜਨ ਕੀਤਾ। ਪਿੱਛਲੇ ਸ਼ੁੱਕਰਵਾਰ ਉਨ੍ਹਾਂ ਨੇ ਚੇਲਸਫੋਰਡ ਦੇ ਬ੍ਰੈਕਸਟਡ ਪਾਰਕ ਵਿਖੇ ਇੱਕ ਡ੍ਰਾਇਵ ਇਨ ਵੇਡਿੰਗ ਕੀਤੀ। ਇਸ ਸਮੇਂ ਦੌਰਾਨ 100 ਕਾਰਾਂ ਵਿੱਚ ਉਨ੍ਹਾਂ ਦੀ ਜਾਣ ਪਛਾਣ ਦੇ ਸੈਂਕੜੇ ਲੋਕ ਉੱਥੇ ਪਹੁੰਚ ਗਏ। ਵੱਡੇ ਪਰਦੇ ਤੇ, ਦੋਸਤ ਅਤੇ ਪਰਿਵਾਰਕ ਮੈਂਬਰ ਆਪਣੀਆਂ ਗੱਡੀਆਂ ‘ਚ ਬੈਠੇ ਹੀ ਉਨ੍ਹਾਂ ਦੇ ਵਿਆਹ ਦੇ ਜਸ਼ਨਾਂ ਵਿੱਚ ਸ਼ਾਮਿਲ ਹੋਏ। ਵਿਆਹ ਤੋਂ ਬਾਅਦ, ਜੋੜੇ ਨੇ ਗੋਲਫ ਫੀਲਡ ਦੀ ਵਰਤੋਂ ਕਰਦਿਆਂ ਇੱਕ ਕਾਰ ‘ਤੇ ਬੈਠੇ ਅਤੇ ਸਾਰੇ ਮੈਦਾਨ ਦਾ ਚੱਕਰ ਕੱਟਿਆ ਅਤੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਵਿਆਹ ਵਿੱਚ ਸ਼ਾਮਿਲ ਹੋਣ ਵਾਲੇ ਮਹਿਮਾਨਾਂ ਦੀ ਗਿਣਤੀ ਤੇ ਲੱਗੀ ਪਾਬੰਦੀ ਨੂੰ ਇਸ ਤਰਾਂ ਜੋੜੀ ਨੇ ਬੇਅਸਰ ਕਰ ਦਿੱਤਾ।
ਲੰਡਨ ਦੀ ਰੋਮਾ ਪੋਪਟ ਅਤੇ ਵਿਨਲ ਪਟੇਲ ਦਾ ਵਿਆਹ 20 ਅਪ੍ਰੈਲ ਨੂੰ ਹੋਣਾ ਸੀ, ਪਰ ਓਦੋਂ ਤਾਲਾਬੰਦ ਹੋਣ ਨਾਲ ਉਨ੍ਹਾਂ ਦੀਆਂ ਯੋਜਨਾਵਾਂ ਵਿੱਚ ਵਿਘਨ ਪੈ ਗਿਆ, ਤਾਂ ਉਨ੍ਹਾਂ ਸਹੇਲੀ ਈਵੈਂਟਸ ਨਾਲ ਇੱਕ ਡ੍ਰਾਇਵ-ਇਨ ਵਿਆਹ ਬਾਰੇ ਗੱਲਬਾਤ ਕੀਤੀ, ਜਿਸ ਨੇ ਉਨ੍ਹਾਂ ਦੇ ਵਿਆਹ ਦਾ ਆਯੋਜਨ ਕੀਤਾ। ਯੂਕੇ ਸਰਕਾਰ ਦੇ ਦਿਸ਼ਾ ਨਿਰਦੇਸ਼ਾਂ ਦੇ ਤਹਿਤ, ਸਿਰਫ 15 ਲੋਕਾਂ ਨੂੰ ਵਿਆਹ ਦੇ ਸਮਾਰੋਹਾਂ ਦਾ ਹਿੱਸਾ ਬਣਨ ਦੀ ਆਗਿਆ ਹੈ, ਨਤੀਜੇ ਵਜੋਂ ਕਈ ਵਿਆਹਾਂ ਨੂੰ ਮੁਲਤਵੀ ਕਰ ਦਿੱਤਾ ਗਿਆ ਹੈ ਜਾਂ ਜੋੜੇ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨੂੰ ਸ਼ਾਮਿਲ ਕਰਨ ਲਈ ਹੋਰ ਵਿਕਲਪ ਲੱਭਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਦੁਲਹਨ ਰੋਮਾ ਨੇ ਕਿਹਾ, “ਜਦੋਂ ਸਾਨੂੰ ਅਪ੍ਰੈਲ ਵਿੱਚ ਆਪਣਾ ਵਿਆਹ ਮੁਲਤਵੀ ਕਰਨਾ ਪਿਆ, ਤਾਂ ਸਾਨੂੰ ਇਸ ਗੱਲ ਦਾ ਕੋਈ ਪਤਾ ਨਹੀਂ ਸੀ ਕਿ ਅਸੀਂ ਇਸ ਸਾਲ ਵਿਆਹ ਕਰਾ ਸਕਾਂਗੇ ਜਾਂ ਨਹੀਂ। ਸਾਡੇ ਬਹੁਤ ਸਾਰੇ ਦੋਸਤ ਹਨ ਅਤੇ ਅਸੀਂ ਚਾਹੁੰਦੇ ਹਾਂ ਕਿ ਉਹ ਸਾਡੇ ਵਿਆਹ ਦਾ ਹਿੱਸਾ ਬਣਨ। ਸਾਡੇ ਕੋਲ ਸਭ ਕੁੱਝ ਹੋਣ ਦੇ ਬਾਵਜੂਦ, ਇਹ ਉਹ ਨਹੀਂ ਸੀ ਜੋ ਅਸੀਂ ਸੋਚਿਆ ਸੀ। ਇਹ ਉਹ ਦਿਨ ਹੈ ਜੋ ਅਸੀਂ ਕਦੇ ਨਹੀਂ ਭੁੱਲਾਂਗੇ।”
