junior trump says: ਵਾਸ਼ਿੰਗਟਨ: ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਵੱਡੇ ਬੇਟੇ ਡੋਨਾਲਡ ਟਰੰਪ ਜੂਨੀਅਰ ਨੇ ਕਿਹਾ ਕਿ ਉਸ ਦੇ ਪਿਤਾ ਨੂੰ ਮਹੱਤਵਪੂਰਨ ਰਾਜਾਂ ਵਿੱਚ ਚੋਣ ਸੰਘਰਸ਼ ਵਿੱਚ ਲੀਡ ਹਾਸਿਲ ਹੈ। ਇਸ ਦੇ ਕਾਰਨ ਉਹ ਨਵੰਬਰ ਦੀਆਂ ਚੋਣਾਂ ਵਿੱਚ ਦੁਬਾਰਾ ਜਿੱਤ ਪ੍ਰਾਪਤ ਕਰ ਸਕਦੇ ਹਨ। ਜੂਨੀਅਰ ਟਰੰਪ ਦਾ ਦਾਅਵਾ ਹੈ ਕਿ ਇਨ੍ਹਾਂ ਰਾਜਾਂ ਵਿੱਚ 50 ਫ਼ੀਸਦੀ ਭਾਰਤੀ-ਅਮਰੀਕੀ ਵੋਟਰ ਵਿਰੋਧੀ ਡੈਮੋਕ੍ਰੇਟਿਕ ਪਾਰਟੀ ਤੋਂ ਮੂੰਹ ਮੋੜ ਰਹੇ ਹਨ ਅਤੇ ਮੇਰੇ ਪਿਤਾ ਵੱਲ ਰੁੱਖ ਕਰ ਰਹੇ ਹਨ। ਦਰਅਸਲ 74 ਸਾਲਾ ਟਰੰਪ ਦਾ ਮੁਕਾਬਲਾ ਡੈਮੋਕ੍ਰੇਟਿਕ ਪਾਰਟੀ ਦੇ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਜੋ ਬਿਡੇਨ (77 ਸਾਲ) ਦੇ ਨਾਲ ਹੈ। ਰਾਸ਼ਟਰਪਤੀ ਦੀ ਚੋਣ ਲਈ ਵੋਟਿੰਗ ਇਸ ਸਾਲ 3 ਨਵੰਬਰ ਨੂੰ ਹੋਵੇਗੀ, ਅਤੇ ਕਈ ਰਾਏ ਪੋਲਾਂ ਤੋਂ ਪਤਾ ਚੱਲਦਾ ਹੈ ਕਿ ਬਿਡੇਨ ਟਰੰਪ ਤੋਂ ਅੱਗੇ ਚੱਲ ਰਹੇ ਹਨ। ਜੂਨੀਅਰ ਟਰੰਪ 2020 ਦੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਆਪਣੇ ਪਿਤਾ ਦੀ ਜਿੱਤ ਨੂੰ ਯਕੀਨੀ ਬਣਾਉਣ ਲਈ ਇੱਕ ਚੱਲ ਰਹੀ ਮੁਹਿੰਮ ਦੀ ਅਗਵਾਈ ਕਰ ਰਹੇ ਹਨ।
ਉਨ੍ਹਾਂ ਨੇ ਸਾਲ 2016 ਦੀਆਂ ਰਾਸ਼ਟਰਪਤੀ ਚੋਣਾਂ ਵਿੱਚ ਭਾਰਤੀ-ਅਮਰੀਕੀ ਵੋਟਰਾਂ ਤੱਕ ਪਹੁੰਚਣ ਵਿੱਚ ਮਹੱਤਵਪੂਰਣ ਭੂਮਿਕਾ ਨਿਭਾਈ ਅਤੇ ਲੱਗਭਗ ਸਾਢੇ ਤਿੰਨ ਸਾਲਾਂ ਤੋਂ ਇਸ ਨੂੰ ਜਾਰੀ ਰੱਖਿਆ ਹੋਇਆ ਹੈ। ਉਸਨੇ ਟਵਿੱਟਰ ‘ਤੇ ਅਮਰੀਕੀ ਨਿਊਜ਼ ਵੈਬਸਾਈਟ ‘ਤੇ ਟਰੰਪ ਦੇ ਸਮਰਥਕ ਅਲ ਮੈਸਨ ਦੁਆਰਾ ਓਪੇਡ ‘ਤੇ ਲਿਖਿਆ ਲੇਖ ਸਾਂਝਾ ਕੀਤਾ ਹੈ। ਇਸ ਲੇਖ ਦੇ ਅਨੁਸਾਰ ਰਿਪਬਲੀਕਨ ਪਾਰਟੀ ਦੇ ਉਮੀਦਵਾਰ ਟਰੰਪ ਨੂੰ ਪੂਰੇ ਅਮਰੀਕਾ ਵਿੱਚ ਹਜ਼ਾਰਾਂ ਵੋਟਾਂ ਮਿਲ ਸਕਦੀਆਂ ਹਨ। ਜੂਨੀਅਰ ਟਰੰਪ ਦੇ ਟਵੀਟ ਦੇ ਬਾਅਦ, ਟਰੰਪ ਵਿਕਟਰੀ ਵਿੱਤੀ ਕਮੇਟੀ ਦੇ ਆਨਰੇਰੀ ਸਹਿ-ਚੇਅਰਮੈਨ, ਮੈਸਨ ਨੇ ਕਿਹਾ, “ਮੈਂ ਇਹ ਸਿੱਟਾ ਕੱਢਿਆ ਹੈ ਕਿ ਟਰੰਪ ਸਮਰਥਕਾਂ ਵਿੱਚ ਪ੍ਰਸੰਸਾ ਹੈ ਅਤੇ ਡੈਮੋਕ੍ਰੇਟਿਕ ਪਾਰਟੀ ਵਿੱਚ ਡਰ ਦੇ ਬੁਲਬੁਲੇ ਤੈਰ ਰਹੇ ਹਨ।” ਉਸ ਨੇ ਲਿਖਿਆ, “ਸੰਭਾਵਤ ਭਾਰਤੀ ਅਮਰੀਕੀ ਵੋਟਰਾਂ ਵਿੱਚ ਟਰੰਪ ਦੀ ਵਧਦੀ ਹਮਾਇਤ ਅਤੇ ਪ੍ਰਸਿੱਧੀ, ਅਮਰੀਕੀ ਰਾਸ਼ਟਰਪਤੀ ਦਾ ਅਮਰੀਕਾ-ਭਾਰਤ ਸੰਬੰਧਾਂ ਲਈ ਇਤਿਹਾਸਕ ਸਮਰਥਨ ਅਤੇ ਭਾਰਤੀਆਂ ਤੱਕ ਪਹੁੰਚਣ ਲਈ ਟਰੰਪ ਦੀ ਨਿਰੰਤਰ ਮੁਹਿੰਮ ਦਾ ਨਤੀਜਾ ਹੈ।”
