Lal Salam Trailer Out: ਦਰਸ਼ਕ ਰਜਨੀਕਾਂਤ ਦੀ ਆਉਣ ਵਾਲੀ ਫਿਲਮ ‘ਲਾਲ ਸਲਾਮ’ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਇਸ ਫਿਲਮ ਨੂੰ ਲੈ ਕੇ ਪ੍ਰਸ਼ੰਸਕਾਂ ‘ਚ ਕਾਫੀ ਚਰਚਾ ਹੈ। ਅਜਿਹੇ ‘ਚ ਮੇਕਰਸ ਨੇ ਸੋਮਵਾਰ ਰਾਤ ‘ਥਲਾਈਵਾ’ ਰਜਨੀਕਾਂਤ ਦੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਅਤੇ ‘ਲਾਲ ਸਲਾਮ’ ਦਾ ਟ੍ਰੇਲਰ ਰਿਲੀਜ਼ ਕੀਤਾ।
Lal Salam Trailer Out
ਜੀ ਹਾਂ, ਫਿਲਮ ਦਾ ਟ੍ਰੇਲਰ ਕੁਝ ਸਮਾਂ ਪਹਿਲਾਂ ਹੀ ਰਿਲੀਜ਼ ਹੋਇਆ ਹੈ। ਫਿਲਮ ਲਾਲ ਸਲਾਮ ਦਾ ਟ੍ਰੇਲਰ 5 ਫਰਵਰੀ ਨੂੰ ਰਿਲੀਜ਼ ਹੋ ਗਿਆ ਹੈ। ਟ੍ਰੇਲਰ ‘ਚ ਵਿਸ਼ਨੂੰ ਵਿਸ਼ਾਲ ਅਤੇ ਵਿਕਰਾਂਤ ਦਾ ਦਮਦਾਰ ਅੰਦਾਜ਼ ਦੇਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਰਜਨੀਕਾਂਤ ਦੀ ਝਲਕ ਦੇਖ ਕੇ ਪ੍ਰਸ਼ੰਸਕ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ। ਫਿਲਮ ‘ਚ ਅਦਾਕਾਰ ਮੁਸਲਿਮ ਵਿਅਕਤੀ ਮੋਇਨੂਦੀਨ ਭਾਈ ਦੀ ਭੂਮਿਕਾ ‘ਚ ਨਜ਼ਰ ਆ ਰਹੇ ਹਨ। ਟ੍ਰੇਲਰ ‘ਚ ਰਜਨੀਕਾਂਤ ਦਾ ਜ਼ਬਰਦਸਤ ਐਕਸ਼ਨ ਦੇਖਣ ਨੂੰ ਮਿਲ ਰਿਹਾ ਹੈ। ਰਜਨੀਕਾਂਤ ਦੀ ‘ਲਾਲ ਸਲਾਮ’ 9 ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਲਾਲ ਸਲਾਮ ਦਾ ਨਿਰਦੇਸ਼ਨ ਐਸ਼ਵਰਿਆ ਰਜਨੀਕਾਂਤ ਨੇ ਕੀਤਾ ਹੈ। ਉਹ 9 ਸਾਲ ਬਾਅਦ ਇਸ ਫਿਲਮ ਨਾਲ ਵਾਪਸੀ ਕਰ ਰਹੀ ਹੈ।
ਦੱਸ ਦੇਈਏ ਕਿ ਐਸ਼ਵਰਿਆ ਰਜਨੀਕਾਂਤ ਤਮਿਲ ਫਿਲਮਾਂ ‘3’ ਅਤੇ ‘ਵੈ ਰਾਜਾ ਵੈ’ ਦੇ ਨਿਰਦੇਸ਼ਨ ਲਈ ਮਸ਼ਹੂਰ ਹੈ। ਐਸ਼ਵਰਿਆ ਰਜਨੀਕਾਂਤ ਦੇ ਨਿਰਦੇਸ਼ਨ ‘ਚ ਬਣੀ ਤੀਜੀ ਫਿਲਮ ‘ਲਾਲ ਸਲਾਮ’ ਲੈ ਕੇ ਆ ਰਹੀ ਹੈ। ‘ਲਾਲ ਸਲਾਮ’ ਇੱਕ ਸਪੋਰਟਸ ਡਰਾਮਾ ਹੈ, ਜਿਸ ਵਿੱਚ ਰਜਨੀਕਾਂਤ ਇੱਕ ਐਕਸਟੈਂਡਡ ਕੈਮਿਓ ਕਰਦੇ ਨਜ਼ਰ ਆਉਣਗੇ। ਫਿਲਮ ਵਿੱਚ ਵਿਸ਼ਨੂੰ ਵਿਸ਼ਾਲ ਅਤੇ ਵਿਕਰਾਂਤ ਮੁੱਖ ਭੂਮਿਕਾਵਾਂ ਵਿੱਚ ਹਨ। ‘ਲਾਲ ਸਲਾਮ’ ਨਿਰਦੇਸ਼ਕ ਐਸ਼ਵਰਿਆ ਰਜਨੀਕਾਂਤ ਦੁਆਰਾ ਨਿਰਦੇਸ਼ਤ ਹੈ ਅਤੇ ਲਾਇਕਾ ਪ੍ਰੋਡਕਸ਼ਨ ਦੇ ਸੁਬਾਸਕਰਨ ਅਲੀਰਾਜਾਹ ਦੁਆਰਾ ਨਿਰਮਿਤ ਹੈ। ਫਿਲਮ ਦਾ ਸੰਗੀਤ ਏ ਆਰ ਰਹਿਮਾਨ ਨੇ ਤਿਆਰ ਕੀਤਾ ਹੈ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
