bangladeshs development coach: ਬੰਗਲਾਦੇਸ਼ ਦੇ ਵਿਕਾਸ ਕੋਚ (development) ਅਤੇ ਪਹਿਲੇ ਦਰਜੇ ਦੇ ਸਾਬਕਾ ਕ੍ਰਿਕਟਰ ਆਸ਼ਿਕੂਰ ਰਹਿਮਾਨ ਕੋਰੋਨਾ ਸਕਾਰਾਤਮਕ ਪਾਏ ਗਏ ਹਨ। ਰਹਿਮਾਨ ਨੇ ਮੰਗਲਵਾਰ ਨੂੰ ਖੁਲਾਸਾ ਕੀਤਾ ਕਿ ਉਹ ਇਸ ਸਮੇਂ ਖਤਰਨਾਕ ਵਾਇਰਸ ਕਾਰਨ ਹਸਪਤਾਲ ਵਿੱਚ ਦਾਖਲ ਹਨ ਅਤੇ ਇਲਾਜ ਅਧੀਨ ਹਨ। ਉਨ੍ਹਾਂ ਨੇ ਕਿਹਾ, ਮੈਨੂੰ ਸੋਮਵਾਰ ਨੂੰ ਰਿਪੋਰਟ ਮਿਲੀ ਅਤੇ ਕੋਰਨਾ ਰਿਪੋਰਟ ਪੌਜੇਟਿਵ ਰਹੀ ਹੈ। ਰਹਿਮਾਨ ਨੇ ਅੱਗੇ ਕਿਹਾ ਕਿ, ਪਹਿਲਾਂ ਤਾਂ ਮੈਨੂੰ ਸਮਝ ਨਹੀਂ ਆਇਆ। ਮੈਂ ਸੋਚਿਆ ਕਿ ਇਹ ਇੱਕ ਸੁੱਜੀ ਹੋਈ ਟੌਨਸਿਲ ਸੀ। ਪਰ ਇਸ ਦੇ ਬਾਅਦ, ਮੈਨੂੰ ਫਿਰ ਗਲੇ ਵਿੱਚ ਦਰਦ ਅਤੇ ਬੁਖਾਰ ਹੋਣਾ ਸ਼ੁਰੂ ਹੋ ਗਿਆ। ਅਗਲੇ ਹੀ ਪਲ ਮੈਨੂੰ ਛਾਤੀ ਦੇ ਦਰਦ ਹੋਣੇ ਸ਼ੁਰੂ ਹੋ ਗਏ। ਇਸ ਤੋਂ ਬਾਅਦ ਜਲਦੀ ਹੀ ਮੈਂ ਡਾਕਟਰ ਕੋਲ ਟੈਸਟ ਕਰਵਾਉਣ ਗਿਆ। ਅੰਤ ਵਿੱਚ, ਰਿਪੋਰਟ ਵਿੱਚ ਖੁਲਾਸਾ ਹੋਇਆ ਕਿ ਮੈਂ ਇੱਕ ਕੋਰੋਨਾ ਪੌਜੇਟਿਵ ਹਾਂ।
ਸਾਬਕਾ ਤੇਜ਼ ਗੇਂਦਬਾਜ਼ ਨੇ 15 ਪਹਿਲੇ ਦਰਜੇ ਦੇ ਮੈਚ ਅਤੇ 18 ਸੂਚੀ ਏ ਮੈਚ ਖੇਡੇ ਹਨ। ਰਹਿਮਾਨ 2002 ਦੀ ਅੰਡਰ -19 ਵਿਸ਼ਵ ਕੱਪ ਟੀਮ ਦਾ ਵੀ ਹਿੱਸਾ ਸੀ, ਪਰ ਉਸ ਨੂੰ ਕਦੇ ਵੀ ਸੀਨੀਅਰ ਟੀਮ ਵਿੱਚ ਜਗ੍ਹਾ ਨਹੀਂ ਮਿਲੀ। ਉਸ ਦਾ ਕੈਰੀਅਰ ਸਿਰਫ 6 ਸਾਲ ਲੰਬਾ ਸੀ। ਰਹਿਮਾਨ ਨੇ 15 ਫਸਟ ਕਲਾਸ ਵਿੱਚ 36 ਵਿਕੇਟ ਅਤੇ 18 ਲਿਸਟ ਏ ਮੈਚਾਂ ਵਿੱਚ 21 ਵਿਕਟਾਂ ਲਈਆਂ ਹਨ। ਇਹ 33 ਸਾਲਾ ਖਿਡਾਰੀ ਬੰਗਲਾਦੇਸ਼ ਮਹਿਲਾ ਟੀਮ ਦਾ ਸਹਾਇਕ ਕੋਚ ਵੀ ਰਹਿ ਚੁੱਕਾ ਹੈ।
ਦੱਸ ਦਈਏ ਕਿ ਭਾਰਤ ਵਿੱਚ ਕੋਰੋਨਾ ਦੇ ਕੇਸ 74 ਹਜ਼ਾਰ ਤੋਂ ਪਾਰ ਪਹੁੰਚ ਗਏ ਹਨ, ਜਦਕਿ ਕੁੱਲ ਕਿਰਿਆਸ਼ੀਲ ਮਾਮਲੇ ਹੁਣ 47480 ਹਨ। ਹੁਣ ਤੱਕ ਇਸ ਖਤਰਨਾਕ ਵਾਇਰਸ ਤੋਂ 24385 ਲੋਕ ਠੀਕ ਹੋ ਚੁੱਕੇ ਹਨ, ਜਦੋਂ ਕਿ 2415 ਲੋਕ ਆਪਣੀਆਂ ਜਾਨਾਂ ਗੁਆ ਚੁੱਕੇ ਹਨ।
