First Death in Faridkot due to Corona : ਕੋਰੋਨਾ ਦੇ ਕਹਿਰ ਦੇ ਚੱਲਦਿਆਂ ਅੱਜ ਫਰੀਦਕੋਟ ਜ਼ਿਲ੍ਹੇ ਵਿਚ ਅੱਜ ਇਸ ਮਹਾਮਾਰੀ ਨਾਲ ਪਹਿਲੀ ਮੌਤ ਹੋ ਗਈ। ਇਹ 65 ਸਾਲਾ ਔਰਤ ਗੁਰਦੇ ਦੀ ਬੀਮਾਰੀ ਤੋਂ ਪੀੜਤ ਸੀ ਅਤੇ ਡਾਇਲਸਿਜ਼ ‘ਤੇ ਸੀ। ਅਜ ਸਵੇਰੇ ਹਾਲਤ ਗੰਭੀਰ ਹੋਣ ਕਰਕੇ ਉਸ ਨੇ ਮੈਡੀਕਲ ਹਸਪਤਾਲ ਵਿਚ ਦਮ ਤੋੜ ਦਿੱਤਾ। ਇਸ ਦੀ ਜਾਣਕਾਰੀ ਦਿੰਦੇ ਹੋਏ ਸਿਵਲ ਸਰਜਨ ਡਾ. ਰਜਿੰਦਰ ਨੇ ਦੱਸਿਆ ਕਿ ਕੋਟਕਪੂਰਾ ਦੇ ਪ੍ਰੇਮਨਗਰ ਦੀ ਰਹਿਣ ਵਾਲੀ ਔਰਤ ਕਮਲੇਸ਼ ਕੁਮਾਰੀ ਨੂੰ ਲਗਭਗ ਪੰਜ ਦਿਨ ਪਹਿਲਾਂ ਕੋਰੋਨਾ ਪਾਜ਼ੀਟਿਵ ਆਉਣ ਤੋਂ ਬਾਅਦ ਮੈਡੀਕਲ ਹਸਪਤਾਲ ਵਿੱਚ ਲਿਆਇਆ ਗਿਆ ਸੀ।
ਉਸ ਸਮੇਂ ਇਸਦੀ ਹਾਲਤ ਜ਼ਿਆਦਾ ਠੀਕ ਨਹੀ ਸੀ ਅਤੇ ਗੁਰਦੇ ਦੇ ਰੋਗ ਦੇ ਚੱਲਦਿਆਂ ਡਾਇਲਸਿਜ਼ ਉੱਤੇ ਸੀ, ਜਿਸ ਦੀ ਅੱਜ ਸਵੇਰੇ ਪੰਜ ਵਜੇ ਮੌਤ ਹੋ ਗਈ। ਇਸ ਤੋਂ ਬਾਅਦ ਪ੍ਰੋਟੋਕਾਲ ਅਨੁਸਾਰ ਉਸਦੀ ਮ੍ਰਿਤਕ ਦੇਹ ਨੂੰ ਹਸਪਤਾਲ ਵੱਲੋਂ ਸਿੱਧਾ ਸ਼ਮਸ਼ਾਨ ਘਾਟ ਲਿਜਾਇਆ ਜਾਵੇਗਾ ਅਤੇ ਉੱਥੇ ਇਸਦੇ ਪਰਵਾਰਿਕ ਮੇਂਬਰਾਂ ਨੂੰ ਵੀ ਪੀਪੀਈ ਕਿਟਜ਼ ਪਹਿਨਾ ਕੇ ਅੰਤਿਮ ਸੰਸਕਾਰ ਕੀਤਾ ਜਾਵੇਗਾ। ਦੱਸਣਯੋਗ ਹੈ ਕਿ ਫਰੀਦਕੋਟ ਜ਼ਿਲ੍ਹੇ ਵਿਚ ਹੁਣ ਤੱਕ ਕੋਰੋਨਾ ਦੇ 330 ਮਾਮਲੇ ਸਾਹਮਣੇ ਆਏ ਹਨ ਪਰ ਅਜੇ ਤੱਕ ਇਥੇ ਕੋਈ ਵੀ ਮੌਤ ਨਹੀਂ ਹੋਈ ਸੀ। ਦੱਸ ਦੇਈਏ ਕਿ ਪ੍ਰੇਮ ਨਗਰ ਕੋਟਕਪੂਰਾ ਨੂੰ ਪਹਿਲਾਂ ਵਲੋਂ ਹੀ ਮਾਇਕਰੋ ਕੰਟੇਨਮੇਟ ਜੋਨ ਬਣਾਇਆ ਹੋਇਆ ਹੈ, ਜਿਥੇ ਦੀ ਇਹ ਔਰਤ ਰਹਿਣ ਵਾਲੀ ਸੀ।
