Government picks IIT Bennett University: ਨਵੀਂ ਦਿੱਲੀ: ਕੋਵਿਡ-19 ਦੇ ‘ਸੁਰੱਖਿਅਤ ਅਤੇ ਪ੍ਰਭਾਵਸ਼ਾਲੀ ਬਾਇਓਮੇਡਿਕਲ ਹੱਲ’ ਨੂੰ ਤੁਰੰਤ ਵਿਕਸਿਤ ਕਰਨ ਲਈ ਬਾਇਓਟੈਕਨਾਲੌਜੀ ਵਿਭਾਗ ਨੇ 70 ਪ੍ਰਸਤਾਵਾਂ ਨੂੰ ਸਰਕਾਰ ਕੋਲ ਫੰਡਿੰਗ ਲਈ ਅੱਗੇ ਵਧਾਇਆ ਹੈ । ਇਹ ਪ੍ਰਸਤਾਵ IIT, ਬੇਨੇਟ ਯੂਨੀਵਰਸਿਟੀ, ਜੇਐਨਯੂ ਵਰਗੇ ਵਿਅਕਤੀਗਤ ਸੰਸਥਾਵਾਂ ਤੋਂ ਆਏ ਹਨ । ਇਹ ਪ੍ਰਸਤਾਵ ਕੋਰੋਨਾ ਵਾਇਰਸ ਦੇ ਟੀਕੇ ਵਿਕਸਤ ਕਰਨ ਤੋਂ ਲੈ ਕੇ ਡਾਕਟਰੀ ਉਪਕਰਣਾਂ, ਕੋਵਿਡ -19 ਦੀ ਜਾਂਚ ਅਤੇ ਇਲਾਜ ਦੇ ਤਰੀਕਿਆਂ ਨਾਲ ਜੁੜੇ ਹੋਏ ਹਨ ।
![Government picks IIT Bennett University](https://www.punjabi.dailypost.in/wp-content/uploads/2020/05/Q5-13.jpg)
ਇਨ੍ਹਾਂ ਪ੍ਰਸਤਾਵਾਂ ਵਿਚੋਂ 10 ਟੀਕੇ ਨਾਲ ਸਬੰਧਿਤ ਹਨ ਅਤੇ 34 ਡਾਈਗ੍ਰੋਸਟਿਕਸ ਦੇ ਉਤਪਾਦਾਂ ਨਾਲ ਸਬੰਧਿਤ ਹਨ. ਇੱਥੇ 10 ਪ੍ਰਸਤਾਵ ਅਜਿਹੇ ਹਨ ਜਿਨ੍ਹਾਂ ਵਿੱਚ ਇਲਾਜ ਦੇ ਤਰੀਕਿਆਂ ਦਾ ਸੁਝਾਅ ਦਿੱਤਾ ਗਿਆ ਹੈ । 2 ਪ੍ਰਸਤਾਵ ਪਹਿਲਾਂ ਤੋਂ ਮੌਜੂਦ ਹੋਰ ਬਿਮਾਰੀ ਦੀਆਂ ਦਵਾਈਆਂ ਦੀ ਵਰਤੋਂ ਲਈ ਹਨ । ਦਰਅਸਲ, ਬੇਨੇਟ ਯੂਨੀਵਰਸਿਟੀ ਦਾ ਪ੍ਰਸਤਾਵ ਡਾਇਗਨੌਸਟਿਕਸ ਨਾਲ ਸਬੰਧਿਤ ਹੈ, ਅਰਥਾਤ ਇਸ ਵਿੱਚ ਕੋਰੋਨਾ ਦੀ ਜਾਂਚ ਕਰਨਾ, ਇਸਦੇ ਲੱਛਣਾਂ ਦੀ ਜਾਂਚ ਕਰਨਾ ਆਦਿ ਸ਼ਾਮਿਲ ਹਨ ।
![Government picks IIT Bennett University](https://www.punjabi.dailypost.in/wp-content/uploads/2020/05/Q1-23.jpg)
ਇਸ ਸਬੰਧੀ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਬੇਨੇਟ ਯੂਨੀਵਰਸਿਟੀ ਦਾ ਪ੍ਰਸਤਾਵ ਡਾਇਗਨੌਸਟਿਕਸ ਨਾਲ ਜੁੜਿਆ ਹੋਇਆ ਹੈ, ਜੋ ਦੇਸ਼ ਵਿੱਚ ਜਾਂਚ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਦਾ ਹੈ। ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ ਨੇ ਕਿਹਾ ਹੈ ਕਿ ਬਾਇਓਟੈਕਨਾਲੌਜੀ ਵਿਭਾਗ (DBT) ਅਤੇ ਬਾਇਓਟੈਕਨਾਲੌਜੀ ਇੰਡਸਟਰੀ ਰਿਸਰਚ ਅਸਿਸਟੈਂਸ ਕੌਂਸਲ (BIRAC) ਨੇ ਬੇਨੇਟ ਯੂਨੀਵਰਸਿਟੀ ਦੇ ਪ੍ਰਸਤਾਵ ਸਮੇਤ ਹੋਰ ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ ।
![Government picks IIT Bennett University](https://www.punjabi.dailypost.in/wp-content/uploads/2020/05/Q3-24.jpg)
ਵਿਭਾਗ ਵੱਲੋਂ ਵੱਖ-ਵੱਖ ਅਦਾਰਿਆਂ ਤੋਂ ਕਈ ਪ੍ਰਸਤਾਵ ਪ੍ਰਾਪਤ ਹੋਏ ਜਿਨ੍ਹਾਂ ਦਾ ਮੁਲਾਂਕਣ ਅਤੇ ਪ੍ਰਵਾਨਗੀ ਦਿੱਤੀ ਗਈ ਜੋ ਅਨੁਕੂਲ ਲੱਗ ਰਹੇ ਸਨ । ਦੱਸ ਦੇਈਏ ਕਿ DBT ਅਤੇ BIRAC ਤੋਂ ਮਨਜ਼ੂਰੀ ਹਾਸਿਲ ਕਰਨ ਵਾਲੇ ਡਾਇਗਨੌਸਟਿਕ ਸ਼੍ਰੇਣੀ ਲਈ ਹੋਰ ਪ੍ਰਸਤਾਵਾਂ ਵਿੱਚ JNU, IIT ਦਿੱਲੀ ਅਤੇ IIT ਗੁਹਾਟੀ ਦੇ ਪ੍ਰਸਤਾਵ ਵੀ ਸ਼ਾਮਿਲ ਹਨ । ਇਹ ਪ੍ਰਸਤਾਵ ਵੱਡੇ ਪੈਮਾਨੇ ਦੀ ਸਕ੍ਰੀਨਿੰਗ ਤੋਂ ਲੈ ਕੇ ਪੇਪਰ ਮਾਈਕ੍ਰੋਫਲੂਡਿਕਸ ਤਕਨਾਲੋਜੀ, ਓਪਟੋ ਇਲੈਕਟ੍ਰੌਨਿਕ ਡਿਵਾਈਸਾਂ ਆਦਿ ਨਾਲ ਜੁੜੇ ਹੋਏ ਹਨ ।