ਕਿਹਾ ਜਾਂਦਾ ਹੈ ਕਿ ਉਮਰ ਦੇ ਨਾਲ ਸਭ ਕੁਝ ਬਦਲ ਜਾਂਦਾ ਹੈ ਪਰ ਚਰਖੀ ਦਾਦਰੀ ਦੀ 106 ਸਾਲਾ ਰਾਮਬਾਈ ਲਈ ਉਮਰ ਸਿਰਫ਼ ਇੱਕ ਨੰਬਰ ਹੈ। ਉਸ ਦੀ ਸਿਹਤ ਦਾ ਰਾਜ਼ ਘਰ ਦੇ ਬਣੇ ਦੁੱਧ, ਦਹੀਂ ਅਤੇ ਘਿਓ ਦਾ ਸੇਵਨ ਕਰਨ ਦੇ ਨਾਲ-ਨਾਲ ਖੇਤਾਂ ਦੀ ਮਿੱਟੀ ਵਿਚ ਰੋਜ਼ਾਨਾ ਕੰਮ ਕਰਨਾ ਹੈ। ਸਿਰਫ਼ ਤਿੰਨ ਸਾਲ ਦੇ ਕਰੀਅਰ ‘ਚ 100 ਗੋਲਡ ਮੈਡਲ ਜਿੱਤਣ ਵਾਲੀ ਰਾਮਬਾਈ ਆਪਣੀ ਬੇਟੀ ਅਤੇ ਦੋਹਤੀ ਨਾਲ ਪੰਚਕੂਲਾ ਸੈਕਟਰ-3 ਤਾਊ ਦੇਵੀ ਲਾਲ ਸਪੋਰਟਸ ਕੰਪਲੈਕਸ ‘ਚ 32ਵੀਂ ਹਰਿਆਣਾ ਸਟੇਟ ਮਾਸਟਰ ਐਥਲੈਟਿਕਸ ਮੀਟ ‘ਚ ਹਿੱਸਾ ਲੈ ਰਹੀ ਹੈ। ਰਾਮਬਾਈ ਦਸੰਬਰ ਵਿੱਚ 107 ਸਾਲ ਦੀ ਹੋ ਜਾਵੇਗੀ।
Haryana’s 106-year-old Rambai
ਦਾਦਰੀ ਜ਼ਿਲ੍ਹੇ ਦੇ ਪਿੰਡ ਕਦਮਾ ਦੀ 106 ਸਾਲਾ ਦੌੜਾਕ ਸੁਪਰ ਦਾਦੀ ਰਾਮਬਾਈ ਨੇ ਨਵੰਬਰ 2021 ਵਿੱਚ 104 ਸਾਲ ਦੀ ਉਮਰ ਵਿੱਚ ਵਾਰਾਣਸੀ ਤੋਂ ਆਪਣਾ ਖੇਡ ਕਰੀਅਰ ਸ਼ੁਰੂ ਕੀਤਾ ਸੀ। ਸਾਲ 2022 ਵਿੱਚ, ਉਸਨੇ 100 ਮੀਟਰ ਰੇਸ ਈਵੈਂਟ ਵਿੱਚ 45.47 ਸਕਿੰਟ ਦਾ ਨਵਾਂ ਰਿਕਾਰਡ ਬਣਾਇਆ, ਮਾਨ ਕੌਰ ਦਾ 74 ਸਕਿੰਟ ਦਾ ਰਿਕਾਰਡ ਤੋੜਿਆ। ਉਨ੍ਹਾਂ ਦੀ ਪੋਤੀ ਸ਼ਰਮੀਲਾ ਸਾਂਗਵਾਨ ਨੇ ਦੱਸਿਆ ਕਿ ਉਹ ਅਜਿਹੇ ਖਿਡਾਰੀਆਂ ਦੇ ਪਰਿਵਾਰ ਵਿੱਚੋਂ ਹੈ ਜਿਨ੍ਹਾਂ ਨੇ ਪਹਿਲਾਂ ਵੀ ਕਈ ਐਵਾਰਡ ਜਿੱਤੇ ਹਨ। ਉਸਨੇ ਕਿਹਾ ਕਿ ਉਹ ਇੱਕ ਸ਼ੁੱਧ ਸ਼ਾਕਾਹਾਰੀ ਹੈ, ਜੋ ਆਪਣੀ ਖੁਰਾਕ ਵਿੱਚ ਦੁੱਧ ਤੋਂ ਬਣੇ ਪਦਾਰਥਾਂ ਨੂੰ ਭਰਪੂਰ ਮਾਤਰਾ ਵਿੱਚ ਸ਼ਾਮਲ ਕਰਦੀ ਹੈ।
ਇਹ ਵੀ ਪੜ੍ਹੋ : ਮਸੀਹਾ ਬਣੇ ਮੁਹਮੰਦ ਸ਼ਮੀ ! ਨੈਨੀਤਾਲ ‘ਚ ਖਾਈ ‘ਚ ਡਿੱਗੀ ਸੀ ਕਾਰ, ਤੇਜ਼ ਗੇਂਦਬਾਜ਼ ਨੇ ਬਚਾਈ ਸ਼ਖਸ ਦੀ ਜਾਨ
ਰਾਮਬਾਈ ਦੀ ਦੋਹਤੀ ਨੇ ਦੱਸਿਆ ਕਿ ਉਸ ਦੀ ਦਾਦੀ ਸਵੇਰੇ ਚਾਰ ਵਜੇ ਉੱਠ ਕੇ ਖੇਤਾਂ ਦੇ ਕੱਚੇ ਰਸਤਿਆਂ ‘ਤੇ ਅਭਿਆਸ ਕਰਦੀ ਹੈ। ਇਸ ਸਮੇਂ ਦੌਰਾਨ, ਪਹਿਲਾਂ ਦੌੜਨ ਦਾ ਅਭਿਆਸ ਤੇ ਫਿਰ ਪੈਦਲ ਚੱਲਣ ਦੀ ਪ੍ਰੈਕਟਿਸ ਕਰਦੀ ਹੈ। ਇਸ ਉਮਰ ਵਿੱਚ ਵੀ ਉਹ ਹਰ ਰੋਜ਼ ਪੰਜ-ਛੇ ਕਿਲੋਮੀਟਰ ਦੌੜਦੀ ਹੈ। ਜ਼ਿਆਦਾਤਰ ਲੋਕ 90 ਸਾਲ ਦੀ ਉਮਰ ਤੱਕ ਪਹੁੰਚ ਕੇ ਮੰਜੇ ‘ਤੇ ਪੈ ਜਾਂਦੇ ਹਨ। ਇਸ ਦੇ ਉਲਟ ਰਾਮਬਾਈ 106 ਸਾਲ ਦੀ ਉਮਰ ਵਿੱਚ ਵੀ ਇੱਕ ਮਿਸਾਲ ਬਣ ਕੇ ਖੇਡਾਂ ਵਿੱਚ ਭਾਗ ਲੈ ਰਹੀ ਹੈ। ਰੋਜ਼ਾਨਾ 250 ਗ੍ਰਾਮ ਘਿਓ ਅਤੇ ਅੱਧਾ ਕਿਲੋ ਦਹੀਂ ਖਾਂਦੀ ਹੈ। ਉਹ ਦਿਨ ਵਿੱਚ ਦੋ ਵਾਰ 500 ਮਿਲੀਲੀਟਰ ਸ਼ੁੱਧ ਦੁੱਧ ਵੀ ਪੀਂਦੀ ਹੈ।
ਵੀਡੀਓ ਲਈ ਕਲਿੱਕ ਕਰੋ : –
