ਦੇਸ਼ ਦੇ ਚਾਰ ਧਾਮਾਂ ਵਿੱਚੋਂ ਇੱਕ 12ਵੀਂ ਸਦੀ ਵਿੱਚ ਬਣੇ ਓਡੀਸ਼ਾ ਦੇ ਪੁਰੀ ਜਗਨਨਾਥ ਮੰਦਿਰ ਹੈਰੀਟੇਜ ਕੋਰੀਡੋਰ (ਸ਼੍ਰੀਮੰਦਿਰ ਪ੍ਰੋਜੈਕਟ) ਦਾ ਕੰਮ ਪੂਰਾ ਹੋ ਗਿਆ ਹੈ। ਓਡੀਸ਼ਾ ਦੇ ਮੁੱਖ ਮੰਤਰੀ ਨਵੀਨ ਪਟਨਾਇਕ ਨੇ ਅੱਜ (17 ਜਨਵਰੀ) ਮੰਦਰ ਦੇ ਗਜਪਤੀ ਦਿਵਿਆਸਿੰਘ ਦੇਵ ਨਾਲ ਮਿਲ ਕੇ ਇਸ ਕੋਰੀਡੋਰ ਦਾ ਉਦਘਾਟਨ ਕੀਤਾ। ਓਡੀਸ਼ਾ ਸਰਕਾਰ ਨੇ ਉਦਘਾਟਨ ਪ੍ਰੋਗਰਾਮ ਲਈ ਭਾਰਤ ਅਤੇ ਨੇਪਾਲ ਦੇ ਇੱਕ ਹਜ਼ਾਰ ਮੰਦਿਰਾਂ ਨੂੰ ਸੱਦਾ ਦਿੱਤਾ ਸੀ।
Jagannath Temple Heritage Corridor
ਮੰਦਰ ਪ੍ਰਸ਼ਾਸਨ ਨੇ ਦੇਸ਼ ਦੇ ਚਾਰੇ ਸ਼ੰਕਰਾਚਾਰੀਆ, ਚਾਰ ਪਵਿੱਤਰ ਸਥਾਨਾਂ ਅਤੇ ਚਾਰ ਹੋਰ ਛੋਟੇ ਸਥਾਨਾਂ ਨੂੰ ਵੀ ਸੱਦਾ ਦਿੱਤਾ ਗਿਆ ਸੀ। ਇਸ ਦੇ ਨਾਲ ਹੀ ਨੇਪਾਲ ਦੇ ਰਾਜਾ ਨੂੰ ਵੀ ਸੱਦਾ ਭੇਜਿਆ ਸੀ। ਇਸ ਪ੍ਰਾਜੈਕਟ ਤਹਿਤ ਮੰਦਿਰ ਦੇ ਨਾਲ ਲੱਗਦੀ ਬਾਹਰੀ ਕੰਧ (ਮੇਘਨਾਦ ਪਚੇਰੀ) ਦੇ ਦੁਆਲੇ 75 ਮੀਟਰ ਚੌੜਾ ਗਲਿਆਰਾ ਬਣਾਇਆ ਗਿਆ ਹੈ।
Jagannath Temple Heritage Corridor
ਮੰਦਰ ਦੇ ਆਲੇ-ਦੁਆਲੇ 2 ਕਿਲੋਮੀਟਰ ਤੱਕ ਸ਼੍ਰੀਮੰਦਿਰ ਪਰਿਕਰਮਾ ਮਾਰਗ ਦਾ ਨਿਰਮਾਣ ਕੀਤਾ ਗਿਆ ਹੈ। ਇੱਥੋਂ ਸ਼ਰਧਾਲੂ ਮੰਦਰ ਦੇ ਸਿੱਧੇ ਦਰਸ਼ਨ ਕਰ ਸਕਣਗੇ। ਦਸੰਬਰ 2019 ‘ਚ ਸ਼ੁਰੂ ਕੀਤੇ ਗਏ ਇਸ ਪ੍ਰੋਜੈਕਟ ਦੇ ਤਹਿਤ ਬਣੇ ਰਿਸੈਪਸ਼ਨ ਸੈਂਟਰ ‘ਚ 6 ਹਜ਼ਾਰ ਸ਼ਰਧਾਲੂ ਇਕੱਠੇ ਖੜ੍ਹੇ ਹੋ ਸਕਣਗੇ। ਇੱਥੇ 4 ਹਜ਼ਾਰ ਪਰਿਵਾਰਾਂ ਲਈ ਲਾਕਰ ਰੂਮ, ਸ਼ੈਲਟਰ ਪਵੇਲੀਅਨ, ਮਲਟੀ-ਲੈਵਲ ਕਾਰ ਪਾਰਕਿੰਗ, ਪੁਲਿਸ ਅਤੇ ਫਾਇਰ ਬ੍ਰਿਗੇਡ ਅਤੇ ਐਮਰਜੈਂਸੀ ਲਈ ਸ਼ਟਲ ਬੱਸ ਵਰਗੀਆਂ ਸਹੂਲਤਾਂ ਮੁਹੱਈਆ ਕਰਵਾਈਆਂ ਗਈਆਂ ਹਨ।
ਇਹ ਵੀ ਪੜ੍ਹੋ : ਬਰਨਾਲਾ ਪੁਲਿਸ ਨੇ 4 ਚੋਰਾਂ ਨੂੰ ਕੀਤਾ ਗ੍ਰਿਫਤਾਰ, ਮੁਲਜ਼ਮਾਂ ਨੇ ਪ੍ਰਾਚੀਨ ਹਨੂੰਮਾਨ ਮੰਦਿਰ ‘ਚ ਕੀਤੀ ਸੀ ਚੋਰੀ
ਉਦਘਾਟਨ ਤੋਂ ਦੋ ਦਿਨ ਪਹਿਲਾਂ ਇੱਥੇ ਮਹਾਯੱਗ ਸ਼ੁਰੂ ਹੋ ਗਿਆ ਸੀ। ਅੱਜ ਇਸ ਨੂੰ ਰਸਮੀ ਤੌਰ ‘ਤੇ ਪੂਰਨਮਾਸ਼ੀ ਦੇ ਨਾਲ ਸ਼ਰਧਾਲੂਆਂ ਲਈ ਖੋਲ੍ਹ ਦਿੱਤਾ ਗਿਆ ਹੈ। 800 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣੇ ਇਸ ਪ੍ਰਾਜੈਕਟ ਦਾ ਮਕਸਦ 12ਵੀਂ ਸਦੀ ਦੇ ਜਗਨਨਾਥ ਮੰਦਰ ਨੂੰ ਵਿਸ਼ਵ ਵਿਰਾਸਤ ਵਿਚ ਸ਼ਾਮਲ ਕਰਨਾ ਹੈ।
ਵੀਡੀਓ ਲਈ ਕਲਿੱਕ ਕਰੋ –
