Love Storiyaan series Banned: ਕਰਨ ਜੌਹਰ ਆਪਣੀਆਂ ਵਿਲੱਖਣ ਕਹਾਣੀਆਂ ਲਈ ਜਾਣੇ ਜਾਂਦੇ ਹਨ। ਪਰਿਵਾਰਕ ਡਰਾਮਾ ਹੋਵੇ ਜਾਂ ਪ੍ਰੇਮ ਕਹਾਣੀ, ਨਿਰਮਾਤਾ-ਨਿਰਦੇਸ਼ਕ ਦਰਸ਼ਕਾਂ ਦਾ ਦਿਲ ਜਿੱਤਣਾ ਜਾਣਦੇ ਹਨ। ਹਾਲ ਹੀ ‘ਚ ਕਰਨ ਨੇ ਵੈਲੇਨਟਾਈਨ ਡੇਅ ਦੇ ਮੌਕੇ ‘ਤੇ ਸੱਚੀਆਂ ਪ੍ਰੇਮ ਕਹਾਣੀਆਂ ‘ਤੇ ਆਧਾਰਿਤ ਸੀਰੀਜ਼ ‘Love Storiyaan’ ਰਿਲੀਜ਼ ਕਰਕੇ ਆਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ।
Love Storiyaan series Banned
ਕਰਨ ਜੌਹਰ ਦੁਆਰਾ ਨਿਰਮਿਤ ‘Love Storiyaan’ 6 ਐਪੀਸੋਡਾਂ ਦੀ ਬਣੀ ਇੱਕ ਰੋਮਾਂਟਿਕ ਸੀਰੀਜ਼ ਹੈ। ਹਰ ਐਪੀਸੋਡ ਵਿੱਚ ਇੱਕ ਵੱਖਰੀ ਸੱਚੀ ਪ੍ਰੇਮ ਕਹਾਣੀ ਦਿਖਾਈ ਗਈ ਹੈ। ਹਾਲਾਂਕਿ, ਕਰਨ ਜੌਹਰ ਨੂੰ ਇਸ ਦੇ ਆਖਰੀ ਅਤੇ ਛੇਵੇਂ ਐਪੀਸੋਡ ਨੂੰ ਲੈ ਕੇ ਝਟਕਾ ਲੱਗਾ ਹੈ। ਦਰਅਸਲ, ਛੇਵੇਂ ਐਪੀਸੋਡ ‘ਤੇ ਕਈ ਦੇਸ਼ਾਂ ਵਿਚ ਪਾਬੰਦੀ ਲਗਾਈ ਗਈ ਹੈ। ‘Love Storiyaan’ ਦੇ ਛੇਵੇਂ ਐਪੀਸੋਡ ‘ਤੇ ਇਕ-ਦੋ ਨਹੀਂ ਸਗੋਂ ਪੰਜ ਦੇਸ਼ਾਂ ਵਿਚ ਪਾਬੰਦੀ ਲਗਾਈ ਗਈ ਹੈ। ਰਿਪੋਰਟ ਮੁਤਾਬਕ ਯੂਏਈ, ਸਾਊਦੀ ਅਰਬ, ਮਿਸਰ, ਇੰਡੋਨੇਸ਼ੀਆ ਅਤੇ ਤੁਰਕੀ ‘ਚ ਇਸ ‘ਤੇ ਪਾਬੰਦੀ ਲਗਾਈ ਗਈ ਹੈ। ਇਸ ਦਾ ਕਾਰਨ ਇੱਕ ਟਰਾਂਸਜੈਂਡਰ ਜੋੜੇ ਦੀ ਕਹਾਣੀ ਨੂੰ ਦਿਖਾਉਣਾ ਹੈ। ‘ਲਵ ਸਟੋਰੀਜ਼’ ਦੇ ਛੇਵੇਂ ਐਪੀਸੋਡ ਦਾ ਸਿਰਲੇਖ ‘ਲਵ ਬਾਇਓਂਡ ਲੇਬਲ’ ਹੈ।
‘Love Storiyaan’ ਤੋਂ ਇਲਾਵਾ ਕਰਨ ਜੌਹਰ ਜਲਦ ਹੀ ਇਕ ਨਵੀਂ ਵੈੱਬ ਸੀਰੀਜ਼ ਲਾਂਚ ਕਰਨ ਜਾ ਰਹੇ ਹਨ, ਜਿਸ ‘ਚ ਇਮਰਾਨ ਹਾਸ਼ਮੀ ਅਤੇ ਮੌਨੀ ਰਾਏ ਅਹਿਮ ਭੂਮਿਕਾਵਾਂ ਨਿਭਾਉਣਗੇ। ਇਸ ਤੋਂ ਇਲਾਵਾ ਕਰਨ ਕੋਲ ਸਲਮਾਨ ਖਾਨ ਨਾਲ ‘ਦਿ ਬੁੱਲ’, ‘ਮਿਸਟਰ ਐਂਡ ਮਿਸਿਜ਼ ਮਾਹੀ’, ‘ਮੇਰੇ ਮਹਿਬੂਬ ਮੇਰੇ ਸਨਮ’ ਅਤੇ ‘ਸਰਜ਼ਮੀਨ’ ਵਰਗੀਆਂ ਫਿਲਮਾਂ ਹਨ। ਪਿਛਲੀ ਵਾਰ ਉਨ੍ਹਾਂ ਨੇ ‘ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ’ ਦੇ ਰੂਪ ‘ਚ ਸੁਪਰਹਿੱਟ ਫਿਲਮ ਦਿੱਤੀ ਸੀ।
ਵੀਡੀਓ ਲਈ ਕਲਿੱਕ ਕਰੋ –
“ਖੁਸ਼ਖਬਰੀ ! ਕੈਨੇਡਾ ਦੇ Student Visa ‘ਚ ਬਦਲਾਅ ਤੋਂ ਬਾਅਦ ਵੀ ਆਸਾਨੀ ਨਾਲ ਜਾ ਸਕਦੇ ਓ ਕੈਨੇਡਾ !”
