ਟੈਸਲਾ ਆਪਣੀ ਆਟੋਪਾਇਲਟ ਕਾਰ ਲਈ ਪੂਰੀ ਦੁਨੀਆਂ ਵਿੱਚ ਮਸ਼ਹੂਰ ਹੈ। ਵੈਸੇ, ਅਜਿਹੀ ਤਕਨੀਕ ਵਾਲੀ ਕਾਰ ਅਜੇ ਤੱਕ ਭਾਰਤ ਨਹੀਂ ਆਈ ਪਰ ਸੋਸ਼ਲ ਮੀਡੀਆ ‘ਤੇ ਐਨੀ ਦਿਨਾਂ ਇੱਕ ਆਟੋਪਾਇਲਟ ਕਾਰ ਦੀ ਵੀਡੀਓ ਬਹੁਤ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਵੀਡੀਓ ਵਿੱਚ ਦੇਖਿਆ ਜਾ ਸਕਦਾ ਹੈ ਕਿ ਇੱਕ ਬਜ਼ੁਰਗ ਵਿਅਕਤੀ ਸਹਿ-ਡਰਾਈਵਰ ਦੀ ਸੀਟ ‘ਤੇ ਆਰਾਮ ਨਾਲ ਬੈਠਾ ਹੈ ਪਰ ਡਰਾਈਵਰ ਦੀ ਸੀਟ ‘ਤੇ ਕੋਈ ਨਹੀਂ।
ਵਾਇਰਲ ਹੋ ਰਹੀ ਇਹ ਵੀਡੀਓ ਤਾਮਿਲਨਾਡੂ ਦੀ ਹੈ। ਇਸ ਵੀਡੀਓ ਨੂੰ ਟੈਗੋਰ ਚੈਰੀ ਨਾਮ ਦੇ ਇੱਕ ਫੇਸਬੁੱਕ ਉਪਭੋਗਤਾ ਨੇ ਸਾਂਝਾ ਕੀਤਾ ਹੈ। ਇਸ ਵੀਡੀਓ ਕਲਿੱਪ ਦੀ ਸ਼ੁਰੂਆਤ ਵਿੱਚ, ਪ੍ਰੀਮੀਅਰ ਪਦਮਿਨੀ ਆਪਣੇ-ਆਪ ਹਾਈਵੇ ਤੇ ਚਲਦੀ ਦਿਖਾਈ ਦੇ ਰਹੀ ਹੈ। ਇੱਕ ਬਜ਼ੁਰਗ ਆਦਮੀ ਡਰਾਈਵਰ ਦੇ ਨਾਲ ਵਾਲੀ ਸੀਟ ਤੇ ਬੈਠਾ ਹੋਇਆ ਵੇਖਿਆ ਗਿਆ ਹੈ।
