snake goes in man pent: ਉੱਤਰ ਪ੍ਰਦੇਸ਼ ਦੇ ਮਿਰਜ਼ਾਪੁਰ ‘ਚ ਇੱਕ ਖੌਫਨਾਕ ਘਟਨਾ ਨੇ ਸਾਰਿਆਂ ਦੇ ਹੋਸ਼ ਉੜਾ ਦਿੱਤਾ ਹੈ। ਦਰਅਸਲ ਨੌਜਵਾਨ ਆਰਾਮ ਨਾਲ ਗੂੜ੍ਹੀ ਨੀਂਦ ਸੁੱਤਾ ਪਿਆ ਸੀ ਤੇ ਅਚਾਨਕ ਉਸਦੀ ਪੈਂਟ ‘ਚ ਜ਼ਹਿਰੀਲੇ ਸੱਪ ਵੜ੍ਹ ਗਿਆ। ਡਰ ‘ਚ ਚਾਰ ਘੰਟੇ ਤੱਕ ਬਿਨ੍ਹਾਂ ਹਿੱਲੇ ਖੜਾ ਓਥੇ ਹੀ ਰਿਹਾ। ਜਿਸ ਤੋਂ ਬਾਅਦ ਪੰਜ ਸਪੇਰਿਆਂ ਨੇ ਉਸਦੀ ਪੈਂਟ ‘ਚੋਂ ਸੱਪ ਨੂੰ ਬਾਹਰ ਕੱਢ ਨੌਜਵਾਨ ਦੀ ਜਾਨ ਬਚਾਈ। ਦੱਸ ਦੇਈਏ ਕਿ ਮਿਰਜ਼ਾਪੁਰ ਦੇ ਸਿਕੰਦਰਪੁਰ ਪਿੰਡ ‘ਚ ਪ੍ਰਧਾਨ ਮੰਤਰੀ ਸੌਭਾਗਿਆ ਯੋਜਨਾ ਤਹਿਤ ਬਿਜਲੀਕਰਨ ਦਾ ਕੰਮ ਚੱਲ ਰਿਹਾ ਸੀ।
ਪੂਰੀ ਘਟਨਾ ਦੀ ਜਾਣਕਾਰੀ ਦੇਂਦੀਆਂ ਨੌਜਵਾਨ ( ਲਵਲੇਸ਼ ਕੁਮਾਰ ) ਨੇ ਦੱਸਿਆ ਕਿ ਕੰਮ ਦੇ ਚਲਦੇ ਉਹ ਅਤੇ ਉਸਦੇ 7 ਹੋਰ ਸਾਥੀ ਓਥੇ ਹੀ ਜਮੀਨ ‘ਤੇ ਆਂਗਣਵਾੜੀ ਕੇਂਦਰ ‘ਚ ਵਿੱਚ ਠਹਿਰ ਗਏ। ਰਾਤ ਨੂੰ ਰੋਟੀ ਖਾਣ ਮਗਰੋਂ ਸਭ ਓਥੇ ਹੀ ਬਿਸਤਰਾ ਵਛਾ ਕੇ ਸੋ ਗਏ , ਅਚਾਨਕ ਜ਼ਹਿਰੀਲਾ ਸੱਪ ਪੈਂਟ ਵਿੱਚ ਵੜ੍ਹ ਗਿਆ। ਡਰਦੇ ਡਰਦੇ ਉਸਨੇ ਆਪਣੇ ਨਾਲ ਸੌਂ ਰਹੇ ਕਾਮਿਆਂ ਉਠਾਇਆ ਅਤੇ ਘਟਨਾ ਦੀ ਜਾਣਕਾਰੀ ਦਿੱਤੀ , ਉਹਨਾਂ ਨੇ ਉਸਦੀ ਪੈਂਟ ਨੂੰ ਢਿੱਲਾ ਕੀਤਾ ਅਤੇ ਉਹ ਖੰਭੇ ਦੇ ਸਹਾਰੇ ਨਾਲ ਖੜਾ ਹੋਇਆ । ਪੂਰੀ ਰਾਤ ਬਿਨਾਂ ਹਿੱਲੇ ਖੜਾ ਰਿਹਾ ਅਤੇ ਸਪੇਰਾ ਨੇ ਸਵੇਰੇ ਆਕੇ ਸੱਪ ਫੜ੍ਹਣ ਦੀ ਕੋਸ਼ਿਸ਼ ‘ਚ ਡਰਦੇ ਡਰਦੇ ਪੈਂਟ ਨੂੰ ਕੱਟਣ ਦਾ ਫੈਸਲਾ ਕੀਤਾ।ਜੀਨਸ ਦੀ ਪੈਂਟ ਨੂੰ ਹੌਲੀ ਹੌਲੀ ਬਲੇਡ ਨਾਲ ਕੱਟ ਕੇ ਸੱਪ ਨੂੰ ਬਾਹਰ ਕੱਢਿਆ ਗਿਆ।
