Bihar counting early trends: ਅੱਜ ਬਿਹਾਰ ਵਿਧਾਨ ਸਭਾ ਚੋਣਾਂ ਦੀਆਂ ਵੋਟਾਂ ਦੀ ਗਿਣਤੀ ਚੱਲ ਰਹੀ ਹੈ। ਕਦੇ ਮਹਾਂਗਠਜੋੜ ਵੋਟਾਂ ਦੀ ਗਿਣਤੀ ਵਿੱਚ ਅੱਗੇ ਹੁੰਦਾ ਹੈ ਅਤੇ ਕਦੇ ਐਨ.ਡੀ.ਏ। ਨਿਤੀਸ਼ ਕੁਮਾਰ ਅਤੇ ਭਾਜਪਾ ਤਾਜ਼ਾ ਰੁਝਾਨਾਂ ਵਿੱਚ ਮੋਹਰੀ ਹਨ। ਹੁਣ ਭਾਜਪਾ, ਜੇਡੀਯੂ ਵਾਲੇ ਐਨਡੀਏ ਨੇ ਬਿਹਾਰ ਚੋਣਾਂ ਦੇ ਰੁਝਾਨਾਂ ਵਿੱਚ ਵੱਡੀ ਲੀਡ ਬਣਾ ਲਈ ਹੈ। ਬਿਹਾਰ ਵਿੱਚ ਵੋਟਾਂ ਦੀ ਗਿਣਤੀ ਸਵੇਰੇ 8 ਵਜੇ ਸ਼ੁਰੂ ਹੋਈ ਅਤੇ ਜਾਰੀ ਹੈ। ਵੋਟਾਂ ਦੀ ਗਿਣਤੀ ਦੇ ਨਵੇਂ ਰੁਝਾਨ ਰਾਜ ਦੀ ਨਿਤੀਸ਼ ਸਰਕਾਰ ਨੂੰ ਵਾਪਿਸ ਲਿਆ ਰਹੇ ਹਨ। ਪਰ ਇਹ ਇਸ ਸਮੇਂ ਸਿਰਫ ਰੁਝਾਨ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਜਦੋਂ ਵੋਟਾਂ ਦੀ ਗਿਣਤੀ ਸ਼ੁਰੂ ਹੋਈ ਤਾਂ ਮਹਾਂਗਠਜੋੜ ਨੇ ਵੱਡੀ ਲੀਡ ਬਣਾ ਲਈ ਸੀ ਪਰ ਕੁੱਝ ਘੰਟਿਆਂ ਬਾਅਦ ਹੀ ਸਥਿਤੀ ਬਦਲ ਗਈ। ਅਜਿਹੇ ਉਲਟਫੇਰ ਫਿਰ ਵੇਖੇ ਜਾ ਸਕਦੇ ਹਨ। ਪੜ੍ਹੋ ਕਿਹੜੀਆਂ ਸੀਟਾਂ ਸਮੀਕਰਨ ਨੂੰ ਬਦਲ ਸਕਦੀਆਂ ਹਨ- ਦੁਪਹਿਰ 1 ਵਜੇ ਤੱਕ, 166 ਸੀਟਾਂ ‘ਤੇ ਵੋਟਾਂ ਦਾ ਫਰਕ 5,000 ਤੋਂ ਘੱਟ ਸੀ। ਜਦਕਿ 123 ਸੀਟਾਂ ‘ਤੇ ਵੋਟਾਂ ਦਾ ਅੰਤਰ 3000 ਤੋਂ ਘੱਟ ਹੈ। 80 ਸੀਟਾਂ ‘ਤੇ ਇਹ ਅੰਤਰ ਸਿਰਫ 2000 ਤੋਂ ਘੱਟ ਹੈ। 49 ਸੀਟਾਂ ਲਈ ਵੋਟਾਂ ਦਾ ਇਹ ਅੰਤਰ 1000 ਤੋਂ ਵੀ ਘੱਟ ਹੈ। ਇੱਥੇ 500 ਸੀਟਾਂ ਤੋਂ ਘੱਟ ਦੇ ਫਰਕ ਨਾਲ 20 ਸੀਟਾਂ ਹਨ ਜਦਕਿ 7 ਸੀਟਾਂ ਅਜਿਹੀਆਂ ਹਨ ਜਿਥੇ ਵੋਟਾਂ ਦਾ ਫ਼ਰਕ 200 ਤੋਂ ਵੀ ਘੱਟ ਹੈ। ਸਪੱਸ਼ਟ ਹੈ, ਇਹ ਸੀਟਾਂ ਕਿਸੇ ਵੀ ਸਮੇਂ ਰੁਝਾਨ ਨੂੰ ਬਦਲ ਸਕਦੀਆਂ ਹਨ।
ਇਸ ਵਾਰ ਚੋਣ ਨਤੀਜਿਆਂ ਵਿੱਚ ਹੋ ਸਕਦੀ ਹੈ ਦੇਰੀ- ਚੋਣ ਕਮਿਸ਼ਨ ਦੇ ਸੂਤਰਾਂ ਅਨੁਸਾਰ, ਇਸ ਵਾਰੀ ਰੁਝਾਨਾਂ ਅਤੇ ਨਤੀਜਿਆਂ ਵਿੱਚ ਥੋੜੀ ਦੇਰੀ ਹੋ ਸਕਦੀ ਹੈ ਕਿਉਂਕਿ ਇਸ ਵਾਰ ਕੋਰੋਨਾ ਨੂੰ ਧਿਆਨ ਵਿੱਚ ਰੱਖਦਿਆਂ ਪੋਲਿੰਗ ਸਟੇਸ਼ਨਾਂ ਦੀ ਗਿਣਤੀ 72,723 ਤੋਂ ਵੱਧ ਕੇ 1,06,515 ਹੋ ਗਈ ਹੈ। ਪੋਲਿੰਗ ਸਟੇਸ਼ਨਾਂ ਵਿੱਚ 46.5 ਫ਼ੀਸਦੀ ਦਾ ਵਾਧਾ ਕੋਰੋਨਾ ਮਹਾਂਮਾਰੀ ਦੇ ਮੱਦੇਨਜ਼ਰ ਸਮਾਜਿਕ ਦੂਰੀਆਂ ਦੇ ਉਪਾਵਾਂ ਦੀ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਕੀਤਾ ਗਿਆ ਹੈ। ਬਿਹਾਰ ਦੀਆਂ 243 ਵਿਧਾਨ ਸਭਾ ਸੀਟਾਂ ਦੇ ਸ਼ੁਰੂਆਤੀ ਰੁਝਾਨਾਂ ਵਿੱਚ ਐਨਡੀਏ ਦੀ ਸਰਕਾਰ ਬਣਦੀ ਪ੍ਰਤੀਤ ਹੋ ਰਹੀ ਹੈ। ਤਾਜ਼ਾ ਜਾਣਕਾਰੀ ਅਨੁਸਾਰ ਐਨਡੀਏ 127 ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਜਦਕਿ ਗ੍ਰੈਂਡ ਅਲਾਇੰਸ ਦੀ 103 ਸੀਟਾਂ ਤੋਂ ਵੱਧ ‘ਤੇ ਲੀਡ ਹੈ। ਭਾਜਪਾ ਰਾਜ ਦੀ ਸਭ ਤੋਂ ਵੱਡੀ ਪਾਰਟੀ ਵਜੋਂ ਉੱਭਰੀ ਹੈ। ਇਸ ਸਮੇਂ ਭਾਜਪਾ 73 ਸੀਟਾਂ ‘ਤੇ ਅੱਗੇ ਚੱਲ ਰਹੀ ਹੈ। ਜਦਕਿ ਆਰਜੇਡੀ ਦੂਜੀ ਵੱਡੀ ਪਾਰਟੀ ਹੈ। ਰਾਜਦ ਇਸ ਸਮੇਂ 64 ਸੀਟਾਂ ‘ਤੇ ਅੱਗੇ ਹੈ।
ਇਹ ਵੀ ਦੇਖੋ : ਬਠਿੰਡਾ ਚ Dengue ਦਾ ਕਹਿਰ,ਦੇਖੋ ਸਿਵਲ ਹਸਪਤਾਲ ਦੇ ਵਾਰਡ ਦਾ ਹਾਲ
