ਸ਼ਹਿਰ ਦੀ ਭੱਜਦੌੜ ਤੋਂ ਥੋੜ੍ਹਾ ਸਕੂਨ ਪਾਉਣ ਲਈ ਕਈ ਲੋਕ ਪਾਰਕ ਜਾਂ ਬਗੀਚੇ ਵਿਚ ਘੁੰਮਣਾ ਪਸੰਦ ਕਰਦੇ ਹਨ ਪਰ ਭਾਰਤ ਦੀ ਸਟਾਰਟਅੱਪ ਰਾਜਧਾਨੀ ਬੇਂਗਲੁਰੂ ਵਿਚ ਨਵਾਂ ਬਿਜ਼ਨੈੱਸ ਸ਼ੁਰੂ ਹੋਇਆ ਹੈ, ਜੋ ਇਸੇ ਜ਼ਰੂਰਤ ਦਾ ਫਾਇਦਾ ਚੁੱਕ ਕੇ ਪੈਸਾ ਕਮਾਉਣਾ ਚਾਹੁੰਦਾ ਹੈ। ਇਸੇ ਵਜ੍ਹਾ ਤੋਂ ਆਨਲਾਈਨ ਕਾਫੀ ਚਰਚਾ ਹੋ ਰਹੀ ਹੈ। ਦਰਅਸਲ ਸੋਸ਼ਲ ਮੀਡੀਆ ‘ਤੇ ਇਕ ਸਕ੍ਰੀਨਸ਼ਾਟ ਵਾਇਰਲ ਹੋਇਆ ਹੈ ਜਿਸ ਵਿਚ ਫਾਰੈਸਟ ਬਾਥਿੰਗ ਐਕਸਪੀਰੀਅੰਸ ਦੇ ਟਿਕਟ 1500 ਰੁਪਏ ਦੀ ਉੱਚੀ ਕੀਮਤ ‘ਤੇ ਵੇਚੇ ਜਾ ਰਹੇ ਹਨ। ਵਾਇਰਲ ਸਕ੍ਰੀਨਸ਼ਾਟ ਵਿਚ 28 ਅਪ੍ਰੈਲ ਨੂੰ ਹੋਣ ਵਾਲੇ ਫਾਰੈਸਟ ਬਾਥਿੰਗ ਐਕਸਪੀਰੀਅੰਸ ਪ੍ਰੋਗਰਾਮ ਦੇ ਟਿਕਟ ਵਿਕ ਰਹੇ ਹਨ।
ਇਹ ਪ੍ਰੋਗਰਾਮ ਬੇਂਗਲੁਰੂ ਦੇ ਕੱਬਨ ਪਾਰਕ ਵਿਚ ਹੋਵੇਗਾ ਅਤੇ ਇਸ ਵਿਚ ਸੈਰ ਕਰਨ ਦੇ ਨਾਲ-ਨਾਲ ਤਣਾਅ ਘੱਟ ਕਰਨ ਤੇ ਨਜ਼ਰੀਆ ਬਦਲਣ ਵਾਲੀਆਂ ਗਤੀਵਿਧੀਆਂ ਵੀ ਸ਼ਾਮਲ ਹਨ। ਇਸ ਦੀ ਖਾਸ ਗੱਲ ਇਹ ਹੈ ਕਿ ਟਿਕਟ ਦੀ ਕੀਮਤ 1500 ਰੁਪਏ ਹੈ। ਆਨਲਾਈਨ ਯੂਜਰਸ ਨੂੰ ਹੈਰਾਨੀ ਹੋ ਰਹੀ ਹੈ ਕੀ ਅਸੀਂ ਉਹ ਖੁਦ ਮੁਫਤ ਵਿਚ ਨਹੀਂ ਕਰ ਸਕਦੇ ਪਰ ਇਹ ਗੱਲ ਇਥੇ ਖਤਮ ਨਹੀਂ ਹੁੰਦੀ। ਇਸ ਪ੍ਰੋਗਰਾਮ ਵਿਚ ਸਿਰਫ ਇਕ ਹੀ ਸੀਟ ਸੀ ਤੇ ਉਹ ਵੀ ਵਿਕ ਚੁੱਕੀ ਹੈ। ਇਸ ‘ਤੇ ਲੋਕਾਂ ਨੇ ਕਈ ਮਜ਼ੇਦਾਰ ਕਮੈਂਟ ਕੀਤੇ। ਕੁਝ ਲੋਕਾਂ ਨੇ ਇਸ ਨੂੰ ਬਾਜ਼ਾਰ ਦਾ ਨਵਾਂ ਫਰਜ਼ੀਪਨ ਦੱਸਿਆ।
ਇਹ ਵੀ ਪੜ੍ਹੋ : ਪਾਠ ਕਰਦੇ ਗ੍ਰੰਥੀ ਨੂੰ ਆਇਆ ਅਟੈ.ਕ, ਹੋਇਆ ਰੱਬ ਨੂੰ ਪਿਆਰਾ, ਘਟਨਾ CCTV ‘ਚ ਕੈਦ
ਇਹ ਚਰਚਾ ਹੋਰ ਵਧਦੀ ਗਈ। ਕਈ ਲੋਕਾਂ ਨੂੰ ਫਾਰੈਸਟ ਬਾਥਿੰਗ ਦੇ ਕਾਂਸੈਪਟ ‘ਤੇ ਮਜ਼ਾਕ ਕਰਨ ਦਾ ਮੌਕਾ ਮਿਲ ਗਿਆ। ਕੁਝ ਨੇ ਤਾਂ ਇਹ ਕਹਿ ਦਿੱਤਾ ਕਿ ਬੇਂਗਲੁਰੂ ਵਿਚ ਪਾਣੀ ਦੀ ਸਮੱਸਿਆ ਕਾਫੀ ਗੰਭੀਰ ਹੈ ਪਰ ਜੋ ਲੋਕ ਇਸ ਤੋਂ ਅਨਜਾਣ ਹਨ ਤੇ ਹੈਰਾਨ ਹੈ ਉਨ੍ਹਾਂ ਨੂੰ ਦੱਸ ਦੇਈਏ ਕਿ ਫਾਰੈਸਟ ਬਾਥਿੰਗ ਅਸਲ ਵਿਚ ਇਕ ਜਾਪਾਨੀ ਪ੍ਰੰਪਰਾ ‘ਸ਼ਿਨਰਿਨ ਯੋਕੂ’ ਹੈ ਜੋ ਕੁਦਰਤ ਦੇ ਆਰਾਮ ਰੁਕਾਵਟ ਪਾਉਣ ਇਕ ਤਰੀਕਾ ਹੈ। ਇਸ ਵਿਚ ਹੌਲੀ-ਹੌਲੀ ਦਰੱਖਤਾਂ ਦੇ ਵਿਚ ਸ਼ਾਂਤ ਚਿੰਤਨ ਕਰਨਾ, ਡੂੰਘਾ ਸਾਹ ਲੈਣਾ ਤੇ ਆਸ-ਪਾਸ ਦੇ ਵਾਤਾਵਰਣ ਨੂੰ ਗੌਰ ਨਾਲ ਦੇਖਣ ਵਰਗੀਆਂ ਗਤੀਵਿਧੀਆਂ ਸ਼ਾਮਲ ਹੁੰਦੀਆਂ ਹਨ। ਇਹ ਗਤੀਵਿਧੀਆਂ ਸਿਰਫ 10-15 ਮਿੰਟ ਤੋਂ ਲੈ ਕੇ ਕਈ ਦਿਨਾਂ ਜਾਂ ਹਫਤਿਆਂ ਤੱਕ ਚੱਲ ਸਕਦੀਆਂ ਹਨ।
