london lockodown new strain virus spreads: ਬ੍ਰਿਟੇਨ ‘ਚ ਕੋਰੋਨਾ ਵਾਇਰਸ ਦੇ ਹਾਲਾਤ ਬੇਹੱਦ ਗੰਭੀਰ ਹੁੰਦੇ ਜਾ ਰਹੇ ਹਨ।ਦੱਖਣੀਪੂਰਬ ‘ਚ ਰਹਿਣ ਵਾਲੇ 1 ਕਰੋੜ ਲੋਕਾਂ ‘ਤੇ ਟਿਯਰ-3 ਸ਼ੱਟਡਾਊਨ ਲਾਗੂ ਕਰ ਦਿੱਤਾ ਗਿਆ ਹੈ।ਦੇਸ਼ ਦੇ ਸਿਹਤ ਮੰਤਰੀ ਮੈਟ ਹੇਕਕਾਕ ਨੇ ਚਿਤਾਵਨੀ ਦਿੱਤੀ ਹੈ ਕਿ ਕੋਰੋਨਾ ਵਾਇਰਸ ਦਾ ਨਵਾਂ ਸਟ੍ਰੇਨ ਤੇਜੀ ਫੜ ਰਿਹਾ ਹੈ।ਇਸ ਦੇ ਨਾਲ ਹੀ ਲਾਕਡਾਊਨ ਦਾ ਐਲਾਨ ਕਰ ਦਿੱਤਾ ਗਿਆ ਹੈ।ਹੈਨਕਾਕ ਨੇ ਸੰਸਦ ‘ਚ ਦੱਸਿਆ ਲੰਦਨ ‘ਚ ਇਹ ਨਿਯਮ ਬੁੱਧਵਾਰ ਸਵੇਰ ਤੋਂ ਲਾਗੂ ਹੋਣਗੇ।ਇਸ ਤੋਂ ਬਾਅਦ ਇੱਕ ਵਾਰ ਫਿਰ ਵਪਾਰ ਨੂੰ ਝਟਕਾ ਲੱਗਣ ਦੀ ਆਸ਼ੰਕਾ ਹੈ।ਲੰਡਨ ਤੋਂ ਇਲਾਵਾ ਹਾਰਟਫੋਰਡਸ਼ਾਇਰ ਅਤੇ ੲਸੇਕਸ ਵੀ ਲਾਕਡਾਊਨ ‘ਚ ਜਾਣਗੇ।ਇਸ ਦੇ ਨਾਲ ਹੀ ਦੇਸ਼ ਦੀ 60 ਫੀਸਦੀ ਆਬਾਦੀ ‘ਤੇ ਇਹ ਪ੍ਰਤੀਬੰਧ ਲਾਗੂ ਹੋਣਗੇ।ਹਾਲਾਂਕਿ, ਹੈਨਕਾਕ ਦਾ ਕਹਿਣਾ ਹੈ ਕਿ ਇਨ੍ਹਾਂ ‘ਚ 23 ਦਸੰਬਰ ਨੂੰ ਢਿੱਲ ਦਿੱਤੀ ਜਾਵੇਗੀ।
ਬ੍ਰਿਟੇਨ ‘ਚ ਸੋਮਵਾਰ ਨੂੰ 20,263 ਮਾਮਲੇ ਸਾਹਮਣੇ ਆਏ ਹਨ ਜੋ ਪਿਛਲੇ ਸੋਮਵਾਰ ਦੀ ਤੁਲਨਾ ‘ਚ ਇੱਕ ਤਿਹਾਈ ਜਿਆਦਾ ਹੈ।ਹੈਨਕਾਕ ਨੇ ਕਿਹਾ ਕਿ ਇਹ ਪਹਿਲਾਂ ਤੋਂ ਪਤਾ ਹੈ ਕਿ ਵਾਇਰਸ ਵਿਰੁੱਧ ਸਭ ਤੋਂ ਵੱਡਾ ਹਥਿਆਰ ਸਖਤ ਕਾਰਵਾਈ ਹੈ ਨਾ ਕਿ ਇੰਤਜ਼ਾਰ।ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਅੱਗੇ ਦੀ ਕਾਰਵਾਈ ਤੋਂ ਇੰਨਕਾਰ ਨਹੀਂ ਕੀਤਾ ਜਾ ਸਕਦਾ ਹੈ।ਹੈਨਕਾਕ ਨੇ ਕ੍ਰਿਸਮਿਸ ‘ਤੇ ਦੋਸਤਾਂ-ਮਿੱਤਰਾਂ ਨਾਲ ਮਿਲਣ ਨੂੰ ਲੈ ਕੇ ਵੀ ਚਿਤਾਵਨੀ ਦਿੱਤੀ ਹੈ ਅਤੇ ਕਿਹਾ ਕਿ ਲੋਕਾਂ ਨੂੰ ਇਸ ਨੂੰ ਲੈ ਕੇ ਸਤਰਕ ਰਹਿਣਾ ਚਾਹੀਦਾ ਹੈ ਕਿ ਉਹ ਕਿਸ ਨੂੰ ਮਿਲ ਰਹੇ ਹਨ।ਹੈਨਕਾਕ ਨੇ ਦਾਅਵਾ ਕੀਤਾ ਹੈ ਕਿ ਵਿਗਿਆਨਕਾਂ ਨੂੰ ਵਾਇਰਸ ਦਾ ਨਵਾਂ ਸਟ੍ਰੇਨ ਮਿਲਿਆ ਹੈ ਜੋ ਬ੍ਰਿਟੇਨ ‘ਚ ਇਸ ਦੇ ਤੇਜੀ ਨਾਲ ਫੈਲਣ ਦਾ ਕਾਰਨ ਹੈ।ਉਨ੍ਹਾਂ ਨੇ ਕਿਹਾ ਕਿ ਸ਼ੁਰੂਆਤੀ ਸਬੂਤਾਂ ਤੋਂ ਪਤਾ ਲੱਗਾ ਹੈ ਕਿ ਇਹ ਪਹਿਲਾਂ ਦੇ ਸਟ੍ਰੇਨ ਦੇ ਮੁਕਾਬਲੇ ਤੇਜੀ ਨਾਲ ਵੱਧ ਰਿਹਾ ਹੈ।ਹਾਲਾਂਕਿ ਉਨ੍ਹਾਂ ਨੇ ਸੰਕੇਤ ਦਿੱਤਾ ਹੈ ਕਿ ਇਹ ਜਿਆਦਾ ਭਿਆਨਕ ਨਹੀਂ ਹੈ ਅਤੇ ਇਸ ਗੱਲ ਦੀ ਚਿੰਤਾ ਵੀ ਘੱਟ ਹੈ ਕਿ ਵੈਕਸੀਨ ਦਾ ਇਸ ‘ਤੇ ਅਸਰ ਨਹੀਂ ਹੋਵੇਗਾ।ਦੂਜੇ ਪਾਸੇ ਇਸ ਤੋਂ ਪਹਿਲਾਂ ਬ੍ਰਿਟੇਨ ਅਜਿਹਾ ਪਹਿਲਾ ਦੇਸ਼ ਬਣਿਆ ਸੀ ਜਿਥੇ ਟ੍ਰਾਇਲ ਦੇ ਬਾਹਰ ਲੋਕਾਂ ਨੂੰ ਕੋਰੋਨਾ ਵਾਇਰਸ ਦੀ ਵੈਕਸੀਨ ਦਿੱਤੀ ਗਈ।ਅਮਰੀਕੀ ਕੰਪਨੀ ਫ੍ਰੀਜ਼ਰ ਅਤੇ ਉਸਦੀ ਜਰਮਨ ਪਾਰਟਨਰ ਬਾਇਓਟਿਕ ਦੀ ਐੱਮਆਰਐੱਨਏ ਵੈਕਸੀਨ ਦੇਣ ਲਈ ਕਰੀਬ 8 ਲੱਖ ਲੋਕਾਂ ਨੂੰ ਪਹਿਲੇ ਪੜਾਅ ‘ਚ ਨਿਸ਼ਾਨਾ ਬਣਾਇਆ ਗਿਆ ਹੈ।ਇਹ ਵੈਕਸੀਨ ਫਿਲਹਾਲ ਅਜਿਹੇ ਲੋਕਾਂ ਨੂੰ ਦਿੱਤੀ ਜਾਵੇਗੀ ਜਿਨ੍ਹਾਂ ਨੂੰ ਵਾਇਰਸ ਦਾ ਖਤਰਾ ਵੱਧ ਹੋਵੇਗਾ।
Rajewal ਦੇ ਬਿਆਨ ਤੋਂ ਖੜੇ ਹੋਏ ਬਵਾਲ ‘ਤੇ ਬੋਲੇ ਰੁਲਦੂ ਸਿੰਘ ਮਾਨਸਾ, ਮੁਆਫ਼ੀ ਮੰਗਦੇ ਸੁਣੋ ਕੀ ਕਿਹਾ…
