PM Modi to flag off Ro-Pax: ਦੇਸ਼ ਦੀ ਪਹਿਲੀ ਸੀ-ਪਲੇਨ ਸਰਵਿਸ ਦੀ ਸ਼ੁਰੂਆਤ ਕਰਨ ਤੋਂ ਬਾਅਦ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਹੁਣ 8 ਨਵੰਬਰ ਨੂੰ ਸੂਰਤ ਦੇ ਹਜੀਰਾ ਤੋਂ ਭਵਾਨਗਰ ਦੇ ਘੋਗਾ ਵਿਚਾਲੇ ਪਹਿਲੀ ਰੋ-ਪੈਕਸ ਫੈਰੀ ਸੇਵਾ ਸ਼ੁਰੂ ਕਰਨ ਜਾ ਰਹੇ ਹਨ। ਪੀਐਮ ਮੋਦੀ ਡਿਜੀਟਲ ਲਾਂਚਿੰਗ ਰਾਹੀਂ ਇਹ ਸ਼ੁਰੂਆਤ ਕਰਨਗੇ । ਗੁਜਰਾਤ ਵਿੱਚ ਰੋ-ਪੈਕਸ ਫੈਰੀ ਦੀ ਇਹ ਦੂਜੀ ਸੇਵਾ ਹੋਵੇਗੀ । ਹਜੀਰਾ ਤੋਂ ਘੋਘਾ ਵਿਚਾਲੇ ਰੋ-ਪੈਕਸ ਫੇਰੀ ਸੇਵਾ ਸ਼ੁਰੂ ਹੋਣ ਤੋਂ ਪਹਿਲਾਂ ਇਸਦਾ ਟ੍ਰਾਇਲ ਹੋਣਾ ਸੀ ਅਤੇ ਰੋ-ਪੈਕਸ ਫੈਰੀ ਭਾਵਨਗਰ ਤੋਂ ਹਜੀਰਾ ‘ਤੇ ਪਹੁੰਚਣੀ ਸੀ, ਪਰ ਪਹਿਲਾਂ ਹੀ ਵਿਚਾਲੇ ਸਮੁੰਦਰ ਵਿੱਚ ਜਹਾਜ਼ ਬੰਦ ਹੋ ਗਿਆ। ਜਿਸ ਕਾਰਨ 11 ਵਜੇ ਹਜੀਰਾ ‘ਤੇ ਜਹਾਜ਼ ਦਾ ਟ੍ਰਾਇਲ ਹੋਣਾ ਸੀ, ਪਰ ਜਹਾਜ਼ ਦੇਰ ਸ਼ਾਮ ਪਹੁੰਚਿਆ ।
ਦਰਅਸਲ, ਰੋ-ਪੈਕਸ ਫੇਰੀ ਸੇਵਾ ਦੀ ਸ਼ੁਰੂਆਤ ਹੋਣ ਨਾਲ ਹਜੀਰਾ ਤੋਂ ਘੋਘਾ ਸਿਰਫ 4 ਘੰਟਿਆਂ ਵਿੱਚ ਹਜੀਰਾ ਤੋਂ ਪਹੁੰਚਿਆ ਜਾ ਸਕਦਾ ਹੈ। ਇਹ ਫੇਰੀ ਦਿਨ ਵਿੱਚ ਤਿੰਨ ਟ੍ਰਿਪ ਲਗਾਏਗੀ। ਇਸ ਨਾਲ ਯਾਤਰੀਆਂ ਅਤੇ ਗੱਡੀਆਂ ਦੀ ਆਵਾਜਾਈ ਵੀ ਹੋ ਸਕੇਗੀ। ਹਜੀਰਾ ਤੋਂ ਘੋਘਾ ਦੇ ਵਿਚਕਾਰ ਦੀ ਸੜਕ ਤੋਂ ਜਿੱਥੇ 380 ਕਿਲੋਮੀਟਰ ਦਾ ਸਫ਼ਰ ਹੁੰਦਾ ਹੈ, ਜਦੋਂ ਕਿ ਸਮੁੰਦਰੀ ਰਸਤੇ ਰੋ-ਪੈਕਸ ਫੇਰੀ ਰਾਹੀਂ ਇਹ ਸਫ਼ਰ ਸਿਰਫ 80 ਕਿਲੋਮੀਟਰ ਦਾ ਹੋ ਜਾਵੇਗਾ । ਇਸ ਸੇਵਾ ਦੀ ਸ਼ੁਰੂਆਤ ਹਰ ਦਿਨ ਲਗਭਗ 9 ਹਜ਼ਾਰ ਲੀਟਰ ਤੇਲ ਦੀ ਬਚਤ ਹੋਵੇਗੀ ਅਤੇ ਯਾਤਰੀਆਂ ਦਾ ਸਫ਼ਰ 10 ਘੰਟਿਆਂ ਦੀ ਬਜਾਏ ਸਿਰਫ 4 ਘੰਟਿਆਂ ਵਿੱਚ ਪੂਰਾ ਹੋ ਜਾਵੇਗਾ।
ਦੱਸ ਦੇਈਏ ਕਿ ਰੋ-ਪੈਕਸ ਫੇਰੀ ਵੇਸਲ ਵਿੱਚ ਤਿੰਨ ਵੱਖ-ਵੱਖ ਡੈਕ ਹਨ, ਜਿਸਦੇ ਮੁੱਖ ਡੈਕ ਵਿੱਚ 30 ਟਰੱਕ ਜਿੰਨੀ ਜਗ੍ਹਾ ਹੈ, ਜਦੋਂ ਕਿ ਮੱਧ ਡੈਕ ਵਿੱਚ ਲਗਭਗ 100 ਕਾਰਾਂ ਅਤੇ ਚੋਟੀ ਦੇ 500 ਯਾਤਰੀ ਸਫ਼ਰ ਕਰ ਸਕਦੇ ਹਨ। ਫੇਰੀ ਵੇਸਲ ਵਿੱਚ 34 ਚਾਲਕ ਦਲ ਦੇ ਮੈਂਬਰ ਵੀ ਸਵਾਰ ਸਕਦੇ ਹਨ। ਇਸ ਵਿੱਚ ਹੋਰ ਸਹੂਲਤਾਂ ਯਾਨੀ ਚੀਨੀ ਨਾਸ਼ਤਾ ਵੀ ਮੌਜੂਦ ਰਹੇਗਾ। ਹਜੀਰਾ ਦੇ ਘੋਘਾ ਰੋਰੋ ਫੇਰੀ ਸੇਵਾ ਦੇ ਬਹੁਤ ਸਾਰੇ ਵਪਾਰਕ ਲਾਭ ਸੂਰਤ ਦੇ ਵਪਾਰੀਆਂ ਨੂੰ ਹੋਣਗੇ, ਜੋ ਲਗਭਗ 400 ਕਿਲੋਮੀਟਰ ਦੀ ਯਾਤਰਾ ਕਰਦਿਆਂ ਆਪਣੇ ਸੌਰਾਸ਼ਟਰ ਵਿੱਚ ਆਪਣਾ ਕਾਰੋਬਾਰ ਕਰਦੇ ਹਨ.
ਜ਼ਿਕਰਯੋਗ ਹੈ ਕਿ 2017 ਵਿੱਚ ਪ੍ਰਧਾਨਮੰਤਰੀ ਨਰਿੰਦਰ ਮੋਦੀ ਨੇ ਭਾਵਨਗਰ ਦੇ ਘੋਘਾ ਤੋਂ ਰੋ-ਪੈਕਸ ਫੇਰੀ ਸੇਵਾ ਸ਼ੁਰੂ ਕੀਤੀ ਸੀ, ਜੋ ਭਰੋਚ ਦੇ ਦਹੇਜ ਤੱਕ ਸੀ। ਹਾਲਾਂਕਿ, ਬਾਅਦ ਵਿੱਚ ਇਸ ਰੋ-ਪੈਕਸ ਫੇਰੀ ਨੂੰ ਇਸ ਲਈ ਬੰਦ ਕਰ ਦਿੱਤਾ ਗਿਆ ਕਿਉਂਕਿ ਘੋਘਾ ਵਿੱਚ ਜਿੱਥੇ ਇਹ ਬੰਦਰਗਾਹ ਬਣੀ ਹੈ , ਉੱਥੇ ਵੱਡੇ ਹਿੱਸੇ ਵਿੱਚ ਮਿੱਟੀ ਆ ਗਈ ਸੀ, ਜੋ ਜਹਾਜ਼ ਦੇ ਤੈਰਨ ਲਈ ਕਾਫ਼ੀ ਨਹੀਂ ਸੀ।
