sonu sood saves lives of 22 covid patients: ਸੋਨੂੰ ਸੂਦ ਦਾ ਲੋਕਾਂ ਨੂੰ ਮੱਦਦ ਕਰਨ ਦਾ ਕਰਤੱਵ ਲਗਾਤਾਰ ਚੱਲ ਰਿਹਾ ਹੈ।ਉਹ ਦਿਨ-ਰਾਤ ਆਪਣੀ ਟੀਮ ਦੇ ਨਾਲ ਕੋਰੋਨਾ ਤੋਂ ਪ੍ਰਭਾਵਿਤ ਲੋਕਾਂ ਦੀ ਮੱਦਦ ਕਰਨ ‘ਚ ਜੁਟੇ ਹੋਏ ਹਨ।ਕਦੇ ਕਿਸੇ ਵੀ ਹਸਪਤਾਲ ‘ਚ ਬੈੱਡ ਤਾਂ ਕਦੇ ਆਕਸੀਜਨ ਸਿਲੰਡਰ ਦਾ ਇੰਤਜ਼ਾਮ, ਕਦੇ ਕਿਸੇ ਨੂੰ ਪਲਾਜ਼ਮਾ ਤਾਂ ਕਦੇ ਕਿਸੇ ਨੂੰ ਏਅਰ-ਐਂਬੂਲੈਂਸ ਨਾਲ ਘਰ ਪਹੁੰਚਾਉਣਾ, ਮੱਦਦ ਦੀ ਇਸ ਫੇਹਰਿਸਤ ‘ਚ ਸੋਨੂੰ ਸੂਦ ਕਾਫੀ ਉੱਚਾ ਅਹੁਦਾ ਪਾ ਚੁੱਕੇ ਹਨ।ਹੁਣ ਉਨ੍ਹਾਂ ਨੇ ਬੈਂਗਲੁਰ ‘ਚ 22 ਕੋਰੋਨਾ ਮਰੀਜ਼ਾਂ ਦੀ ਜਾਨ ਬਚਾ ਕੇ ਲੋਕਾਂ ਦੇ ਦਿਲ ‘ਚ ਹੋਰ ਇੱਜ਼ਤ ਬਣਾ ਲਈ ਹੈ।ਮੰਗਲਵਾਰ ਨੂੰ ਸੋਨੂੰ ਸੂਦ ਚੈਰਿਟੀ ਦੇ ਇੱਕ ਮੈਂਬਰ ਨੂੰ ਬੈਂਗਲੂਰ ਦੇ ਯੇਲਹਾਂਕਾ ਓਲਡ ਟਾਊਨ ਦੇ ਇੰਸਪੈਕਟਰ ਐੱਮਆਰ ਸੱਤਿਆਨਰਾਇਣ ਵਲੋਂ ਕਾਲ ਆਈ।ਉਨਾਂ੍ਹ ਨੇ ਏਆਰਕੇ ਹਸਪਤਾਲ ਦੀ ਗੰਭੀਰ ਸਥਿਤੀ ਦੇ ਬਾਰੇ ‘ਚ ਦੱਸਦੇ ਹੋਏ ਆਕਸੀਜਨ ਦੀ ਕਮੀ ਦਾ ਬਿਊਰਾ ਦਿੱਤਾ।
ਜਿਵੇਂ ਹੀ ਐਕਟਰ ਨੂੰ ਇਸਦੀ ਖਬਰ ਮਿਲੀ ਉਨਾਂ੍ਹ ਨੇ ਅਤੇ ਉਨ੍ਹਾਂ ਦੀ ਟੀਮ ਨੇ ਅੱਧੀ ਰਾਤ ‘ਚ 15 ਆਕਸੀਜਨ ਸਿਲੰਡਰ ਦੀ ਵਿਵਸਥਾ ਕਰ ਦਿੱਤੀ ਅਤੇ ਹਸਪਤਾਲ ਪਹੁੰਚਾਇਆ।ਆਕਸੀਜਨ ਮਿਲਣ ਤੋਂ ਹਸਪਤਾਲ ‘ਚ ਭਰਤੀ 22 ਕੋਰੋਨਾ ਪਾਜ਼ੇਟਿਵ ਮਰੀਜ਼ਾਂ ਦੀ ਜਾਨ ਬਚ ਗਈ।ਆਪਣੀ ਟੀਮ ਨੂੰ ਇਸ ਉਪਲਬਧੀ ਦਾ ਕੈ੍ਰਡਿਟ ਦਿੰਦੇ ਹੋਏ ਸੋਨੂੰ ਸੂਦ ਨੇ ਇਸ ‘ਤੇ ਗੱਲ ਕੀਤੀ ਹੈ।ਪੂਰੀ ਟੀਮ ਰਾਤਭਰ ਬਿਨ੍ਹਾਂ ਸੁੱਤੇ ਸਿਰਫ ਹਸਪਤਾਲ ਨੂੰ ਆਕਸੀਜਨ ਸਿਲੰਡਰ ਦੀ ਮੱਦਦ ਦੇਣ ਬਾਰੇ ਸੋਚਿਆ।ਜੇਕਰ ਥੋੜੀ ਦੇਰ ਹੁੰਦੀ ਤਾਂ ਕਈ ਪਰਿਵਾਰ ਆਪਣਿਆਂ ਨੂੰ ਖੋਹ ਦਿੰਦੇ।
ਜ਼ੀਰਕਪੁਰ ‘ਚ ਕੋਰੋਨਾ ਮਰੀਜ਼ਾਂ ਲਈ ਯੁਨਾਈਟਿਡ ਸਿੱਖ ਸੰਗਠਨ ਵੱਲੋਂ ਖੋਲਿਆ ਗਿਆ ਆਈਸੋਲੇਸ਼ਨ ਕੇਅਰ ਸੈਂਟਰ…
