ਭਾਰਤੀ ਫੌਜ ਵਿੱਚ ਕੰਮ ਕਰਨ ਵਾਲੀਆਂ ਮਹਿਲਾ ਸੈਨਿਕਾਂ, ਸੇਲਰਸ ਅਤੇ ਹਵਾਈ ਯੋਧਿਆਂ ਨੂੰ ਵੀ ਹੁਣ ਮੇਟਰਨਿਟੀ ਲੀਵ ਅਤੇ ਚਾਈਲਡ ਕੇਅਰ ਲੀਵ ਮਿਲੇਗੀ। ਰੱਖਿਆ ਮੰਤਰਾਲੇ ਨੇ ਇਸ ਪ੍ਰਸਤਾਵ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਨ੍ਹਾਂ ਵਿੱਚ ਮਹਿਲਾ ਅਗਨੀਵੀਰ ਵੀ ਸ਼ਾਮਲ ਹਨ। ਹੁਣ ਤੱਕ, ਫੌਜ ਵਿੱਚ ਸਿਰਫ ਉੱਚ ਰੈਂਕ ਦੀਆਂ ਮਹਿਲਾ ਅਧਿਕਾਰੀਆਂ ਨੂੰ ਜਣੇਪਾ, ਬਾਲ ਦੇਖਭਾਲ ਅਤੇ ਬੱਚੇ ਨੂੰ ਗੋਦ ਲੈਣ ਲਈ ਛੁੱਟੀ ਦਿੱਤੀ ਜਾਂਦੀ ਸੀ।
Women soldiers will also get
ਰੱਖਿਆ ਮੰਤਰਾਲੇ ਨੇ ਇਕ ਬਿਆਨ ‘ਚ ਕਿਹਾ ਕਿ ਇਹ ਫੈਸਲਾ ਫੌਜ ‘ਚ ਸਾਰੀਆਂ ਔਰਤਾਂ ਦੀ ਭਾਗੀਦਾਰੀ ਦੇ ਮੁਤਾਬਕ ਹੈ, ਚਾਹੇ ਉਨ੍ਹਾਂ ਦਾ ਰੈਂਕ ਕੋਈ ਵੀ ਹੋਵੇ। ਨਿਯਮਾਂ ਦੇ ਵਿਸਤਾਰ ਨਾਲ ਫੌਜ ‘ਚ ਤਾਇਨਾਤ ਔਰਤਾਂ ਨੂੰ ਪਰਿਵਾਰਕ ਅਤੇ ਸਮਾਜਿਕ ਮੁੱਦਿਆਂ ਨਾਲ ਨਜਿੱਠਣ ‘ਚ ਕਾਫੀ ਮਦਦ ਮਿਲੇਗੀ। ਇਸ ਤੋਂ ਇਲਾਵਾ ਇਸ ਨਾਲ ਫੌਜ ਵਿਚ ਔਰਤਾਂ ਦੀ ਕੰਮਕਾਜੀ ਸਥਿਤੀ ਵਿਚ ਵੀ ਸੁਧਾਰ ਹੋਵੇਗਾ ਅਤੇ ਉਹ ਨਿੱਜੀ ਅਤੇ ਪੇਸ਼ੇਵਰ ਜੀਵਨ ਵਿਚ ਸੰਤੁਲਨ ਬਣਾ ਸਕਣਗੀਆਂ।
ਇਹ ਵੀ ਪੜ੍ਹੋ : ਲੁਧਿਆਣਾ ‘ਚ ਟਰੱਕ ਨੇ ਬਜ਼ੁਰਗ ਨੂੰ ਦ.ਰੜਿਆ, ਵੈਲਡਿੰਗ ਦੇ ਕੰਮ ਲਈ ਐਨਕਾਂ ਖਰੀਦਣ ਜਾ ਰਿਹਾ ਸੀ ਵਿਅਕਤੀ
ਸਰਕਾਰੀ ਅੰਕੜਿਆਂ ਮੁਤਾਬਕ ਮਾਰਚ 2023 ਤੱਕ ਭਾਰਤੀ ਫੌਜ ਵਿੱਚ 7 ਹਜ਼ਾਰ ਤੋਂ ਵੱਧ ਔਰਤਾਂ ਵੱਖ-ਵੱਖ ਅਹੁਦਿਆਂ ‘ਤੇ ਤਾਇਨਾਤ ਹਨ। ਇਨ੍ਹਾਂ ਵਿੱਚੋਂ 6 ਹਜ਼ਾਰ 993 ਮਹਿਲਾ ਅਧਿਕਾਰੀ ਸੈਨਾ ਵਿੱਚ ਅਤੇ 748 ਜਲ ਸੈਨਾ ਵਿੱਚ ਹਨ। ਮੈਡੀਕਲ ਸਟਾਫ਼ ਨੂੰ ਛੱਡ ਕੇ ਭਾਰਤੀ ਹਵਾਈ ਸੈਨਾ ਵਿੱਚ ਮਹਿਲਾ ਅਧਿਕਾਰੀਆਂ ਦੀ ਗਿਣਤੀ 1,636 ਸੀ। ਇਨ੍ਹਾਂ ਵਿਚ ਮੈਡੀਕਲ ਕੋਰ, ਡੈਂਟਲ ਕੋਰ ਅਤੇ ਮਿਲਟਰੀ ਨਰਸਿੰਗ ਸਰਵਿਸ ਦੀਆਂ ਔਰਤਾਂ ਨੂੰ ਵੀ ਸ਼ਾਮਲ ਕੀਤਾ ਗਿਆ ਹੈ। ਇਕ ਵਿਸ਼ੇਸ਼ ਫੈਸਲੇ ਦੌਰਾਨ 108 ਦੇ ਕਰੀਬ ਔਰਤਾਂ ਨੂੰ ਵੀ ਕਰਨਲ ਦੇ ਅਹੁਦੇ ‘ਤੇ ਤਰੱਕੀ ਦਿੱਤੀ ਜਾਣੀ ਸੀ।
ਵੀਡੀਓ ਲਈ ਕਲਿੱਕ ਕਰੋ : –
